Ахсджиаг хъуыддӕгтӕн аргъ кӕныс?
1 Исчи нӕ куы бафӕрсид, ахсджиаг хъуыддӕгтӕн аргъ кӕнут, зӕгъгӕ, уӕд ӕвӕццӕгӕн уайтагъд зӕгъиккам: «О!». Цы сты, Хуыцау нын кӕй радта ӕмӕ аргъ кӕмӕн кӕнӕм, уыцы лӕвӕрдтӕй иуӕй-иутӕ?
2 Куыд тынг аргъ кӕнӕм, нӕ уӕларвон Фыдимӕ нын сӕрмагонд ахастытӕ кӕй ис, уымӕн! Уый нын зӕрдӕ ӕвӕры, куы йӕм ӕрхӕстӕг уӕм, уӕд нӕм уый дӕр кӕй «ӕрхӕстӕг уыдзӕн» (Иак. 4:8). Йесо Чырыстийы ӕлхӕнӕг нывонд куы нӕ уыдаид, уӕд иу адӕймагӕн дӕр нӕ уыдаид ӕнусон царды ныфс (Иоан. 3:16). Мах тынг бузныг стӕм уый тыххӕй, ӕмӕ Хуыцауы уыцы зынаргъ лӕварӕн кӕй аргъ кӕнӕм, уый алы бон дӕр ӕвдисӕм нӕ куывтыты.
3 Хуыцауы удцырын Ныхас, Библи, ӕмӕ Иегъовӕйы зӕххон организаци дӕр нӕ царды ахсынц ахсджиаг бынат. Иегъовӕйы лӕвӕрттӕн кӕй аргъ кӕнӕм, уый ӕвдисӕм, Библийы принциптӕм гӕсгӕ цӕргӕйӕ, ӕфсымӕрты уарзгӕйӕ, теократон уагӕвӕрд лӕмбынӕг ӕххӕстгӕнгӕйӕ ӕмӕ разамонджытимӕ ӕмгуыстгӕнгӕйӕ (1 Пет. 1:22).
4 Ӕууӕнкджын ӕмӕ зондджын цагъары уылты исӕм бирӕ духовон хӕринаг. Ацы аз дӕр та облӕстон конгрессы «Хуыцауы Ныхас ӕххӕстгӕнджытӕ», зӕгъгӕ, уыдзӕн диссаджы духовон куывд. Уым нын лӕвӕрд цӕудзӕн ахсджиаг амындтӕ ӕмӕ нӕ бон уыдзӕн нӕ хӕларзӕрдӕ ӕфсымӕртӕ ӕмӕ хотимӕ ныхас кӕнын, уымӕн ӕмӕ нӕ уый дӕр ӕнӕмӕнг хъӕуы. Уыцы ахсджиаг хъуыддӕгтӕн кӕй аргъ кӕнӕм, уый нӕ бон куыд у ӕвдисын?
5 Иегъовӕйы хӕдзар рохуаты ма уадз: Иерусалимы систӕ ногӕй чи амадта ӕмӕ зӕрдиагӕй чи куыста, уыдоны Нееми бафӕдзӕхста, цӕмӕй «сӕ Хуыцауы хӕдзар рохуаты ма ныууагътаиккой» (Неем. 10:39, НД). Абон Иегъовӕйы «хӕдзар» у йӕ кувынады сконд. Нӕ облӕстон конгрестӕ сты уыцы сконды хай. Цӕмӕй уыцы кувынады сконд рохуаты ма ныууадзӕм, уый тыххӕй хъуамӕ конгресмӕ ӕрбацӕуӕм ӕмӕ лӕмбынӕг хъусӕм, ӕмӕ афтӕмӕй Иегъовӕйӕн равдисдзыстӕм, цы нын дӕтты, уымӕн тынг кӕй аргъ кӕнӕм, уый (Дзут. 10:24, 25). Цы хъуамӕ спълан кӕнӕм абон, цӕмӕй равдисӕм, уыцы ахсджиаг цауӕн тынг кӕй аргъ кӕнӕм, уый?
6 Ӕртӕ боны дӕр у конгрессы: Алчидӕр нӕ йӕ хъуыддӕгтӕ хъуамӕ афтӕ спълан кӕна, цӕмӕй конгрессы ӕртӕ боны дӕр уа. Пълан кӕныс алы райсом дӕр раздӕр ӕрбацӕуынмӕ ӕмӕ хуыцаубоны суанг кӕронбӕттӕн куывды онг баззайынмӕ? Кӕд афтӕ у, уӕд тынг арфӕгонд ӕрцӕудзынӕ. Гӕнӕн ис конгресмӕ дын алкӕд ӕнцон ма уа цӕуын. Дӕ куыстӕй дӕ чи зоны ма уадзой, фӕлӕ дӕ хъӕудзӕн фидар фӕлӕууын. Транспорты дӕр гӕнӕн ис ӕнцон цӕуӕн ма уа. Фӕлӕ уыдӕтты тыххӕй конгресс ма фӕцух кӕн.
