Библи цавӕр чиныгыл нымайыс?

БИБЛИЙЫ ФЫСТ ИС

«Фыстад ӕнӕхъӕнӕй дӕр у Хуыцауы комытӕфӕй фыст» (2 Тимофеймӕ 3:16, «Библи – Ног дунейы тӕлмац»).

УЫЙ ДЫН ЦӔУЫЛ ДЗУРӔГ У

Царды ахсджиагдӕр фарстатӕн дзуапп базондзынӕ (Ӕмбисӕндтӕ 2:1–5).

Алы хъуыддаджы дӕр дын хорз разамынд уыдзӕн (Псалом 119:105).

Фидӕнмӕ ныфсджынӕй кӕсдзынӕ (Ромӕгтӕм 15:4).

БИБЛИЙЫ ЦЫ ФЫСТ ИС, УУЫЛ ӔЦӔГДӔР ИС ӔУУӔНДӔН?

О, ӕппынкъаддӕр, ӕртӕ хъуыддаджы тыххӕй.

• Ис дзы иу сӕйраг хъуыды. 1 600 азы дӕргъы Библи фыстой 40 адӕймаджы бӕрц. Сӕ фылдӕр кӕрӕдзийы уынгӕ дӕр никуы фӕкодтой. Фӕлӕ ӕнӕхъӕн Библийы дӕр ис иу сӕйраг хъуыды!

• Историмӕ гӕсгӕ у раст. Арӕх историктӕ басусӕг кӕнынц, сӕ адӕм цавӕрдӕр тохы кӕй фӕхӕрд сты, уый. Фӕлӕ Библийы фысджытӕ ӕргом фыстой сӕхи ӕмӕ сӕ адӕмы рӕдыдтыты тыххӕй (2 Азфыстыты 36:15, 16; Псалом 51:1–4).

• Цы фыст дзы ис, уый сӕххӕст вӕййы. Зӕгъӕм, Библийы иу-200 азы раздӕр фыст ӕрцыд, рагон горӕт Вавилонмӕ кӕй бабырсдзысты (Исай 13:17–22). Фыст дзы уыд, Вавилон куыд бацахсдзысты, ӕрмӕст уый нӕ, фӕлӕ ма йӕ чи бацахсдзӕн, уыцы паддзахы ном дӕр (Исай 45:1–3).

  Фидӕны цы хъуамӕ ӕрцыдаид, уый тыххӕй Библийы цы фыст ис, уыдӕттӕ сӕххӕст сты лыстӕг хабӕртты онг. Фӕлӕ уый диссаг нӕу, уымӕн ӕмӕ Библи Хуыцауы Ныхас у (2 Петры 1:21).