Фарстыты асыкк

◼ Ӕхсӕз мӕйы дӕргъы кӕнӕ фылдӕр рӕстӕг лӕггаддзинады хыгъд чи нӕ радта, уыцы адӕймагӕн куыд ис баххуысгӕнӕн, цӕмӕй ногӕй хорз уацхъуыд хъусын кӕна?

Ӕхсызгон вӕййы, ахӕм адӕймаг йӕ хъуыддӕгтӕй куы февдисы, Иегъовӕйӕн лӕггад кӕнын ӕй зӕрдиагӕй кӕй фӕнды, уый (Лук. 15:4—6). Чи зоны, ныхмӕлӕуды аххосӕй кӕнӕ уӕззау царды тыххӕй адӕймаг Библи сӕрмагондӕй нал ахуыр кӕны, фембӕлдтӕм нал цӕуы ӕмӕ хорз уацхъуыд нал хъусын кӕны. Хуыздӕр ын куыд ис баххуысгӕнӕн, цӕмӕй йӕ уырнындзинад бафидар уа?

Алчидӕр нӕ хъуамӕ хъуыддӕгтӕй равдиса, уыцы ӕфсымӕр кӕнӕ хойы ӕцӕгӕйдӕр кӕй уарзы, уый. Хистӕр нӕлгоймӕгтӕ ӕвӕстиатӕй сбӕлвырд кӕндзысты, ахӕм адӕймаджы фыццаджыдӕр цавӕр ӕххуыс хъӕуы, уый (Иак. 5:14, 15). Кӕд хъусынгӕнӕг уацамынды хыгъд нӕ радта ӕхсӕз мӕйӕ фылдӕр, уӕд, чи зоны, ӕрмӕстдӕр бахъӕудзӕн фӕлтӕрдджын хъусынгӕнӕджы ӕххуыс, цӕмӕй та адӕймаг хъусын кӕнын райдайа. Фӕлӕ кӕд ахӕм хъусынгӕнӕг ӕмбырды хъуыддӕгты рагӕй нӕ иста хайад, уӕд ӕй, ӕвӕццӕгӕн, бахъӕудзӕн фылдӕр ӕххуыс. Цӕмӕй йӕ уырнындзинад бафидар уа ӕмӕ йӕ ӕмбарынад фӕарфдӕр уа, уый тыххӕй хорз уаид ӕмбӕлон публикацийы ӕххуысӕй йемӕ Библи ахуыр кӕнын. Уӕд хъуамӕ службӕйон ӕххуысгӕнӕг фӕлтӕрдджын хъусынгӕнӕгимӕ баныхас кӕна, цӕмӕй уый йемӕ ахуыр кӕна. (Дзут. 5:12—14; кӕс «Нӕ паддзахадон лӕггаддзинад», 1998 аз, ноябрь, «Фарстыты асыкк».) Кӕд искӕй ахӕм ӕххуыс хъӕуы ӕмӕ йӕ зоныс, уӕд аныхас кӕн де ’мбырды службӕйон цӕстдарӕгимӕ.

Бирӕ рӕстӕджы дӕргъы уацамынды хыгъд чи нӕ радта, уый хъусын кӕнынмӕ фӕхоныны размӕ уал хорз уаид, йемӕ дыууӕ хистӕр нӕлгоймаджы куы фембӕликкой ӕмӕ куы сбӕлвырд кӕниккой, Паддзахады тыххӕй хъусын кӕнынмӕ цӕттӕ у ӕви нӕ. Уыдон хъуамӕ йемӕ аныхас кӕной, хорз уацхъуыд хъусынгӕнӕг суӕвын кӕй фӕнды, ахӕм цымыдисгӕнаг адӕймагимӕ куыд фӕныхас кӕнынц, афтӕ. (Кӕс «Хъахъхъӕнӕг мӕсыг», 1989 аз, 15 сентябрь, 13, 14 ф., уырыссаг.) Ӕхсӕз мӕйӕ фылдӕр уацамынды хыгъд чи нӕ радта, уыцы адӕймаджы хъуамӕ зӕрдиагӕй фӕнда иннӕ хъусынгӕнджытимӕ хорз уацхъуыд хъусын кӕнын. Уый ма хъуамӕ ӕххӕст кӕна, чиныг «Нӕ лӕггаддзинад»-ы, 98, 99 ф., (уыр.) цы сӕйраг домӕнтӕ ис, уыдон дӕр ӕмӕ хъуамӕ ӕдзухдӕр цӕуа ӕмбырды фембӕлдтӕм.

Чи ӕрбаздӕхт, уыцы адӕймаг ӕдзухдӕр Библи куы ахуыр кӕна, уӕд ын уый тынг баххуыс кӕндзӕн, цӕмӕй йӕ ахастытӕ Иегъовӕимӕ фидардӕр кӕна ӕмӕ сын аргъ кӕна, стӕй ма ноджыдӕр цӕмӕй ӕнӕфӕцудгӕйӕ цӕуа ӕнусон цардмӕ кӕнӕг фӕндагыл (Мтф. 7:14; Дзут. 10:23—25). «Ӕппӕт тырнындзинад» ӕм куы уа ӕмӕ чырыстон миниуджытыл куы куса, уӕд никуыуал уыдзӕн «ӕнӕнтыст ӕмӕ ӕнӕ дыргъ», куыд Чырыстийы ахуыргӕнинаг (2 Пет. 1:5—8).