«Нӕ басастӕн! Нӕ басастӕн! Нӕ басастӕн!»
1 Ацы ныхӕстӕ загъта, немыцаг фашисттӕ адӕмы куы цагътой, уӕд удӕгасӕй чи баззад, уыцы иузӕрдион чырыстон, ӕмӕ ӕвдисынц, мингай Ӕвдисӕнтӕ — ӕгасӕй ма дзы чи баззад ӕмӕ чи амард — куыд фидар лӕууыдысты ӕмӕ ӕгъатыр нацизмы рӕстӕджы сӕ уырнындзинӕдтыл куыд фидар хӕцыдысты, уый (Еф. 6:11, 13). Сӕ диссаджы хъӕбатырдзинад ӕмӕ кӕй нӕ басастысты, уый тыххӕй дзырд цӕуы зӕрдӕмӕхъаргӕ видеофильмы, «Нацистты ӕфхӕрд нӕ басаста Иегъовӕйы Ӕвдисӕнты», зӕгъгӕ (уыр.). Ӕмбырдты йӕм хъуамӕ иууылдӕр бакӕсой ӕмӕ сыл куыд бандӕвта, уый тыххӕй иннӕтӕн дӕр радзурой.
2 Дӕлдӕр лӕвӕрд фарстытӕ дын баххуыс кӕндзысты ахъуыды кӕнынӕн: 1) Иегъовӕйы Ӕвдисӕнтӕ нацистты ныхмӕ фидар цӕмӕн фӕлӕууыдысты? 2а) «Хайль Гитлер!» дзурыны тыххӕй цавӕр тох сӕвзӕрд ӕмӕ цӕмӕн? 2ӕ) Ӕвдисӕнты бинонтыл уый куыд бандӕвта? 3) Цал Ӕвдисӕны ӕрцыд ӕрвыст концентрацион лагертӕм, уым сӕ иннӕтӕй куыд хицӕн кодтой ӕмӕ сӕм гестапо цавӕр ахаст дардта? 4) Не ’фсымӕртӕ цӕуылнӕ сразы сты сӕрибардзинадыл? 5а) Иегъовӕйы Ӕвдисӕнтӕ куыд ӕмӕ кӕд дзырдтой Гитлеры ӕгъатыр хицауиуӕгады ныхмӕ? 5ӕ) Гитлер уымӕ цы цӕстӕй ракаст? 6) Иегъовӕйы адӕмы иудзинад сӕхицӕн дӕр ӕмӕ иннӕтӕн дӕр куыд баххуыс кодта сӕ цард ӕмӕ сӕ уырнындзинад бахъахъхъӕнынӕн? 7) Концентрацион лагеры Паддзахады зарджытӕй кӕцы ӕрцыд фыст? 8) Иузӕрдион нӕлгоймӕгтӕ, сылгоймӕгтӕ ӕмӕ ӕрыгӕтты дӕнцӕгтӕй дӕ цавӕртӕ разӕнгард кӕнынц, цыфӕнды куы ’рцӕуа, уӕддӕр Иегъовӕйыл иузӕрдионӕй баззайынмӕ? (Кӕс ма «Ӕрвылазон чиныг 1999 азӕн», 144—147 ф., уыр.) 9) Ацы видеофильм дӕ, куыд Иегъовӕйы Ӕвдисӕны, афтӕ куыд бафидар кодта, цӕмӕй дунейӕ ма уай?
3 Видеофильм «Нӕ басастысты»-йы, Иегъовӕйы Ӕвдисӕнты тыххӕй цы диссаджы дӕнцӕг ӕвдыст ис, уый баххуыс кӕндзӕн ӕрыгӕттӕн, ӕгӕрыстӕмӕй ма Ӕвдисӕн чи нӕу, уыдонӕн дӕр, цӕмӕй ӕфхӕрд ӕмӕ ӕмгӕртты ӕндӕвдады ныхмӕ фидар фӕлӕууой ӕмӕ сӕ намысмӕ гӕсгӕ архайой. Кӕд скъоладзау кӕнӕ студент дӕ, уӕд дӕ бон у дӕ ахуыргӕнджыты сразӕнгард кӕнын, цӕмӕй уыцы ӕрмӕгӕй ахуыры рӕстӕджы спайда кӕной. Радт сӕм видеокассетӕ ӕмӕ сын зӕгъ, кӕй дзы ис, адӕм историйӕ хорз кӕй нӕ зонынц, ахӕм цаутӕ кӕнӕ та уый кӕй у, бирӕ цӕуылдӕртыл нӕ чи ахуыр кӕны, ахӕм документалон фильм.
4 Видеофильм «Нӕ басастысты» у тынг хорз мадзал, Хуыцауы ахуырад нын нӕ уырнындзинад куыд фидар кӕны, уый равдисынӕн, цӕмӕй, раст цы у, ууыл фидарӕй хӕцӕм ӕмӕ уымӕй Хуыцауы зӕрдӕ райын кӕнӕм (1 Кор. 16:13). Ӕцӕгад кӕй цымыдис кӕны, уыдонӕн ӕй се ’ппӕтӕн дӕр равдис.