Цӕй руаджы уыдзыстӕм фидар уырнындзинады?
1 Иегъовӕйы организацийы фыццаг бонӕй нӕ къухы цы духовон ӕнтыстдзинӕдтӕ ӕфты, уыдон нын хӕссынц стыр циндзинад! Фӕлӕ цӕмӕй уырнындзинады «уидӕгтӕ ауадзӕм... фидар» уӕм, уый тыххӕй хъуамӕ духовон ӕгъдауӕй рӕзӕм (Кол. 2:6, 7). Кӕд бирӕтӕ духовон ӕгъдауӕй рӕзынц, уӕддӕр иуӕй-иутӕ «уырнындзинады [нӕ] лӕууынц», ӕмӕ уымӕ гӕсгӕ ахауынц (1 Кор. 16:13). Уымӕй нӕ бон у нӕхи бахизын. Куыд?
2 Иудадзыг духовон хъуыддӕгты хайад исын. Сараз хорз график Иегъовӕйы организацийы духовон хъуыддӕгтӕн. Уым нӕ духовон домӕнтӕ ӕххӕст кӕнӕм. Ӕмбырды фембӕлдтӕ ӕмӕ нӕ конгрестӕ разӕнгард кӕнынц, цӕмӕй дарддӕр дӕр духовон ӕгъдауӕй рӕзӕм ӕмӕ нӕ уырнындзинад фидар кӕнӕм; ӕнӕсцухӕй сӕм кӕй цӕуӕм, уымӕ гӕсгӕ арфӕдзинад исӕм (Дзут. 10:24, 25). Иудадзыг куы кӕсӕм Библи, журналтӕ «Хъахъхъӕнӕг мӕсыг» ӕмӕ «Райхъал ут!» ӕмӕ ма Хуыцауы Ныхасӕй фидар хӕринаг кӕм ӕвзарынц, ахӕм чингуытӕ, уӕд нӕ духовон уидӕгтӕ уыдзысты арфдӕр ӕмӕ фидардӕр (Дзут. 5:14). Тынг нын ӕххуыс кӕндзӕн, сӕрмагондӕй нӕ разы цы духовон нысӕнттӕ ӕвӕрӕм ӕмӕ сӕ сӕххӕст кӕныныл кӕй архайӕм, уый (Фил. 3:16).
3 Духовон ӕгъдауӕй фӕлтӕрдджын чырыстӕтты ӕххуыс. Ӕмбырды фылдӕр ныхас кӕн духовон ӕгъдауӕй фӕлтӕрдджын чырыстӕттимӕ. Базонгӕ у мхистӕр нӕлгоймӕгтимӕ, уымӕн ӕмӕ нӕ фыццаджыдӕр уыдон бафидар кӕндзысты (1 Фес. 2:11, 12). Лӕмбынӕг сын хъус сӕ уынаффӕмӕ кӕнӕ сӕ амындтӕм (Еф. 4:11—16). Службӕйон ӕххуысгӕнджытӕ дӕр архайынц, цӕмӕй иннӕтӕн ӕххуыс кӕной уырнындзинады фидар лӕууынӕн, ӕмӕ дын уымӕ гӕсгӕ уыцы ӕфсымӕртӕ дӕр баххуыс кӕндзысты.
4 Уацамынды дӕ ӕххуыс хъӕуы? Аныхас кӕн хистӕр нӕлгоймӕгтимӕ ӕмӕ сын зӕгъ, цӕмӕй дын баххуыс кӕной. Чи зоны дӕ бахӕссой программӕмӕ «Пионертӕ ӕххуыс кӕнынц иннӕ хъусынгӕнджытӕн». Ӕрӕджы райстай аргъуыд? Уӕд чиныг «Нӕ лӕггаддзинад» (уырыс.) куы ахуыр кӕнай ӕмӕ дзы царды куы пайда кӕнай, уӕд дын уый дӕ духовон рӕзтӕн баххуыс кӕндзӕн. Сывӕллӕттӕ дын ис? Иудадзыг фидар кӕн дӕ сывӕллӕтты духовондзинад (Еф. 6:4).
5 Уырындзинады уидӕгтӕ куы ауадзӕм ӕмӕ фидар куы уӕм, уӕд нын Иегъовӕимӕ уыдзӕн хорз ахастытӕ ӕмӕ хӕларӕй цӕрдзыстӕм не ’фсымӕртимӕ. Уый нын ӕххуыс кӕны Сайтаны ныхмӕ фӕлӕууынӕн ӕмӕ нын фидар кӕны нӕ ныфс ӕнусон цардыл (1 Петры 5:9, 10).