Фарон цы ахсджиаг хабӕрттӕ ӕрцыд

ХУЫЦАУ йӕ Паддзахады фӕрцы цы сараздзӕн, уый тыххӕй Исайы 9:7 стихы фыст ис: «Уый бакӕндзӕн зынгзӕрдӕ Хуыцау, ӕфсӕдты хицау Йегъовӕ». Уыцы Паддзахады Паддзах, Йесо Чырысти, зӕххыл куы лӕггад кодта, уӕд уый дӕр равдыста, тынг зынгзӕрдӕ кӕй у (Иоан. 2:17). Дӕлдӕр цы хабӕрттӕ ис фыст, уыдонӕй бӕрӕг у, Йегъовӕйы Ӕвдисӕнтӕ ӕнӕхъӕн зӕххыл Йегъовӕйы ӕмӕ Йесойы сӕ зынгзӕрдӕдзинадӕй кӕй фӕзмынц ӕмӕ адӕмӕн кӕй ӕххуыс кӕнынц, цӕмӕй банкъарой, сӕ уӕларвон Фыд сӕ кӕй уарзы, уый.