Чиныг «Ӕппӕты номдзыддӕр адӕймаг» ахуыр кӕнын
1 1999 азы 25 октябрӕй ӕмбырды чиныгахуыркӕнынӕдты райдыдтам ахуыр кӕнын чиныг «Ӕппӕты номдзыддӕр адӕймаг». Куыд ӕхсызгон у Йесо Чырыстийы цард ӕмӕ лӕггаддзинад ахуыр кӕнын! Ацы чиныг иннӕ чингуыты хуызӕн арӕзт кӕй нӕу, уымӕ гӕсгӕ нын йӕ ахуыр кӕнынӕн баххуыс кӕндзӕн цалдӕр уынаффӕйы.
2 Чиныджы фӕрстӕ нумерацигонд кӕй не сты, уымӕ гӕсгӕ «Нӕ паддзахадон лӕггаддзинады» 1999 азы ноябры номыры ахуыр кӕнынӕн цы пълан ис, уым алы къуырийӕн дӕр лӕвӕрд цӕуы ӕртӕ кӕнӕ цыппар сӕры. 35-ӕм, 111-ӕм ӕмӕ 116-ӕм сӕртӕ ӕппӕты даргъдӕр кӕй сты, уымӕ гӕсгӕ дихгонд ӕрцыдысты дыууӕ хайыл. Хорз кӕсын чи зоны, ахӕм ӕфсымӕр куы бакӕса ӕнӕхъӕн сӕр (кӕнӕ ӕнӕхъӕн сӕргонд, зӕгъӕм 35-ӕм, 111-ӕм ӕмӕ 116-ӕм сӕрты), уӕд чиныгахуыркӕнынады разамонӕг ратдзӕн, сӕры фӕстӕ чи ис, ӕмӕ цы сӕр кӕнӕ цы сӕргонд бакастыстут, уымӕ цы фарстытӕ хауы, уыдон. Сӕры дзуаппытӕ иууыл фӕд-фӕдыл не сты. Цыбыр ӕмӕ раст дзуаппытӕ хъуамӕ ист уой урокӕй.
3 Уый фӕстӕ рӕстӕг куыд амона, уымӕ гӕсгӕ хъӕуы бакӕсын сӕры фӕстӕ Библийӕ цы бынӕттӕ ис амынд, уыдон. Фыстадӕй дзы бирӕ куы уа кӕсинаг, уӕд ӕй адихгӕнӕн ис гыццылдӕр хӕйттыл, цӕмӕй фылдӕр хъусынгӕнджытӕн сӕ бон уа хайад райсын, уый фӕстӕ сӕм раттӕн ис комментаритӕ. Разамонӕг фарстытӕ темӕмӕ гӕсгӕ куы дӕтта, уӕд дзуаппытӕ уыдзысты ӕххӕст ӕмӕ сӕ бӕрӕг уыдзӕн, Фыстады бынӕттӕ чиныджы ӕрмӕгимӕ куыд сты баст, уый. Фарстытӕ ӕмӕ комментаритӕ хъуамӕ ӕрбацӕуджытӕн се ’ргом здахой Йесо Чырыстимӕ, йӕ цардмӕ ӕмӕ йӕ ахуырӕдтӕм.
4 Чиныг «Ӕппӕты номдзыддӕр адӕймаг» Йесойы цард ӕвзары, цаутӕ кӕрӕдзийы фӕдыл куыд цыдысты, уымӕ гӕсгӕ. Цаутӕ нӕ цӕстытыл куы уайын кӕнӕм ӕмӕ кӕм цыдысты, уымӕ нӕ хъус куы дарӕм, уӕд сӕ хуыздӕр бахъуыды кӕндзыстӕм. Уымӕ гӕсгӕ-иу алыхатт дӕр ӕрныхас кӕн нывтыл ӕмӕ ма чиныджы райдианы, разныхасы фӕстӕ цы картӕ ис, ууыл дӕр.
5 1999 азы 25 октябрӕй райдайгӕ къуыри ӕвзӕрстам разныхас. Сӕргонды абзацтӕ иууылдӕр куы бакастысты, уӕд разамонӕг йӕхӕдӕг темӕмӕ гӕсгӕ цы фарстытӕ бацӕттӕ кодта, уыдон ратта. Афтӕмӕй ахуыр кӕнын райдыдтам. Ӕрбацӕуджытӕ сӕхи куыд цӕттӕ кӕной, уымӕ гӕсгӕ ӕмбардзысты ӕрмӕг. Сӕйраджыдӕр та разамонӕг хъуамӕ алы къуыри дӕр йӕхи хорз цӕттӕ кӕна, цӕмӕй къорды хуыздӕр базонгӕ кӕна ӕппӕты номдзыддӕр адӕймагимӕ — нӕ Хицау ӕмӕ нӕ Ирвӕзынгӕнӕг Йесо Чырыстиимӕ.