Йегъовӕйы Ӕвдисӕнтӕ ӕгас дунейы дӕр хорз хабар хӕссынц

Ныр 100 азӕй фылдӕр Йегъовӕйы Ӕвдисӕнтӕ ӕгас дунейы дӕр хорз хабар адӕммӕ хӕссынц. Абон хорз хабар куыд хъуыстгонд цӕуы, афтӕ никуы. Уыцы хабар хъусын кӕнӕм сӕдӕгай ӕвзӕгтыл ӕмӕ 230 бӕстӕйӕ фылдӕры (Матф. 24:14). Уыцы куыст кӕнын цӕмӕн хъӕуы? Ӕгас дунейы дӕр цӕй фӕрцы хъусын кӕнӕм? Ӕгас дунейы дӕр цы куыст кӕнӕм, уый тыххӕй фылдӕр базонӕн ис кинонывӕй «Свидетели Иеговы: организованы, чтобы нести благую весть». Кинонывмӕ куы бакӕсай, уӕд-иу ацы фарстатӕн дзуапп ратт.

Ацы кинонывы фӕрцы тынгдӕр куыд аргъ кӕндзынӕ, 1) Йегъовӕйы организаци хорз хабар хъусын кӕныны тыххӕй цы аразы, уымӕн? (2 Тим. 4:2). 2) ӕгас дунейы Вефилы бинонтӕн? 3) миссионертӕ ӕмӕ цӕстдарджыты кӕй ахуыр кӕнынц, уымӕн? (2 Тим. 2:2). 4) алы бон дӕр Библийӕ стих ӕвзарын ӕмӕ алы къуыри дӕр ӕмбырды фембӕлдтӕм цӕттӕ кӕнын ахсджиаг кӕй у? (Хъуыд. 17:11). 5) ӕмбырдтӕм цӕуын пайда кӕй у? (Дзут. 10:24, 25). 6) зӕххыл дзӕнӕт куы уа, уӕд цы арфӕдзинӕдтӕй хайджын уыдзыстӕм? (Ис. 11:9). 7) кӕрдыны куысты архайыны кад нын кӕй ис, уымӕн? (Иоан. 4:35).

Ацы киноныв стыр ӕххуыс у, цӕмӕй, Библи хуыздӕр базонын кӕй фӕнды, уыдоны базонгӕ кӕнӕм, Йегъовӕйы Ӕвдисӕнтӕ ӕгас дунейы дӕр цы куыст кӕнынц, уыимӕ. 8) Хуыздӕр кӕд уыдзӕн ацы киноныв равдисын, нӕ ахуыргӕнинӕгтӕн, нӕ хӕстӕджытӕн ӕмӕ иннӕтӕн? 9) Кӕмӕн ӕй ӕвдыстай, уыдоны зӕрдӕмӕ дзы цы фӕцыд?

Йегъовӕйы хъуыддӕгтӕ нӕ разӕнгард кӕнынц, цӕмӕй мах дӕр псаломзарӕггӕнӕгау дзурӕм: «Бирӕ хъуыддӕгтӕ сарӕзтай, о Йегъовӕ, мӕ Хуыцау, бирӕ сты дӕ диссаджы хъуыддӕгтӕ, ӕмӕ дӕм бирӕ хъуыдытӕ ис мах тыххӕй. Дӕу хуызӕн ничи у» (Пс. 40:5). Уӕдӕ ацы кинонывӕй пайда кӕнӕм ӕмӕ адӕмӕн ӕххуыс кӕнӕм, цӕмӕй Йегъовӕйӕн ӕмӕ йӕ организацийӕн тынгдӕр аргъ кӕной!