2007 азы облӕстон конгресс «Цу Чырыстийы фӕдыл!»
1, 2. а) Моисей дзуттӕгты иумӕ ӕмбырд кӕнынмӕ цӕмӕн разӕнгард кодта? ӕ) Ныридӕгӕн дӕ цӕуыл хъӕуы ахъуыды кӕнын?
1 Израилӕгтӕ ӕмӕ се ’хсӕн ӕндӕр адӕмтӕй чи цард, уыдонӕн се ’ппӕтӕн дӕр Моисей загъта, цӕмӕй-иу авд азы иу хатт ӕрӕмбырд уыдаиккой иумӕ Закъон кӕсынмӕ. Цӕмӕн? «Цӕмӕй хъуыстаиккой ӕмӕ ахуыр кодтаиккой» (Дык. з. 31:10–12). Афтӕмӕй Йегъовӕ равдыста, йӕ адӕм иумӕ кӕй хъуамӕ ӕмбырд кӕной. Тагъд та Йегъовӕйы адӕм ӕрӕмбырд уыдзысты, ӕртӕ боны чи цӕудзӕн, уыцы облӕстон конгресмӕ, «Цу Чырыстийы фӕдыл!», зӕгъгӕ.
2 Дӕхи цӕттӕ кӕнын райдыдтай? Куыстӕй дӕ, мыййаг, дӕхи ракурын хъӕудзӕн? Библи кӕимӕ ахуыр кӕныс кӕнӕ дӕ бинонтӕй уырнӕг чи нӕу, уыдонӕн дӕ баххуыс кӕнын нӕ хъӕудзӕн, цӕмӕй конгресмӕ ацӕуой? Йе та, мыййаг, ӕмбырдӕй искӕй хъӕуы ӕххуыс конгресмӕ ацӕуынӕн? Де ’мбырд цы конгресмӕ фӕхуыдтой, уырдӕм ацӕудзынӕ ӕви ӕндӕрмӕ? Цӕрӕнбынат дӕ хъӕудзӕн? Дӕлдӕр цӕуыл дзурдзыстӕм, уый дын баххуыс кӕндзӕн дӕхи бацӕттӕ кӕнынӕн.
3. а) Исайы 25:6 абон дӕр куыд ӕххӕст кӕны? ӕ) Конгрессы фыццаг бон цас адӕм ӕрбацӕуы ӕмӕ махӕй алчидӕр цы хъуамӕ араза?
3 Иу бон дӕр ма фӕцух кӕн. Йегъовӕ йӕ адӕмы уырнындзинадӕн хӕринаг дӕтты парахатӕй (Ис. 25:6). Уымӕ хауынц, ӕрвылаз дӕр цы облӕстон конгресстӕ фӕцӕуы, уыдон. Куыд сбӕрӕг, афтӕмӕй конгрессы фыццаг бон вӕййы бирӕ къаддӕр адӕм. Дӕхицӕн нысан сӕвӕр: Йегъовӕйы организаци нын цы зӕрдӕфидаргӕнӕн конгресс бацӕттӕ кодта, уым алы бон дӕр куыд уай. Кӕд дӕ дӕхи куыстӕй ракурын хъӕудзӕн, уӕд уый тыххӕй кув. Уӕд «ныфс ссардзынӕ» дӕ куысты хицауимӕ аныхас кӕнынӕн, куыддӕр конгрессы тыххӕй ӕмбырды фехъусын кӕной, афтӕ (1 Фес. 2:2; Неем. 2:4, 5). Бамбарын ын кӕн, ӕрвылаз цы конгресстӕ вӕййы, уыдон дын ахсджиаг кӕй сты. Рагацау дӕ куысты хицаумӕ куы бацӕуай, уӕд ын ӕнцондӕр уыдзӕн дӕ уавӕртӕм гӕсгӕ куыст спълан кӕнын.
4. Библи кӕимӕ ахуыр кӕнӕм ӕмӕ нӕ бинонтӕй уырнӕг чи нӕу, уыдоны нӕ бон куыд у конгресмӕ бацӕттӕ кӕнын?
