Фӕзминаг уӕм хорз хъуыддӕгты
1. Облӕстон конгрессы нӕ нӕ уагахастмӕ уӕлдай тынгдӕр цӕмӕ хъӕуы нӕ хъус дарын?
1 Облӕстон конгресстӕм тынг бирӕ Иегъовӕйы Ӕвдисӕнтӕ куы ӕрӕмбырд вӕййы, уӕд нӕ уагахаст ӕмӕ нӕ ахаст иннӕтӕм уӕлдай бӕрӕг вӕййынц нӕ алыварсуӕвӕг адӕмӕн. Уымӕ гӕсгӕ махӕй алкӕйдӕр хъӕуы йӕ хъус ӕрдарын Библийы фӕдзӕхстмӕ: «Ӕфсармӕй дзаг у. Дӕхӕдӕг дӕхицӕй ӕвдис алыгъдауӕй фӕзминаг хорз хъуыддӕгты» (Тит. 2:6, 7, НФ). Уӕлдайдӕр та ӕрмӕст нӕхи мӕт хъуамӕ ма кӕнӕм, фӕлӕ иннӕты мӕт дӕр (Фил. 2:4). Уӕдӕ ӕркӕсӕм, ацы амындӕй нӕ бон кӕм у спайда кӕнын нӕ фидӕны облӕстон конгрессы «Кадджын кӕнут Хуыцауы», зӕгъгӕ.
2. Цӕрӕнбынат ӕвзаргӕйӕ, нӕ зӕрдыл цы хъуамӕ дарӕм?
2 Цӕрӕнбынат ӕвзаргӕйӕ. Хорз хъуыддӕгтӕ кӕнынӕн нын диссаджы фадат ис цӕрӕнбынат ӕвзаргӕйӕ. Уӕ хорзӕхӕй, бынаты тыххӕй уӕ заказтӕ рагацау арвитут. Заказ кӕнут, цал бынаты уӕ хъӕуы, ӕрмӕстдӕр уыйбӕрц. Цӕрӕнуатон хайады кусӕг ӕфсымӕртӕн сӕ уӕззау куыст фӕрогдӕр кӕндзыстӕм, сӕ амындтӕм сын куы хъусӕм ӕмӕ нӕ кӕдӕм арвитой, уым куы ӕрцӕрӕм. Цы бынат нын ӕрцӕттӕ кодтой, уымӕй нӕ бон спайда кӕнын куы нӕ уа, уӕд уый тыххӕй хъуамӕ рагацау фехъусын кӕнӕм цӕрӕнуатон хайадмӕ. Алы хъуыддаджы дӕр Хуыцауы сыгъдӕг уды дыргъ куы ӕвдисӕм, уӕд фӕзминаг уыдзыстӕм (Гал. 5:22, 23). Фатеры цӕрыны тыххӕй курдиат куы бадӕттӕм, фӕлӕ ахӕм бынӕттӕ алкӕмӕн куы нӕ фаг кӕна, уӕд нӕ ӕндӕр ран ӕрцӕрын кӕндзысты.
3. Кӕм цӕрӕм, уым куыд у нӕ бон алкӕмӕндӕр хорздзинад кӕнын?
3 Иннӕтыл кӕй мӕт кӕнӕм, уый хъуамӕ нӕ хъуыддӕгтӕй бӕрӕг уа. Цӕмӕй иууылдӕр афойнадыл схуыссой ӕмӕ баулӕфой, уый тыххӕй нӕ фысымтӕм ӕнафоны нӕ цӕудзыстӕм, кӕнӕ та ӕмбисӕхсӕвмӕ нӕ ныхӕстӕ кӕндзыстӕм. Афтӕмӕй райсом раздӕр сыстдзыстӕм, цӕмӕй аходӕн бахӕрӕм ӕмӕ конгресмӕ нӕхи ӕрцӕттӕ кӕнӕм, ӕмӕ уӕд алчидӕр, уыимӕ фысымтӕ дӕр, афойнадыл конгресмӕ бацӕудзысты. Не ’фсымӕртӕ ӕмӕ нӕ хотӕй бирӕтӕ стыр мыздтӕ кӕй нӕ исынц, уый нӕ зӕрдыл куы дарӕм, уӕд нӕ фысымтӕм не ’нхъӕлмӕ кӕсдзыстӕм, цӕмӕй нын конгрессы рӕстӕджы нӕ хӕрдыл батыхсой. Кӕмӕ ӕрфысым кӕнӕм, уыдонӕн сӕ хӕдзары цы фӕтк ис, уый хъуамӕ ма халӕм ӕмӕ сын сӕ дзаумайӕ тынг арӕхстджынӕй пайда кӕнӕм. Конгрессы фӕстӕ уӕхимӕ куы здӕхат, уӕд уӕ фысымтӕн ӕнӕмӕнгдӕр раарфӕ кӕнут. Афтӕмӕй «кӕнӕм хорздзинад алкӕмӕндӕр» ӕмӕ хорз ӕвдисӕнад дӕттӕм иннӕтӕн (Гал. 6:10).
