Кӕм хъусын кӕнай, уый дын ис?
1. Участок цы у?
1 Мах фӕхъусын кӕнӕм, кӕм нын бабар кӕнынц, уым. Уый хуыйны участок. Участок вӕййы ӕввахс ӕмӕ йӕм ацӕуӕн вӕййы иунӕгӕй кӕнӕ ӕндӕр хъусынгӕнӕгимӕ. Гӕнӕн уӕвгӕйӕ, къордимӕ уацамынды цӕуын хорз у, фӕлӕ адӕймагӕн йӕхи участок куы уа, уӕд бӕстондӕр хъусын кӕндзӕн, уӕлдайдӕр та ӕмбырдӕн стыр территори куы уа, уӕд (Ап. хъ. 10:42).
2. Участок нын уа, уый хорз цӕмӕй у?
2 Хорз цӕмӕй у. Иуӕй-иутӕ куыд зӕгъынц, афтӕмӕй, хорз вӕййы, цӕмӕй участок сӕ куыстмӕ ’ввахс уа ӕмӕ сихорафон, йе та фӕскуыст хъусын кӕной. Иннӕты та фӕфӕнды, кӕм цӕрынц, уым, кӕнӕ сӕ чиныгахуыры размӕ сӕ бинонтимӕ иу сахаты бӕрц хъусын кӕнын. Афтӕмӕй, ногӕй бацӕуын кӕмӕ хъӕуы ӕмӕ Библи кӕимӕ ахуыр кӕныс, уыдонмӕ дардмӕ цӕуын нӕ хъӕудзӕн. Уый руаджы адӕймаг тынг нӕ фӕллайдзӕн, стӕй бирӕ рӕстӕг ӕмӕ ӕхца дӕр нӕ хардз кӕндзӕн. Къаддӕр рӕстӕгмӕ фылдӕр саразӕн кӕй вӕййы, уымӕ гӕсгӕ, нӕхицӕн участок куы уа, уӕд, чи зоны, нӕ бон суа иуӕй-иу хатт ӕххуысгӕнӕг кӕнӕ ма суанг ӕххӕстрӕстӕг пионерӕй дӕр лӕггад кӕнын. Уымӕй уӕлдай, цы адӕм дзы цӕры, уыдоны хуыздӕр базондзыстӕм ӕмӕ ныл тынгдӕр ӕууӕнддзысты. Уӕд нын ӕнцондӕр уыдзӕн нӕ ныхас сӕ уавӕртӕм гӕсгӕ аразын ӕмӕ нын нӕ лӕггады фылдӕр ӕнтысдзӕн.
3. Участок чи райста, уыцы пионерӕн цы бантыст?
3 Иу пионеры районон цӕстдарӕг сразӕнгард кодта участок райсынмӕ. Пионер зӕгъы: «Уыцы уынаффӕмӕ байхъуыстон ӕмӕ, бирӕ рӕстӕг нӕ рацыд, афтӕ мӕ участокы цӕрджыты хорз базыдтон ӕмӕ семӕ бахӕлар дӕн. Уыдонӕн хуыздӕр кӕд у, уӕд сӕм бацӕуын. Афтӕмӕй, мӕйы мидӕг адӕммӕ ногӕй цал хатты бацӕуын, уыцы нымӕц фӕфылдӕр: уыд 35, ныр та – 80. Авд адӕймагимӕ та Библи ахуыр кӕнын».
4. Дӕ бон куыд у участок райсын ӕмӕ йыл бакусын?
4 Участок райсӕн куыд ис. Кӕд дӕ участок райсын фӕнды, уӕд, участоктӕ кӕмӕ сты, уыцы ’фсымӕрӕн зӕгъ. Ӕфсӕрмы ма кӕн, искӕй-иу фӕхон демӕ хъусын кӕнынмӕ, ӕмӕ, хӕдзары кӕй нӕ баййафыс, уыдоны-иу дӕхимӕ ныффысс. Хъуамӕ дӕ участок цыппар мӕймӕ бакусай. Кӕд дын уый зын у, уӕд ӕххуыс ракур дӕ чиныгахуыры цӕстдарӕгӕй кӕнӕ ӕндӕр искӕмӕй. Цыппар мӕйы фӕстӕ дӕ бон у дӕ участок фӕстӕмӕ раттын кӕнӕ та йӕ ногӕй ракурын. Фӕлӕ уыцы иу участок бирӕ рӕстӕг дӕхимӕ дарай, уый раст нӕу. Хъуамӕ йӕ раттай, цӕмӕй йыл иннӕтӕ дӕр бакусой. Кӕд уе ’мбырдӕн йӕ территори гыццыл у ӕмӕ уый гӕнӕн нӕй, цӕмӕй дӕхицӕн участок уа, уӕд дӕ чиныгахуыры цӕстдарӕгӕй ракур участокӕн йӕ кӕцыдӕр хай.
5. Цы хъӕуы, цӕмӕй нӕ хӕс ӕххӕст кӕнӕм?
5 Махӕн нӕ хӕс у «ӕгас зӕххы цъарыл дӕр» хъусын кӕнын, ӕмӕ уый ӕнцон хъуыддаг нӕу (Матф. 24:14). Уый тыххӕй хъӕуы ӕмгуыст кӕнын. Къордимӕ ӕмӕ хи участокы куы хъусын кӕнӕм, уӕд нӕ бон уыдзӕн фылдӕр адӕмыл аххӕссын ӕмӕ сын хорз хабар фехъусын кӕнын.