4 Библи кӕимӕ ахуыр кӕныс, уыдоны ӕмӕ дӕ бинонты цӕттӕ кӕн. Куыд хорз уаид, Библи кӕимӕ ахуыр кӕныс, уыдон дӕр демӕ конгресмӕ куы ацӕуиккой. Уым «стыр ӕмбырды» сӕхӕдӕг банкъардзысты нӕ чырыстон хотӕ ӕмӕ ӕфсымӕрты зӕрдӕты хъарм (Пс. 21:26). Рагацау сӕ бафӕдзӕхс, цӕмӕй сӕ рӕстӕг спълан кӕной ӕмӕ конгресмӕ ацӕуой. Дзур сын, дӕхицӕн ӕхсызгон цӕмӕн у конгресстӕм цӕуын, уый. Дӕ бон сын у равдисын, конгресстӕ кӕм ис, ахӕм видеофильмтӕ. Дӕ бинонтӕй уырнӕг чи нӕу, уыдонӕн дӕ пълӕнтты тыххӕй зӕгъ. Чи зоны, уыдоны дӕр бафӕнда драмӕмӕ бакӕсын, йе та конгрессы бонтӕй иумӕ уӕддӕр байхъусын.
5, 6. а) 1 Тимофеймӕ 6:18 цы цӕстуарзондзинады кой цӕуы, уый нӕ бон куыд у равдисын? ӕ) Бынат скӕнын кӕй хъӕуы, уыдонӕн куыд ис баххуыс кӕнӕн?
5 Хотӕ ӕмӕ ’фсымӕртӕн ӕххуыс кӕн. Апостол Павел хъӕздыг чырыстӕттӕн дзырдта, цӕмӕй «иннӕтӕн хорздзинад аразой, хъӕздыг уой хорз хъуыддӕгтӕй, уой цӕстуарзон ӕмӕ сӕм цы ис, уымӕй иннӕтӕн хай кӕной» (1 Тим. 6:17, 18). Махӕн дӕр нӕ бон у, ӕмӕ афтӕ цӕстуарзон уӕм. Нӕ рӕдаудзинад бӕрӕг уыдзӕн, не ’мбырды ацӕргӕтӕн, рынчынтӕн, ӕххӕстрӕстӕг чи лӕггад кӕны, уыдонӕн, иу ныййарӕг кӕм ис, ахӕм бинонтӕн ӕмӕ ӕндӕртӕн куы баххуыс кӕнӕм конгресмӕ ацӕуынӕн. Кӕй зӕгъын ӕй хъӕуы, фыццаг хъуамӕ нӕ бинонтыл батыхсӕм. Фӕлӕ хистӕр нӕлгоймӕгтӕ ӕмӕ иннӕтӕ се ’мбаргӕдзинад равдисдзысты, бахъуаджы рӕстӕг се ’ххуысы къух кӕй ратдзысты, уымӕй (Гал. 6:10; 1 Тим. 5:4).
6 Кӕд искӕй конгрессы цӕрӕнуаты хайады уылты фӕнды бынат скӕнын, уӕд байдзаг кӕнын хъӕудзӕн бланк «Ӕххуыс кӕй хъӕуы, уыдонӕн бынат скӕныны курдиат». Стӕй ӕмбырды комитет ӕркӕсдзӕн ахӕм хъусынгӕнӕджы уавӕртӕм ӕмӕ рахӕсдзӕн уынаффӕ. Цалынмӕ йын йӕ курдиат конгрессы цӕрӕнуаты хайадмӕ арвитой, уӕдмӕ ӕркӕсын хъӕудзӕн, филиал хистӕр нӕлгоймӕгты советтӕм цы фыстӕг арвыста, уымӕ.
7. Ӕндӕр конгресмӕ цӕугӕйӕ цавӕр амындтӕм гӕсгӕ хъуамӕ архайӕм?
7 Ӕндӕр конгресмӕ куы цӕуай. Кӕд дӕ ӕндӕр конгрессы «Цӕрӕнбынӕтты номхыгъд» хъӕуа кӕнӕ ма дӕ фӕнда ӕндӕр хабӕрттӕ базонын, уӕд уыцы конгрессы хайадмӕ ныффысс. Цӕмӕй дын конгрессы хайад дзуапп ратта, уый тыххӕй дӕ курдиатимӕ арвит къонверт маркӕтимӕ ӕмӕ дӕ адрисимӕ. Ӕмбырды секретарь дын баххуыс кӕндзӕн, цы горӕтмӕ цӕуай, уым конгрессы хайады адрис ӕмӕ конгресс кӕд уыдзӕн, уый базонынӕн. Дӕ хорзӕхӕй, уый фӕдыл филиалмӕ дӕхӕдӕг ма дзур.