7 Диссаджы цӕвиттон: Фарон иу африкаг бӕстӕйы ӕрцыд ахӕм цау. Цалдӕр ӕфсымӕры фӕцӕйцыдысты облӕстон конгресмӕ, ӕмӕ уыцы бӕстӕйы змӕстытӕ кӕй уыд, уымӕ гӕсгӕ сӕмбӕлдысты ӕфсӕддонтыл. Ӕфсымӕрты бафарстой: «Чи стут ӕмӕ кӕдӕм цӕут?» Уыдон дзуапп радтой: «Мах стӕм Иегъовӕйы Ӕвдисӕнтӕ ӕмӕ цӕуӕм облӕстон конгресмӕ». Уӕд сын ӕфсӕддонтӕй иу загъта: «Сымах, Иегъовӕйы Ӕвдисӕнтӕ, ӕппындӕр ницӕмӕй тӕрсут. Ацӕут ӕмӕ уӕ конгресс дзӕбӕхӕй ауадзут. Фӕлӕ уӕхи хъахъхъӕнут, уымӕн ӕмӕ фембӕлдзыстут бирӕ ӕфсӕддонтыл. Цӕут фӕндаджы астӕуты! Бирӕ адӕм куы фенат, уӕддӕр цӕут фӕндаджы астӕуты!» Ӕфсымӕртӕ афтӕ бакодтой, ӕмӕ ӕнӕфыдбылызӕй бахӕццӕ сты конгресмӕ. Уыцы ӕфсымӕртӕ ӕрцыдысты арфӕгонд, уымӕн ӕмӕ равдыстой, ахсджиаг хъуыддӕгтӕн аргъ кӕй кодтой, уый.
8 Нӕ африкаг ӕфсымӕртау мах дӕр сӕмбӕлӕм зындзинӕдтыл. Фӕлӕ, кӕй зӕгъын ӕй хъӕуы, нӕ бон у, сӕ уырнындзинад сын фӕзмӕм ӕмӕ нӕ облӕстон конгрессы йӕ райдианӕй йӕ кӕронмӕ уӕм. Исты нын куы нӕ уайа, уӕд Иегъовӕйӕ ӕххуыс курдзыстӕм, уымӕн ӕмӕ нын уый баххуыс кӕндзӕн, цӕмӕй конгрессы ӕнӕхъӕн программӕйы дӕр уӕм.
9 Стыр арфӕдзинӕдтӕ: Мах тырнӕм Хуыцауы Ныхас ахуыр кӕнынмӕ, уымӕн ӕмӕ зонӕм, уый руаджы ирвӕзындзинадӕн кӕй сырӕздзыстӕм, уый (1 Пет. 2:2). Облӕстон конгрессы кӕй уыдзыстӕм ӕмӕ программӕмӕ кӕй хъусдзыстӕм, уый нӕ алкӕмӕндӕр баххуыс кӕндзӕн нӕ уырнындзинад уыцы Ныхасыл фӕфидардӕр кӕнынӕн ӕмӕ Сайтаны ныхмӕ фӕлӕууынӕн. Афтӕмӕй мах Иегъовӕйӕн ӕмӕ адӕмӕн равдисдзыстӕм, ахсджиаг хъуыддӕгтӕн тынг кӕй аргъ кӕнӕм ӕмӕ кӕй «не стӕм дызӕрдыггӕнджытӕй... фӕлӕ [кӕй] лӕууӕм уырнындзинады, уды ирвӕзындзинадӕн» (Дзут. 10:39; 12:16; Фӕс. н. 27:11).
10 Мах ӕнӕрхъӕцӕй ӕнхъӕлмӕ кӕсӕм, Иегъовӕ Хуыцау уӕлӕрвты дуӕрттӕ кӕд байгом кӕндзӕн ӕмӕ нӕ духовон арфӕдзинӕдтӕй кӕд схайджын кӕндзӕн, уыцы рӕстӕгмӕ (Мал. 3:10). Дӕхицӕн нысан сӕвӕр, облӕстон конгрессы «Хуыцауы Ныхас ӕххӕстгӕнджытӕ», зӕгъгӕ, кӕй уыдзынӕ майрӕмбонӕй программӕйы райдианӕй суанг хуыцаубоны фӕссихор кӕронбӕттӕн куывды онг, цалынмӕ се ’ппӕтдӕр «оммен» нӕ зӕгъой, уӕдмӕ. Афтӕ куы бакӕнай, уӕд нӕ фӕфӕсмон кӕндзынӕ!