АДӔЙМАДЖЫ НОГӔЙ БАБӔРӔГ КӔНЫН
9 УРОК
Иннӕты ӕмбар
Уагӕвӕрд: «Цин чи кӕны, уыдонимӕ цин кӕнут, кӕугӕ чи кӕны, уыдонимӕ та кӕут» (Ром. 12:15).
Йесо куыд бакодта?
1. Бакӕс ВИДЕОРОЛИКМӔ кӕнӕ бакӕс Марчы 6:30–34. Уый фӕстӕ ахъуыды кӕн ацы фарстатыл:
а) Йесойы ӕмӕ йӕ апостолты цӕмӕн фӕндыд «хибар ранмӕ» ацӕуын?
б) Йесо адӕмы ахуыр кӕнын цӕмӕн райдыдта?
Йесойӕ цӕуыл ахуыр кӕнӕм?
2. Мах фӕнды адӕмӕн хорз хабар дӕр хъусын кӕнын ӕмӕ сын ӕххуыс дӕр кӕнын.
Йесойы фӕзм
3. Лӕмбынӕг-иу хъус. Адӕймаджы-иу йӕ хъуыды зӕгъын бауадз. Цы хъуыды кӕны, цӕуыл мӕт кӕны кӕнӕ, разы цӕимӕ нӕу, уый тыххӕй дын куы дзура, уӕд-иу ын йӕ ныхас ӕрдӕгыл ма аскъуын кӕнӕ-иу ӕндӕр истӕуыл дзурын ма райдай. Лӕмбынӕг ӕм куы хъусай, уӕд бӕрӕг уыдзӕн, цы хъуыды кӕны, уымӕ куыдфӕндыйы цӕстӕй кӕй нӕ кӕсыс.
4. Фылдӕр базонын кӕй фӕнды, уыцы адӕймагыл-иу хъуыды кӕн. Цӕуыл ныхас кодтат, уый-иу дӕ зӕрдыл ӕрлӕууын кӕн ӕмӕ-иу ахъуыды кӕн:
а) «Рӕстдзинад базонын ӕй цӕмӕн хъӕуы?»
б) «Библи куы ахуыр кӕна, уӕд уый хуыздӕрырдӕм куыд фӕзындзӕн йӕ абоны цардыл дӕр ӕмӕ йӕ фидӕныл дӕр?»
5. Адӕймагимӕ-иу дзур, цы йын баххуыс кӕндзӕн, ууыл. Равдис ын, йӕ фарстатӕн Библийы дзуапп кӕй ис ӕмӕ йын царды кӕй баххуыс кӕндзӕн. Ӕмӕ уый цас раздӕр саразай, уыйас хуыздӕр.