«Кӕддӕриддӕр агурут хорз ракӕнын»
1 Чырыстон цард нысан кӕны «кӕддӕриддӕр агурын хорз ракӕнын... ӕппӕтӕн дӕр» (1 Фес. 5:15, НФ). Облӕстон конгресстӕм цӕугӕйӕ нын ис тынг бирӕ фадӕттӕ иннӕтӕн хорздзинад аразынӕн. Конгрессты рӕстӕджы нӕ бирӕ адӕм фӕуыны ӕмӕ семӕ нӕхи куыд дарӕм, ууыл баст у, фӕстӕдӕр нӕ цы дзурдзысты, уый. Иегъовӕйы Ӕвдисӕнты хорз ном цӕмӕй ма фегад кӕнӕм, уый тыххӕй алы хъуыддаджы дӕр хъуамӕ «кад кӕнӕм ӕппӕтӕн дӕр» (1 Пет. 2:17). Уымӕ гӕсгӕ хъуамӕ мах «ӕрмӕст нӕхи мӕт ма кӕнӕм... фӕлӕ... иннӕты мӕт дӕр» (Фил. 2:4). Ӕркӕсӕм, куыд ис ацы уынаффӕйӕ спайда кӕнӕн, конгресмӕ бынӕттӕ заказгӕнгӕйӕ.
2 Конгрессы рӕстӕджы кӕм цӕрдзыстут, уый зонут? 1) Бынӕттӕ нын чи дӕтты, уыдоны фӕнды, цӕмӕй сӕ хатӕнтӕй афтид макӕцы уа, ӕмӕ уымӕ гӕсгӕ, цал бынаты дӕ бахъӕуа, уымӕй фылдӕр ма сзаказ кӕн. 2) Конгрессы комитетмӕ уӕ курдиӕттӕ арвитут постӕй. Цӕрӕнбынат телефонӕй ма заказ кӕнут. 3) Цӕрӕнбынат уын цы организаци дӕтты, уый кусджытӕ уӕ куы регистраци кӕной ӕмӕ уын уӕ бынӕттӕ ссарынӕн куы ӕххуыс кӕной, уӕд ут уӕздан. 4) Уӕ фысымтӕй бузныг ут, ӕмӕ сын сӕ хӕларзӕрдӕдзинадӕн аргъ кӕнут. 5) Уазӕгдзӕрӕны куы ’рлӕууат, уӕд ӕххӕст кӕнут, сӕ дзаумайӕ сын пайда кӕнын куыд хъӕуы, уымӕн цы уагӕвӕрдтӕ скодтой, уыдон. 6) Ӕфснайӕгӕн уӕ бон у иугыццыл ӕхца авӕрын дӕр.
3 Сывӕллӕтты ахуыр кӕнут хорздзинад кӕнын. Цалдӕр хатты-иу сывӕллӕттӕ иунӕгӕй баззадысты ӕмӕ-иу уазӕгдзӕрӕнты цыдӕртӕ разиан кодтой (Ӕмб. 29:15). Ныййарджытӕ арӕзтой ӕндӕр цыдӕртӕ, сӕ сывӕллӕтты та ӕнӕркастӕй ныууагътой хатӕны, къӕлидоры кӕнӕ уазӕгдзӕрӕны ӕндӕр искуы. Иуӕй-иу сывӕллӕттӕ сӕхи афтӕ ӕвзӕр дардтой, ӕмӕ сӕ администрацийы кусджытӕ цавӕрдӕр бынӕттӕм нал уагътой, йе та сӕ бахъуыд сӕхгӕнын бассейн кӕнӕ та ӕндӕр хиирхӕфсӕн бынӕттӕ. Уый уазӕгдзӕрӕны иннӕ цӕрджыты дӕр, Ӕвдисӕнты ӕмӕ Ӕвдисӕн чи нӕу, уыдоны дӕр, хъыгдардта ӕмӕ сӕ тыхсын кодта.
4 Ныййарджытӕ, хорз уаид конгрессы размӕ рӕстӕг куы рахицӕн кӕниккат ӕмӕ уӕ сывӕллӕттимӕ куы аныхас кӕниккат, чырыстон алкӕддӕр ӕмӕ алы ран дӕр йӕхи куыд хъуамӕ дара, ууыл (Еф. 6:4). Цӕвиттон, бамбарын сын кӕнут, ӕцӕг чырыстон уарзондзинад «ӕнӕгъдау митӕ [кӕй] нӕ кӕны, йӕхион [кӕй] нӕ агуры, мӕсты [кӕй] нӕ кӕны» (1 Кор. 13:5). Сывӕллӕттӕ уый хуыздӕр бамбардзысты, хистӕртӕ сӕхӕдӕг уыцы хъуыддаджы фӕзминаг куы уой, уӕд. Сывӕллӕттӕ, уӕ ныййарджытӕм куы хъусат, кӕм цӕрут, уым куы ницы халат, ӕмӕ уӕ алыварс чи ис, уыдонӕн куы аргъ кӕнат, уӕд афтӕмӕй хорздзинад кӕндзыстут (Кол. 3:20). Иумӕ алкӕмӕндӕр хорздзинад куы кӕнӕм, уӕд рӕсугъд кӕндзыстӕм «нӕ Ирвӕзынгӕнӕг Хуыцауы ахуырад» (Тит. 2:10).
5 Нӕ хорз уагахаст хорзырдӕм фӕзындзӕн, ӕрмӕст нӕ чи уыны, уыдоныл нӕ, фӕлӕ ма нӕ ныхмӕ чи цӕуы, уыдоныл дӕр. Конгрессы кӕнӕ конгресс цы горӕты цӕуы, уым цыфӕнды ма аразӕм — уынджы цӕуӕм, хӕрӕндоны хӕрӕм, улӕфӕм, кӕнӕ искуы хъусын кӕнӕм — нӕ чырыстон ныхас ӕмӕ хъуыддӕгтӕй хъуамӕ бӕрӕг уа, хорз цы у, уый аразын нӕ кӕй фӕнды, уый.
[Рамкӕ 4 фарсыл]
Уӕ хорзӕхӕй, уӕ зӕрдыл бадарут:
■ Ут уӕздан ӕмӕ кӕм цӕрат, уым мацы халут.
■ Бынат нын чи радта, уыдонмӕ цы уагӕвӕрдтӕ ис, уыдон ӕххӕст кӕнут.
■ Уӕ фысымты хӕларзӕрдӕдзинадӕн аргъ кӕнут.
■ Уӕ сывӕллӕттӕм уӕ хъус дарут.