АДӔЙМАДЖЫ НОГӔЙ БАБӔРӔГ КӔНЫН
7 УРОК
Дарддӕр дӕр архай адӕймагӕн баххуыс кӕныныл
Уагӕвӕрд: «Ӕппынӕдзух амыдтой ӕмӕ хъусын кодтой... хорз хабар» (Хъуыд. 5:42).
Павел куыд бакодта?
1. Бакӕс ВИДЕОРОЛИКМӔ кӕнӕ бакӕс Хъуыддӕгтӕ 19:8–10. Уый фӕстӕ ахъуыды кӕн ацы фарстатыл:
а) Павелӕн-иу йӕ ныхмӕ куы рацыдысты, уӕддӕр-иу куыд архайдта, цӕмӕй-иу баххуыс кодтаид, чи-иу ӕм байхъуыста, уыдонӕн?
б) Чи-иу ӕм байхъуыста, уыдонмӕ-иу цас арӕх цыд ӕмӕ уый цас рӕстӕг ахаста?
Павелӕй цӕуыл ахуыр кӕнӕм?
2. Хъуамӕ нӕ рӕстӕг ӕмӕ нӕ хъарутӕ ма ’вгъау кӕнӕм, цӕмӕй-иу адӕймагмӕ ногӕй бацӕуыны размӕ нӕхи хорз бацӕттӕ кӕнӕм, ӕмӕ-иу йемӕ Библи ахуыр кӕнын райдайӕм.
Павелы фӕзм
3. Адӕймагӕн хуыздӕр кӕд уыдзӕн, уыцы рӕстӕг ӕм бацу. Ахъуыды кӕн: «Хуыздӕр кӕд ӕмӕ кӕм уыдзӕн йемӕ фембӕлын? Рӕстӕг ын кӕд уыдзӕн мемӕ аныхас кӕнынӕн?» Бацархай, цӕмӕй йӕм бацӕуай, цы рӕстӕгмӕ баныхас кодтат, уыцы рӕстӕг, уый дын зын куы уа, уӕд дӕр.
4. Адӕймагимӕ иннӕ хатмӕ баныхас кӕн. Адӕймагимӕ дӕ ныхас куы фӕуай, уӕд ӕй бафӕрс, иннӕ хатт уӕ бон кӕд уыдзӕн аныхас кӕнын, уымӕй. Кӕцы бонмӕ баныхас кодтат, уыцы бон ӕм бацу.
5. Дӕ ныфс ма асӕттӕд. Адӕймаджы-иу хӕдзары арӕх куы нӕ баййафай кӕнӕ-иу ӕй арӕх куы не ’вдӕла, уӕд-иу афтӕ ма ахъуыды кӕн, ӕмӕ йӕ рӕстдзинад базонын нӕ фӕнды (1 Кор. 13:4, 7). Фӕлӕ дӕ рох ма уӕд, дӕ рӕстӕгӕй, хуыздӕр куыд у, афтӕ кӕй хъуамӕ пайда кӕнай (1 Кор. 9:26).