Фарстыты асыкк

◼ Гӕнӕн ис, цӕмӕй адӕймагмӕ ӕдзухдӕр уыцы иу участок уа?

Алыхуызон аххосӕгтӕм гӕсгӕ иуӕй-иутӕм, чи зоны, фӕкӕса, сӕ уавӕрты тыххӕй сын иу участокыл хъусын кӕнын ӕппӕты хуыздӕр кӕй у, уый. Зӕгъӕм, транспортыл цӕуынӕн амал кӕмӕн нӕй, уыдонӕн хорз у, цӕмӕй сӕ участок уа сӕ хӕдзармӕ хӕстӕг. Кӕнӕ йе ’нӕниздзинад кӕй хъыгдары, уыдоны фӕнды, цӕмӕй хъусын кӕной, бирӕ асинтӕ кӕм нӕй, ахӕм хӕдзӕртты. Хорз уаид, ахӕм хъусынгӕнджытӕн куы уаид участоктӕ, цӕмӕй хъусын кӕныны хъуыддаджы ӕдзухдӕр хайад исой.

Фӕлӕ, гӕнӕн уӕвгӕйӕ, хорз уаид, хъусынгӕнӕг участокыл цалдӕр хатты куы рацӕуа, уӕд ӕй куы радтид. Афтӕмӕй ма, зын уавӕртӕ кӕмӕн ис, уыдонӕн дӕр уыдзӕн фадат уыцы участокыл хъусын кӕнынӕн. Уымӕй уӕлдай ма иу участокыл алыхуызон хъусынгӕнджытӕ куы фӕхъусын кӕнынц, уӕд уый ӕрхӕссы хорз дыргътӕ, уымӕн ӕмӕ иумӕ чи нӕ байхъуыста, уый, чи зоны, иннӕмӕ байхъуса. Иуӕй-иу адӕм, гӕнӕн ис, байхъусой сӕхицӕй хистӕртӕм кӕнӕ сӕхицӕй кӕстӕртӕм, йӕ ныхас ӕндӕрхуызон чи райдайы кӕнӕ та ӕндӕр рӕстӕг чи ӕрбацӕуы, ахӕм хъусынгӕнӕгмӕ. Участокыл алыхуызон хъусынгӕнджытӕ куы хъусын кӕной, уӕд хъуыддаг рауайдзӕн, алкӕйдӕр нӕ куыд фӕнды, афтӕ — хорз уацхъуыд бӕстон хъуыстгонд цӕудзӕн алы адӕймагӕн дӕр. Службӕйон цӕстдарӕг хъуамӕ уымӕ йӕ хъус дара.

Кӕд исчи хъуыды кӕны, йӕ уавӕртӕм гӕсгӕ йын уыцы иу участокыл хъусын кӕнын хуыздӕр кӕй у, уӕд рӕстӕгӕй-рӕстӕгмӕ йӕ бон у уым иннӕтимӕ хъусын кӕнын. Кӕд иннӕтӕ искӕй бацымыдис кодтой кӕнӕ Библи ахуыр кӕнын райдыдтой, уӕд сӕ бон у дарддӕр дӕр уыцы адӕммӕ цӕуын. Кӕнноддӕр та, уыцы участок нысангонд кӕмӕн уа, уымӕн йӕ бон куы уа ӕнтыстджынӕй уыцы адӕмы уырнындзинад фидар кӕнын, уӕд сӕ ис уымӕн бабар кӕнӕн.

Ӕппӕты ахсджиагдӕр у хъуыды кӕнын: нӕ участокыл цы адӕм цӕры, уыдонӕн куыд хуыздӕр уыдзӕн? Мах фӕнды нӕ участокыл афтӕ хъусын кӕнын, цӕмӕй фысы хуызӕн адӕмӕн хуыздӕр баххуыс кӕнӕм.