2004 азы облӕстон конгресс «Цӕут Хуыцаимӕ»
1 Нӕ облӕстон конгрессты дӕ зӕрдӕмӕ ӕппӕты тынгдӕр цы цӕуы? «Ӕууӕнкджын ӕмӕ [нын] зондджын цагъар» нӕ уырнындзинад бафидар кӕнынӕн цы раныхӕстӕ ӕмӕ драмӕ бацӕттӕ кӕны, уыдон? (Матф. 24:45—47). Йӕ афоныл лӕвӕрд монон хӕринаг ног литературӕйы хуызы? Библи нын нӕ хотӕ ӕмӕ не ’фсымӕрты цард куыд фӕивта, уый тыххӕй интервьютӕ? Паддзахады хабар ӕндӕр бӕстӕты куыд парахат кӕны, уый тыххӕй хъусинӕгтӕ? Нӕ ацӕргӕ ӕмӕ нӕ хӕрзӕрыгон ӕмчырыстӕттимӕ зӕрдӕбын ныхас? О, уыдӕтты тыххӕй дӕр ӕмӕ ма бирӕ ӕндӕр цӕйдӕрты тыххӕй дӕр мах ӕнӕрхъӕцӕй фенхъӕлмӕ кӕсӕм нӕ облӕстон конгресстӕм!
2 Конгрессӕй иу бон дӕр ма рауадз. Моисейы уылты Иегъовӕ загъта: «Ӕрӕмбырд кӕнут адӕмы... цӕмӕй хъусой ӕмӕ ахуыр кӕной» (Дык. з. 31:12). Ныр дӕр нын Иегъовӕ «зондджын ӕмӕ ӕууӕнкджын цагъары» уылты конгрессы алы бонӕн дӕр бацӕттӕ кодта сӕрмагонд программӕ. Пайда нын цы у, уый нын кӕй амоны, уымӕ гӕсгӕ нӕ йӕ амындтӕй иу дӕр ауадзын нӕ фӕнды (Ис. 48:17). Куыстӕй дӕ дӕхи акурын куы хъӕуа, уӕд Неемийы хъӕбатыр цӕвиттон бафӕзм — дӕ хицауимӕ аныхас кӕныны размӕ уал Иегъовӕмӕ скув (Нееми 1:11; 2:4). Ноджы ма: кӕд дӕ бинонтӕй исчи уырнӕг нӕу, уӕд хорз уаид, конгресмӕ цӕуынвӕнд кӕй кӕныс, уый йын, гӕнӕн уӕвгӕйӕ, раздӕр куы зӕгъис.
3 Цӕрӕнбынӕттӕ. Конгресстӕ кӕм цӕудзысты, уыцы горӕтты ӕфсымӕртӕ бирӕ бафыдӕбон кӕнынц, делегаттӕн хорз цӕрӕнбынӕттӕ ссарыныл. Хъусын кӕныны фембӕлды ацы статья ӕвзӕрст куы ’рцӕуа, уӕд хъусынгӕнинӕгты фӕйнӕгыл ауыгъд ӕрцӕудзӕн «Цӕрӕнбынӕтты номхыгъд». Хъусынгӕнджытӕй йӕ къух кӕй нӕ амоны, уыдоны тыххӕй цӕрӕнуатон хайад баныхас кӕны асламдӕр бынӕттыл ӕмдзӕрӕнты ӕмӕ ӕндӕр агъуыстыты. Ахӕм бынӕттӕ вӕййынц аслам, фӕлӕ дзы арӕх дзӕбӕх баулӕфынӕн, уӕлӕдарӕс ӕрцӕттӕ кӕнынӕн, хи ныхсынӕн уавӕртӕ нӕ вӕййы. Кӕд ахӕм ран иу ӕмӕ дыууӕ азы не ’рлӕууыдтӕ, уӕд дӕр хорз нӕ уаид дӕ уавӕртӕм ногӕй ӕркӕсын? Бирӕ бинонтӕ ӕмӕ ӕмбырды хицӕн уӕнгтӕ афӕдзы дӕргъы алы мӕй дӕр се ’хцайӕ иу гыццыл хицӕнӕй нывӕрынц, цӕмӕй конгрессы бонты уазӕгдзӕрӕны цӕрой. (Абар 1 Коринфгтӕм 16:2.). Афтӕмӕй хорз баулӕфынц ӕмӕ ма сӕхимӕ дӕр базилынц. Нӕ цӕрӕнбынаты уавӕртӕ тынг ӕндавынц конгрессы монон хӕринаг куыд исдзыстӕм, ӕмӕ ма нӕ хотӕ ӕмӕ не ’фсымӕртимӕ куыд ныхас кӕндзыстӕм, ууыл дӕр.
