Йегъовӕйы Ӕвдисӕнты облӕстон конгресс 2009 азы
1. а) Цавӕр арфӕдзинӕдтӕй уыдзыстӕм хайджын, облӕстон конгрессы ӕртӕ боны дӕр куы уӕм, уӕд? ӕ) Рагацау цы хъуамӕ спълан кӕнӕм?
1 Алчи дӕр нӕ тынг ӕнхъӕлмӕ кӕсы 2009 азы облӕстон конгресмӕ. Уым та ногӕй ӕрӕмбырд уыдзыстӕм, «ӕнӕ Хуыцауӕй цӕрӕн кӕй нӕй, уый чи ӕмбары» ӕмӕ Йегъовӕйы немӕ чи кадджын кӕны, уыцы хотӕ ӕмӕ ’фсымӕртимӕ (Матф. 5:3). Йегъовӕйы бон тынг хӕстӕг у. Уымӕ гӕсгӕ уе ’ппӕты дӕр разӕнгард кӕнӕм, цӕмӕй конрессы ӕртӕ боны дӕр уат ӕмӕ хотӕ ӕмӕ ’фсымӕртыл фӕцин кӕнат, стӕй уӕ уырнындзинад дӕр бафидар кӕнат (Соф. 1:14). Куысты ӕмӕ скъолайы бамбарын кӕнут, конгресстӕ нӕ лӕггады стыр бынат кӕй ахсынц. Уӕдӕ конгресмӕ цӕуын рагацау спълан кӕнут, Йегъовӕйӕ ӕххуыс агурут ӕмӕ уын ӕнӕмӕнг баххуыс кӕндзӕн (Ис. 50:10).
2. Ӕхсӕнадӕмон конгресстӕ кӕм нӕ уа, уыцы бӕстӕты конгресстӕ дӕр ӕхсӕнадӕмон конгрессты хуызӕн цӕмӕй уыдзысты?
2 Ӕхсӕнадӕмон конгресстӕ. Ацы конгресстӕ цалдӕр бӕстӕйы ӕмӕ горӕты кӕй уыдзысты, уымӕ гӕсгӕ сӕм ӕрбацӕудзысты, ӕрмӕстдӕр кӕй фӕхоной, уыдон. Ацы хъуыддаджы коммӕгӕс куы уӕм, уӕд уыцы конгрессты ӕгӕр бирӕ адӕм нӕ уыдзӕн (1 Кор. 14:40; Дзут. 13:17). Фӕлӕ уӕддӕр бирӕ облӕстон конгресстӕ уыдзысты ӕхсӕнадӕмон конгрессты хуызӕн, уымӕн ӕмӕ дзы уыдзӕн миссионертӕ, ӕндӕр бӕстӕты Вефилты чи лӕггад кӕны ӕмӕ Паддзахады залтӕ аразыны хъуыддаджы чи архайы, уыдон. Уыцы ӕфсымӕртӕ ӕмӕ хотӕ конгресмӕ сӕ райгуырӕн бӕстӕмӕ ’рцӕудзысты.
3. Нӕ хотӕ ӕмӕ не ’фсымӕртӕм уарзондзинад куыд равдисӕм?
3 Иннӕтӕн ӕххуыс кӕнӕм конгресмӕ ацӕуынӕн. Мыййаг де ’мбырды хотӕ ӕмӕ ’фсымӕртӕн ӕххуыс кӕнын хъӕуы конгресмӕ ацӕуынӕн? Иннӕтӕн конгресмӕ ацӕуынӕн куы ӕххуыс кӕнат, уӕд сымахӕй дӕр зӕгъӕн уыдзӕн, «уӕхицӕн куыд хуыздӕр уа, ӕрмӕст ууыл [кӕй] нӕ хъуыды кӕнут, фӕлӕ, иннӕтӕн куыд хуыздӕр уа, ууыл дӕр» (Фил. 2:4).
4, 5. Де ’мбырд цы конгресмӕ фӕхуыдтой, уырдӕм куы нӕ цӕуай, фӕлӕ ӕндӕрмӕ, уӕд куыд кӕнгӕ у?
4 Конгрессты тыххӕй куыд ис базонӕн. Конгресстӕ кӕд ӕмӕ кӕм уыдзысты, уый базоныны тыххӕй филиалмӕ дзурыны бӕсты, уӕ хорзӕхӕй, уыцы хабӕрттӕ раздӕр базонут уе ’мбырды секретарӕй.
5 Уе ’мбырд цы конгресмӕ фӕхуыдтой, уырдӕм куы нӕ цӕуай, фӕлӕ ӕндӕрмӕ, уӕд байдзаг кӕн «Заявка на размещение лиц с особыми потребностями», кӕдӕм цӕудзынӕ, уыцы конгрессы адрисыл. Уыцы адрис та уыдзӕн бланкы дыккаг фарсыл. Уыцы бланктӕ тагъд ӕмбырды секретартӕ райсдзысты. Цӕмӕй дзуапп райсай, уый тыххӕй хъуамӕ дӕ писмойы арвитай, маркӕтӕ кӕуыл ис, ахӕм къонверт дӕхи адрисимӕ.
