Чиныг «Хуыцауы уарзт». Куыд ис адӕмимӕ Библи ахуыр кӕнӕн?
1. Чиныг «Хуыцауы уарзт» цӕмӕн рауагътой?
1 Куыд ӕхсызгон нын уыд, облӕстон конгрессы «Хуыцауы сыгъдӕг уд нын амоны фӕндаг» ног чиныг «Хуыцауы уарзтӕй уӕхи ӕнӕхай ма фӕкӕнут», зӕгъгӕ, куы райстам, уӕд! Куыд фехъусын кодтой, афтӕмӕй ацы чиныг Библийы сӕйраг ахуырӕдтӕ не ’мбарын кӕны, фӕлӕ нын ӕххуыс кӕны, цӕмӕй Йегъовӕйы уагӕвӕрдтӕ хуыздӕр бамбарӕм ӕмӕ сӕ бауарзӕм. Ацы чиныг хӕдзарӕй-хӕдзармӕ нӕ дӕтдзыстӕм.
2. Ацы чиныг куыд ӕмӕ кӕимӕ ис ахуыр кӕнӕн?
2 Адӕймагимӕ чиныг «Библи цы дзуры» ахуыр куы фӕуӕм, уӕд уый фӕстӕ рахизын хъӕуы ацы чиныгмӕ. Дӕ зӕрдыл дар: иууылдӕр ахуырмӕ иухуызон рӕвдз не сты ӕмӕ сӕ уырнындзинад дӕр иухуызон не сфидар вӕййы. Адӕймаг цас бамбардзӕн, уымӕй фылдӕр ӕрмӕг йемӕ ӕвзарын нӕ хъӕуы. Сӕйрагдӕр у, цӕмӕй алцыдӕр хорз бамбара. Цалдӕр чиныджы чи рацыд, фӕлӕ ӕмбырдтӕм чи нӕ цӕуы ӕмӕ йӕ цард Библимӕ гӕсгӕ чи нӕ ивы, уыдонимӕ ацы чиныг ахуыр кӕнын нӕ хъӕуы.
3. Кӕд искӕимӕ чиныг «Кувут Хуыцауӕн» ахуыр кӕныс, уӕд цы кӕнын хъӕуы?
3 Кӕд адӕймагимӕ чиныг «Кувут Хуыцауӕн» ахуыр кӕныс ӕмӕ ма уын цалдӕр сӕры баззад, уӕд ӕй уӕ бон у кӕронмӕ фӕуын ӕмӕ ахуыргӕнинаджы баразӕнгард кӕнын, цӕмӕй йӕхӕдӕг бакӕса чиныг «Хуыцауы уарзт». Кӕнӕ та, чи зоны, хуыздӕр уыдзӕн иумӕ йӕ куы ахуыр кӕнат. Цы уӕлӕмхасӕн ӕрмӕг дзы ис, уый иумӕ ахуыр кӕнын ӕнӕмӕнг нӕу.
4. Кӕд ахуыргӕнинаг донаргъуыд райста, фӕлӕ чиныг «Библи цы дзуры» ӕмӕ «Хуыцауы уарзт» кӕронмӕ ахуыр нӕ фӕци, уӕд куыд кӕнгӕ у?
4 Кӕд ахуыргӕнинаг дыууӕ чиныджы дӕр нӕ фӕци, фӕлӕ донаргъуыд райста, уӕддӕр чиныг «Хуыцауы уарзт» хъӕуы кӕронмӕ фӕуын. Фыссӕн ис рӕстӕг, цал хатты йӕм ӕрбацыдтӕ ӕмӕ Библийы ахуыр. Демӕ ма кӕд ӕндӕр хъусынгӕнджытӕй исчи уа ӕмӕ дын ахуыры рӕстӕг ӕххуыс кӕна, уӕд уымӕн дӕр йӕ бон у рӕстӕг фыссын.
5. Цасдӕр рӕстӕг чи нӕ хъусын кӕны, уыдонимӕ чиныг «Хуыцауы уарзт» куыд ис ахуыр кӕнӕн?
5 Чи зоны дын Ӕмбырды комитетӕй исчи бахӕс кӕна, цӕмӕй, чи ӕрлӕмӕгъ, ахӕм хо кӕнӕ ӕфсымӕримӕ чиныгӕй «Хуыцауы уарзт» кӕцыдӕр сӕртӕ равзарай. Уыцы хотӕ ӕмӕ ӕфсымӕртимӕ бирӕ рӕстӕг ахуыр кӕнын нӕ фӕхъӕуы. Куыд хорз у, ацы чиныг нын кӕй ис, уый, уымӕн ӕмӕ нын баххуыс кӕндзӕн, цӕмӕй Хуыцауы уарзтӕй нӕхи ӕнӕхай ма фӕкӕнӕм! (Иудӕйы 21).