8, 9. а) Цавӕр хъуыддӕгтӕ арӕзт ӕрцӕуы мах тыххӕй конгрессы размӕ? ӕ) Ӕфсымӕрты фыдӕбонӕн кӕй аргъ кӕнӕм, уый куыд ис равдисӕн? (Бакӕс Дзуттӕгтӕм 13:17.)
8 Ӕмгуыст кӕнӕм. Конгресмӕ куы ӕрбацӕуӕм, уӕд фенӕм, мах тыххӕй цы стыр куыст бакодтой, уый. Ӕфсымӕртӕ ныл зӕрдиагӕй сӕмбӕлынц, программӕтӕ нын раттынц ӕмӕ нын баххуыс кӕнынц бынат ссарынӕн дӕр. Хотӕ ӕмӕ ӕфсымӕртӕ, конгресс кӕм цӕудзӕн, уыцы бынат бафснайынц, ӕмӕ сценӕ рӕсугъд саразынц. Уымӕй уӕлдай ма ахсджиаг куыст бакӕнынц программӕ цӕттӕ кӕнгӕйӕ, уазджытӕн бынӕттӕ скӕнынц, ӕмӕ ма батыхсынц бирӕ ӕндӕр хъуыддӕгтыл.
9 Алы конгресс цӕттӕ кӕнгӕйӕ дӕр бирӕ ӕфсымӕртӕ мӕйгӕйттӕ фӕфыдӕбон кӕнынц, цӕмӕй алцыдӕр нывыл уа. Уыцы рӕстӕг сӕ бинонтӕ равдисынц се ’мбаргӕдзинад, нӕ сӕ фӕкъуылымпы кӕнынц. Куыннӕ хъуамӕ фӕбузныг уӕм уыцы ӕфсымӕртӕй, мах тыххӕй чи фыдӕбон кӕны! Сӕ лӕггадӕн кӕй аргъ кӕнӕм, уый бӕрӕг уыдзӕн, ацы статьяйы амындтӕм гӕсгӕ, ӕмӕ ма уый фӕстӕ конгрессы фӕдыл цы амындтӕ уа, уыдонмӕ гӕсгӕ куы архайӕм, уӕд (Дзут. 13:17). Алкӕмӕн дӕр йӕ бон цы у, уый куы араза, ӕмгуыст кӕнынмӕ цӕттӕ куы уа, уӕд «алцыдӕр уыдзӕн уаг ӕмӕ ӕгъдауыл» (1 Кор. 14:40).
10. а) Абон афтӕ ахсджиаг цӕмӕн у Йегъовӕйы адӕмӕн иумӕ ӕмбырд кӕнын? ӕ) Ныр дӕр махӕй алкӕй бон дӕр цы у аразын?
10 «Уыцы бон куыд хӕстӕг кӕны», уый уынгӕйӕ Хуыцауы адӕмӕн ноджы ахсджиагдӕр у иумӕ ӕмбырд кӕнын (Дзут. 10:25). Нӕ конгрессты нын ӕууӕнкджын ӕмӕ зондджын цагъар дӕтты, Йегъовӕйы цы фӕнды, уый «ӕххӕст кӕнынӕн» нын чи баххуыс кӕна, ахӕм зонындзинӕдтӕ (Дык. з 31:12). Ныр райдай цӕттӕ кӕнын, цӕмӕй облӕстон конгресс, «Цу Чырыстийы фӕдыл», зӕгъгӕ, иу бон дӕр ма фӕцух кӕнай. Уӕд дын стыр пайда ӕрхӕсдзӕн ӕмӕ нӕ хотӕ ӕмӕ ӕфсымӕртимӕ зӕрдӕбын ныхас фӕкӕндзынӕ!
[Рамкӕ 3 фарсыл]
Конгрессы рӕстӕг
Майрӕмбон ӕмӕ сабаты
9.30 – 17.05
Хуыцаубоны
9.30 – 16. 10