6. Хотӕй ӕмӕ ӕфсымӕртӕй искӕй цӕрӕнбынат куы хъӕуа, уӕд ӕй цы кӕнын хъӕуы?
6 Ӕххуыс, уӕлдай тынгдӕр фӕкӕсын кӕмӕ хъӕуы, уыдонӕн. Кӕд хотӕй ӕмӕ ӕфсымӕртӕй искӕй цӕрӕнбынат хъӕуы, уӕд ӕмбырды комитет ӕркӕсдзӕн ахӕм хъусынгӕнӕджы уавӕртӕм ӕмӕ рахӕсдзӕн уынаффӕ, раттой йын бланк «Заявка на размещение лиц с особыми потребностями» ӕви нӕ. Цалынмӕ йын ӕмбырды секретарь йӕ курдиат конгрессы цӕрӕнуаты хайадмӕ арвита, уӕдмӕ ӕркӕсын хъӕудзӕн, филиал хистӕр нӕлгоймӕгты советтӕм цы писмо арвыста, уымӕ (2008 азы 14 декабры).
7. Конгресмӕ цӕугӕйӕ уазӕгдзӕрӕны ӕрлӕууын куы фӕнд кӕнай, уӕд дӕ цы хъӕуы саразын?
7 Уазӕгдзӕрӕны ӕрлӕууын куы фӕнд кӕнай. Конгресмӕ ӕндӕр горӕтмӕ куы цӕуай ӕмӕ уазӕгдзӕрӕны цӕрын куы фӕнд кӕнай, уӕд дӕ рох ма уӕд, уазӕгдзӕрӕны ӕрлӕууын зынаргъ кӕй у ӕмӕ уый тыххӕй дӕр рагацау ӕхца ӕмбырд кӕн.
8. Цӕмӕй цӕрӕнбынат алкӕмӕндӕр уа, уый тыххӕй цы хъуамӕ аразӕм?
8 Кӕй зӕгъын ӕй хъӕуы, адӕймагӕн йӕ бон у равзарын, кӕцы уазӕгдзӕрӕны ӕрцӕрдзӕнис, уый. Фӕлӕ «цӕрӕнбынӕтты номхыгъд»-ы цы уазӕгдзӕрӕн нӕ уа, ахӕмы ӕрлӕууын искӕй куы фӕнда, уӕд ма рох кӕнӕд, ӕфсымӕртӕн зын кӕй вӕййы аргъы тыххӕй уазӕгдзӕрӕнты хицӕуттимӕ баныхас кӕнын. Дӕ хорзӕхӕй, кӕм нӕ цӕрдзынӕ, ахӕм уазӕгдзӕрӕны цӕрӕнуат ма скӕн заказ кӕнӕ дӕ заказ фӕстагмӕ ма аив. Ацы амындтӕм куы хъусӕм, уӕд алкӕмӕндӕр уыдзӕн, кӕм цӕра, уый (1 Кор. 10:24).
9. 2009 азы облӕстон конгресмӕ нӕхи куы цӕттӕ кӕнӕм ӕмӕ йӕм куы ’рбацӕуӕм, уӕд сӕйраджыдӕр цӕуыл хъуамӕ хъуыды кӕнӕм?
9 Хуыцауы чи кадджын кӕны, ахӕм хъуыддӕгтӕ. Сыгъдӕг удӕй цы миниуджытӕ гуыры, уыдон алы хъуыддаджы дӕр куы ӕвдисӕм, уӕлдайдӕр уазӕгдзӕрӕны кусджытимӕ ӕмӕ иннӕтимӕ куыд дзурӕм ӕмӕ нӕхи куыд дарӕм, уыцы хъуыддаджы, уӕд Йегъовӕйы адӕмы нӕ фӕхудинаг кӕндзыстӕм ӕмӕ къуылымпыйы хос никӕмӕн уыдзыстӕм (1 Кор. 10:31; 2 Кор. 6:3, 4). Цӕй уӕдӕ ӕрбацӕуӕм 2009 азы облӕстон конгресмӕ ӕмӕ нӕ уагахастӕй скадджын кӕнӕм Хуыцауы! (1 Пет. 2:12).
[Рамкӕ 5 фарсыл]
Программӕйы рӕстӕг
Цыппӕрӕм (ӕрмӕстдӕр ӕхсӕнадӕмон конгрессты)
13:20–16:55
Майрӕмбон ӕмӕ сабат
9:20–16:55
Хуыцаубон
9:20–16:00