Чи никуыма уыд, ахӕм стыр куыст кӕнӕм ӕгас дунейыл дӕр!

Ныр 100 азӕй фылдӕр Йегъовӕйы Ӕвдисӕнтӕ хъусын кӕнынц хорз хабар (1 Кор. 9:23). Ӕмӕ цӕмӕй ӕгас дунейыл дӕр ацы диссаджы куыст арӕзт ӕрцӕуа, уый тыххӕй ацы хабар сӕдӕгай ӕвзӕгтыл хъусын кӕнӕм 230 бӕстӕйӕ фылдӕры (Матф. 24:14). Ацы куыст ахсджиаг цӕмӕн у? Ӕмӕ йӕ ӕгас зӕххыл дӕр куыд ис фехъусын кӕнӕн?

Кинонывы, «Свидетели Иеговы: сплочены, чтобы нести благую весть», бӕстон ӕвдыст цӕуы, ӕгас дунейы дӕр цы куыст кӕнӕм, уый. Куы йӕм кӕсат, уӕд-иу ацы фарстытыл ахъуыды кӕнут: 1) Нӕ организаци куыд архайы ӕмӕ дзы разамынд лӕвӕрд куыд цӕуы? 2) Цы аразынц фысджыты ӕмӕ тӕлмацгӕнджытӕн ӕххуысгӕнӕг хайӕдтӕ, нывгӕнджыты ӕмӕ аудио- ӕмӕ видеойы хайӕдтӕ, цӕмӕй хорз хабар хъуыстгонд цӕуа? 3) Цӕмӕн мыхуыр кӕнӕм афтӕ бирӕ литературӕ ӕмӕ йӕ ӕмбырдтӕм цӕмӕн ӕрвитӕм? (Иоан. 17:3). 4) Иу азмӕ цас литературӕ ныммыхуыр кӕнынц? 5) Нӕ литературӕ цы ӕххуыс у? (Дзут. 4:12). 6) Ӕвзӕр чи хъусы ӕмӕ чи уыны, уыдон цӕмӕй Хуыцаумӕ баввахс уой, уый тыххӕй цы арӕзт цӕуы? 7) Нӕ организацимӕ ӕхца кӕцӕй цӕуы? 8) Цы ’ххуыс нын сты Рынчындӕттӕн информацидӕттӕг хайад ӕмӕ лӕггады хайад? 9) Ацы киноныв дын куыд баххуыс кодта, цӕмӕй тынгдӕр аргъ кӕнай: а) Йегъовӕйы организаци хорз хабар хъусын кӕнынӕн цы куыст кӕны, уымӕн? ӕ) ӕгас дунейы 100 Вефилӕй фылдӕры цы куыст цӕуы, уымӕн? б) цӕстдарджыты ӕмӕ миссионерты кӕй ахуыр кӕнынц? в) ахсджиаг кӕй у алы райсом дӕр ӕрвылбоны стих ӕвзарын ӕмӕ алы къуыри дӕр ӕмбырды фембӕлдтӕм цӕттӕ кӕнын? г) ӕмбырдтӕн ӕмӕ конгресстӕн? д) кӕй зонӕм, Дзӕнӕты цавӕр цард уыдзӕн, уымӕн? (Ис. 11:9). е) «хуымгӕрдӕны» кӕй архайыс? (Иоан. 4:35).

Ацы киноныв, дӕ хӕстӕджытӕ, дӕ зонгӕтӕ, ногӕй кӕмӕ бацӕуыс ӕмӕ Библи кӕимӕ ахуыр кӕныс, уыдонӕн куы равдыстай, уӕд дзы сӕ зӕрдӕмӕ цы фӕцыд? Хорз нӕ уаид ацы киноныв ма ноджыдӕр искӕмӕн куы равдисис ӕмӕ йын хорз хабар куы радзурис? (Матф. 28:19, 20).