Цы пайда у, цӕмӕй дын участок уа?
1. Участок райсыныл цӕмӕн хъӕуы ахъуыды кӕнын?
1 Уе ’мбырдӕн стыр территори куы уа, уӕд дӕ бон цы у саразын? Дӕ бон у участок райсын, чи зоны кӕм цӕрыс, уырдӕм ӕввахс. Чиныджы «Организованы», 103 фарсыл фыст ис: «Дӕ участок дард куы нӕ уа, уӕд дӕ бон уыдзӕн фылдӕр хъусын кӕнын. Стӕй ма дӕ бон уыдзӕн дӕ участокмӕ иннӕ хъусынгӕнджыты дӕр хонын».
2. Участок нын кӕй ис, уый нын ӕмбырдимӕ хъусын кӕнынӕн стыр ӕххуыс куыд у?
2 Ӕххуыс у ӕмбырдимӕ хъусын кӕнынӕн. Дӕ участок дӕ куыстмӕ ’ввахс куы уа, уӕд дӕ бон уыдзӕн уацамынды цӕуын сихорафон кӕнӕ фӕскуыст, йе та уырдӕм ӕввахс чи кусы, ахӕм хъусынгӕнӕгимӕ. Дӕ участок дӕ хӕдзармӕ ’ввахс куы уа, уӕд дын ӕнцон уыдзӕн дӕ бинонтимӕ изӕрыгӕтты хъусын кӕнын. Кӕд уацамындон фембӕлды нӕ вӕййыс, уӕд, цалынмӕ хъусын кӕнын нӕ райдайыс, уӕдмӕ-иу хорз уаид Йегъовӕмӕ скувын (Фил. 4:6). Стӕй хъуамӕ ӕмбаргӕйӕ архайӕм – нӕхи участокы кӕй хъусын кӕнӕм, уый нӕ хъуамӕ ма хъыгдара ӕмбырдимӕ хъусын кӕнын. Уӕлдайдӕр улӕфгӕ бонты, бирӕтӕ уацамындон фембӕлдтӕм куы фӕцӕуынц, уӕд хуыздӕр уаид, уыцы фембӕлдмӕ бацӕуын ӕмӕ дӕ къордимӕ хъусын кӕнын.
3. Участок дын уа, уый цы пайда у?
3 Цы пайда у. Кӕд дын участок ис, уӕд дӕ бон уыдзӕн, фадат дын куыддӕр фӕзына, афтӕ хъусын кӕнын. Афтӕмӕй фылдӕр рӕстӕг хъусын кӕндзынӕ, ӕмӕ дын фӕндагыл бирӕ рӕстӕг нӕ цӕудзӕн. Уый фӕрцы бирӕтӕн сӕ бон у ӕххуысгӕнӕг кӕнӕ ӕххӕстрӕстӕг пионертӕй лӕггад кӕнын. Дӕ участокы дӕм хорз чи байхъуыста, уыдон дӕм ӕввахс кӕй уыдзысты, уый фӕрцы дын ӕнцондӕр уыдзӕн, цӕмӕй сӕм дыккаг хатт бацӕуай ӕмӕ семӕ Библи ахуыр кӕнын райдайай. Бирӕтӕ куыд зӕгъынц, афтӕмӕй, цалынмӕ сӕ участок нӕ раттынц, уӕдмӕ йӕ цӕрджытимӕ хуыздӕр базонгӕ вӕййынц ӕмӕ рӕстдзинадмӕ хуыздӕр хъусын райдайынц, уӕлдайдӕр сӕ арӕх куы фӕбӕрӕг кӕнынц, уӕд. Уӕдӕ дын участок куы уа, уӕд дӕхӕдӕг дӕр ӕмӕ дӕ бинонтӕ дӕр уӕ лӕггады рохуаты ницы уадздзыстут (2 Тим. 4:5).