4, 5. Сывӕллӕттӕн сӕ бон куыд у Иегъовӕйӕн кад кӕнын ӕмӕ ныййарджытыл цавӕр хӕс ис?
4 Ныййарджытӕ ӕмӕ сывӕллӕттӕ. Ацы дунейы ӕрыгӕттӕй бирӕтӕ ӕнӕгъдау сты, фӕлӕ сӕ нӕ сывӕллӕттӕ зынгӕ хицӕн кӕнынц, ӕмӕ уый кад хӕссы Иегъовӕйӕн ӕмӕ йӕ организацийӕн. Фӕлӕ хаттӕй-хатт фыдбылыз дӕр ӕрцӕуы, сывӕллӕттӕ ӕнӕ хъусдардӕй кӕй баззайынц, уый тыххӕй (Ӕмб. 29:15). Ныййарджытӕ хъуамӕ сӕ сывӕллӕтты иунӕгӕй ма уадзой, кӕм цӕрой кӕнӕ та конгресс кӕм цӕуа, уым.
5 Иуӕй-иу ныййарджытӕ бамбӕрстой, хорз кӕй у конгрессы размӕ сывӕллӕттимӕ аныхас кӕнын, сӕхи куыд хъуамӕ дарой, ууыл (Еф. 6:4). Уыдон сӕ сывӕллӕттӕн бамбарын кӕнынц, ӕцӕг чырыстон уарзондзинад «ӕнӕгъдау митӕ [кӕй] нӕ кӕны» кӕнӕ «йӕхион [кӕй] нӕ агуры» (1 Кор. 13:5). Облӕстон конгрессы рӕстӕг у Иегъовӕйӕ зондамындтӕ исыны рӕстӕг, ӕмӕ сывӕллӕттӕн дӕр хистӕртау уыцы хъуыддагӕн сӕ бон у аргъ кӕнын, сӕ хорз уагахастӕй, конгресс кӕм цӕуы, уым, ӕмӕ ӕндӕр искуы дӕр (Ис. 54:13).
6. Нӕ хорз уагахаст иннӕтыл куыд фӕзындзӕн?
6 Нӕ хорз уагахаст гӕнӕн ис адӕмы ӕнӕраст цӕстӕнгас фӕива ӕмӕ сӕ раст дин бацымыдис кӕна (Матф. 5:16; 1 Пет. 2:12). Цӕй уӕдӕ нӕ облӕстон конгрессы рӕстӕджы кӕуыл сӕмбӕлӕм, уыдонӕн се ’ппӕтӕн дӕр хорз ӕвдисӕнад дӕттӕм, нӕ хъуыддӕгтӕ ӕмӕ нӕ ахастӕй. Афтӕмӕй «фӕзминаг [уыдзыстӕм] хорз хъуыддӕгты» ӕмӕ кадджын кӕндзыстӕм Иегъовӕйы (Тит. 2:7, НФ).
[Рамкӕ 4 фарсыл]
Иннӕтыл хъуыды кӕндзыстӕм...
▪ Цал бынат нӕ хъӕуы, уымӕй фылдӕр куы нӕ заказ кӕнӕм, уӕд.
▪ Бынӕттӕ нын куы дӕттой, уӕд уӕздан куы уӕм, уӕд.
▪ Афойнадыл куы хуыссӕм, уӕд.
▪ Нӕ сывӕллӕттӕм нӕ хъус куы дарӕм, уӕд.
▪ Чи нӕ суазӕг кодта, уыдонӕн куы раарфӕ кӕнӕм, уӕд.