Йегъовӕйы Ӕвдисӕнты облӕстон конгресс 2008 азы
1. а) Павел дзуттаг чырыстӕттӕн цы уынаффӕ радта, уый абон уӕлдай ахсджиагдӕр цӕмӕн у? (Бакӕс Дзуттӕгтӕм 10:24, 25.) ӕ) Цавӕр фадат нын уыдзӕн тагъд рӕстӕджы?
1 Апостол Павел дзуттаг чырыстӕтты разӕнгард кодта, цӕмӕй иумӕ ӕмбырд кодтаиккой ӕмӕ кӕрӕдзийы ныфсыл ныфс ӕфтыдтаиккой, уыцы бон кӕй хӕстӕг кӕны, уый цас бӕлвырддӕр уыдтой, «уыйас ноджы тынгдӕр» (Дзут. 10:24, 25). Тынгӕй-тынгдӕр бӕрӕг у, Павел цы боны кой кодта, уый тӕккӕ къӕсӕрыл кӕй ис! Уӕдӕ мах дӕр зӕрдиагӕй фенхъӕлмӕ кӕсӕм, нӕ хотӕ ӕмӕ не ’фсымӕртимӕ кӕд ӕрӕмбырд уыдзыстӕм, цӕмӕй та Хуыцауы амындтӕм байхъусӕм ӕмӕ нын разамынд уа ацы тӕссаг «фӕстаг бонты» (2 Тим. 3:1). Уыцы фадат нын уыдзӕн 2008 азы облӕстон конгрессы.
2. а) Ахсджиаг цӕмӕн у конгрессы алы бонмӕ дӕр ӕрбацӕуын? ӕ) Нӕхи конгресмӕ куыд бацӕттӕ кӕнӕм?
2 Иу бон дӕр ма фӕцух кӕн. Конгрессӕй иу бон дӕр ма фӕцух кӕн. «Не ’мбырдтӕ [куы] нӕ цух кӕнӕм», уӕд нӕхи ӕнӕхай нӕ фӕкӕндзыстӕм, конгрессы нын цы ’рцӕттӕ кӕнынц, уымӕй (Дзут. 10:25). Гӕнӕн уӕвгӕйӕ, нӕхи рагацау цӕттӕ кӕнын райдайӕм. Дӕ куысты хицауӕн рагацау куы зӕгъай, уӕд ын рӕстӕг уыдзӕн, исты фӕивын куы хъӕуа, уӕд. Кӕд дӕ сывӕллӕттӕ уыцы рӕстӕг скъоламӕ цӕудзысты, уӕд ахуыргӕнджытӕн дӕр рагацау бамбарын кӕн, конгресстӕ уын тынг ахсджиаг кӕй сты. Ныфс дӕ уӕд, Паддзахады хъуыддӕгтӕ фыццаг бынаты ӕвӕрыныл кӕй архайыс, уый тыххӕй дын Йегъовӕ кӕй арфӕ кӕндзӕн (Матф. 6:33).
3. Иннӕтыл дӕр кӕй хъуыды кӕнӕм, уый куыд ис равдисӕн?
3 Иннӕтӕн ӕххуыс кӕнӕм конгресмӕ ӕрбацӕуынӕн. Павел ма разӕнгард кодта, «кӕрӕдзийыл хъуыды кӕнут», зӕгъгӕ (Дзут. 10:24). Мыййаг, дӕ чиныгахуыры хотӕ ӕмӕ ӕфсымӕрты ӕххуыс хъӕуы конгресмӕ ӕрбацӕуынӕн? Библи кӕимӕ ахуыр кӕныс, уыдонӕн дӕ бон нӕу баххуыс кӕнын, кӕд ӕрмӕст иу бон йеддӕмӕ нӕ уыдзысты, уӕд дӕр? Дӕ бинонтӕй ӕнӕуырнӕг чи у, уыдонӕн куы зӕгъай, конгресмӕ кӕй цӕудзынӕ, уӕд-иу сӕ фӕхон. Зӕрдиагӕй куы архайай, уӕд, ӕнхъӕл куыд нӕ дӕ, афтӕ арфӕгонд ӕрцӕудзынӕ.
4. Облӕстон конгресс кӕм ӕмӕ кӕд уыдзӕн, уый куыд ис базонӕн?
4 Конгрессы тыххӕй куыд ис базонӕн. Филиалмӕ алы аз дӕр бирӕтӕ фӕдзурынц, конгресс кӕм ӕмӕ кӕд уыдзӕн, уый базоныны тыххӕй. Филиал уый тыххӕй фехъусын кӕны ӕмбырдты секретартӕн. Уӕ хорзӕхӕй, филиалмӕ фӕдзурыны размӕ уал ӕй бафӕрсут, ӕндӕр горӕтты конгресстӕ кӕд ӕмӕ кӕм уыдзысты.
5. Кӕд ӕндӕр конгресмӕ цӕуинаг дӕ, уӕд цӕрӕнбынаты тыххӕй базонӕн куыд ис?
5 Кӕд де ’мбырд цы конгресмӕ цӕуы, уырдӕм нӕ цӕуыс, фӕлӕ ӕндӕрмӕ, уӕд кӕм ӕрлӕууай, уый базоныны тыххӕй уыцы конгрессы бюромӕ арвит «Заявка на размещение лиц с особыми потребностями». Уыцы бланктӕ тагъд арвитдзысты ӕмбырдты секретартӕм. Ӕмбырды секретарь дын баххуыс кӕндзӕн, цы горӕтмӕ цӕуыс, уым конгрессы бюройы адрис базонынӕн. Цӕмӕй дзуапп райсай, уый тыххӕй дӕ писмоимӕ арвит афтид къонверт дӕ адрисимӕ ӕмӕ маркӕтимӕ.
6. Цы хъӕуы зӕрдыл дарын, бланк «Заявка на размещение лиц с особыми потребностями» арвитыны размӕ?
6 Ӕххуыс, уӕлдай тынгдӕр фӕкӕсын кӕмӕ хъӕуы, уыдонӕн. Кӕд хотӕй ӕмӕ ӕфсымӕртӕй искӕй цӕрӕнбынат хъӕуы, уӕд ӕмбырды комитет ӕркӕсдзӕн ахӕм хъусынгӕнӕджы уавӕртӕм ӕмӕ рахӕсдзӕн уынаффӕ, раттой йын бланк «Заявка на размещение лиц с особыми потребностями» ӕви нӕ. Цалынмӕ йын ӕмбырды секретарь йӕ курдиат конгрессы цӕрӕнуаты хайадмӕ арвита, уӕдмӕ ӕркӕсын хъӕудзӕн, филиал хистӕр нӕлгоймӕгты советтӕм цы писмо арвыста, уымӕ (2007 азы 14 декабры).
7. а) Конгрессты рӕстӕг нӕ бон куыд у Йегъовӕйы кадджын кӕнын? ӕ) Не ’фсымӕрты хорз уаг ӕмӕ ӕгъдауы тыххӕй иу уазӕгдзӕрӕны хицау цы загъта?
7 Хорз хъуыддӕгтӕ. Йегъовӕ нын куыд зӕгъы, афтӕ иумӕ куы ӕрӕмбырд вӕййӕм, уӕд уый вӕййы нӕ пайдайӕн. Ноджы ахсджиагдӕр та – уый хорз фадат вӕййы Йегъовӕйы ном кадджын кӕнынӕн (Ис. 48:17). Облӕстон конгрессты рӕстӕг нӕ хорз хъуыддӕгтӕ ӕргом вӕййынц бирӕ адӕмӕн ӕмӕ кӕйдӕрты баразӕнгард кӕнынц, сӕ зӕрдӕйы цы ис, уый раргом кӕнынмӕ (1 Тим. 5:25). Конгресстӕ бирӕ азты дӕргъы кӕм фӕцӕуынц, ахӕм горӕты иу уазӕгдзӕрӕны хицау загъта: «Нӕ горӕты бирӕтӕ дзурынц Йегъовӕйы Ӕвдисӕнты тыххӕй ӕмӕ сӕ конгрессты тыххӕй. Мах зонӕм, уӕ адӕм горӕты сӕйраг уынгтӕ ӕмӕ машинӕты лӕууӕндӕттӕ кӕй бафснайынц, уый. Ӕхсызгон нын вӕййы, сӕрды уӕ адӕмы фенын. Ныфс нӕ ис, фидӕны дӕр-иу махмӕ кӕй ӕрлӕудзысты». Уый фӕстӕ радзырдта, цы зындзинӕдтыл сӕмбӕлынц, иннӕ адӕм ӕмӕ сӕм артисттӕ куы ’рлӕууынц, уӕд. Стӕй загъта, не ’фсымӕртӕ хъуыр-хъуыр кӕй нӕ фӕкӕнынц ӕмӕ семӕ куыд ӕнцон вӕййы, уый тыххӕй. Уыцы хицау загъта: «Фӕнды нӕ, цӕмӕй не ’ппӕт уазджытӕ дӕр Йегъовӕйы Ӕвдисӕнты хуызӕн уой». Не ’фсымӕрты уаг ӕмӕ ӕгъдауӕй арӕх раппӕлынц, ӕмӕ уый рухс кӕны нӕ Хуыцау Йегъовӕйы зӕрдӕ!
8. Матфейы 4:4 куыд ӕвдисы, конгрессы алы хаймӕ дӕр байхъусын ахсджиаг кӕй у?
8 Йесо загъта, нӕ цард баст кӕй у, «Йегъовӕйы дзыхӕй рацӕугӕ алы дзырдмӕ» дӕр куыд хъусӕм, ууыл (Матф. 4:4). Алы аз дӕр нын конгрессты Йегъовӕ «ӕууӕнкджын ӕмӕ зондджын цагъары» уылты фӕдӕтты «хӕринаг афоныл» (Матф. 24:45). Бирӕ фыдӕбон бахъӕуы, цӕмӕй уыцы «куывд» бацӕттӕ кӕной ӕмӕ йӕ саразой. Цӕй уӕдӕ, Йегъовӕйы уарзондзинадӕн аргъ кӕнӕм, ӕмӕ конгрессы алы бонмӕ дӕр ӕрбацӕуӕм ӕмӕ йӕм лӕмбынӕг байхъусӕм.
[Рамкӕ 3 фарсыл]
Программӕйы рӕстӕг:
майрӕмбон ӕмӕ сабат
9.20–16.55
хуыцаубон
9.20–16.00