4 Делегаттӕ ӕфсымӕрты амындтӕм ӕнӕзивӕгӕй кӕй фӕхъусынц, уымӕ гӕсгӕ бынӕттон ӕфсымӕртӕ филиалы ӕххуысӕй баныхас кӕнынц уазӕгдзӕрӕнты цӕрынӕн къаддӕр ӕргътыл. Уымӕ гӕсгӕ уӕ курӕг стӕм, цӕмӕй бынӕттӕ заказ кӕнат, номхыгъды цы уазӕгдзӕрӕнтӕ ис, ӕрмӕстдӕр уым, ӕмӕ дзы цы ӕргътӕ ис фыст, ӕрмӕстддӕр уыцы ӕргътыл. Уӕд, гӕнӕн ис, ӕфсымӕртӕн сӕ бон уа алы аз дӕр заказ кӕнын бынӕттӕ, конгресс кӕм цӕуа, уырдӕм ӕввахс, хорз уазӕгдзӕрӕнты ӕмӕ асламдӕр ӕргътыл. Кӕд иуӕй-иу уазӕгдзӕрӕнтӕ, конгресс кӕм цӕуы, уымӕй гыццыл дарддӕр сты, уӕддӕр дзы хорз уавӕртӕ ис. Цалынмӕ уазӕгдзӕрӕнмӕ фӕдзурай ӕмӕ бынат ныззаказ кӕнай, уӕдмӕ уал 4-ӕм фарсыл фӕлгӕтмӕ ӕркӕс. Афтӕ ма дӕ зӕрдыл дар фӕлгӕт «Куыд хъӕуы уазӕгдзӕрӕны бынат заказ кӕнын»-ы уынаффӕтӕ дӕр.
5 Ӕххуыс, уӕлдай тынгдӕр фӕкӕсын кӕмӕ хъӕуы, уыдонӕн. Апостол Павел Галатийы ӕмбырдтӕн сӕ зӕрдыл ӕрлӕууын кодта, цӕмӕй алкӕмӕндӕр «хорз кӕной, уӕлдайдӕр се ’муырнӕгтӕн» (Гал. 6:10, НФ). Ацӕргӕ кӕнӕ рынчын хотӕ ӕмӕ ӕфсымӕртӕ, иунӕг ныййарджытӕ кӕнӕ ӕххӕстрӕстӕг лӕггадгӕнджытӕ, гӕнӕн ис, ӕххуыс ма курой, фӕлӕ сӕ конгресмӕ ацӕуыны тыххӕй арӕх бахъӕуы цавӕрдӕр цӕлхдурты сӕрты ахизын. Дӕ бон у хорз хъуыддаг саразын ӕмӕ сын баххуыс кӕнын? Ахӕм хъусынгӕнджытыл сӕйраджыдӕр хъуамӕ тыхсой сӕ уырнӕг хӕстӕджытӕ ӕмӕ хистӕр нӕлгоймӕгтӕ.
6 Хъусынгӕнӕг «Ӕххуыс кӕй хъӕуы, уыдонӕн бынат скӕныны курдиат» куы байдзаг кӕна, уӕд ӕй ӕмбырды комитет равзардзӕн, бланкы цы амындтӕ ис, уыдон хынцгӕйӕ. Ӕмбырды комитеты хъӕуы сбӕлвырд кӕнын ахӕм хъусынгӕнӕгӕн ӕмбырдӕн йӕхи бон у баххуыс кӕнын ӕви нӕ. Уыцы курдиӕттӕ сты, хӕрзӕгъдау сывӕллӕттӕ кӕмӕн ис, ахӕм фӕзминаг чырыстӕттӕн. Цӕрӕнуатон хайады кусӕг ӕфсымӕртӕм курдиаты фыст домӕнты тыххӕй исты фарстытӕ куы фӕзына, уӕд ӕмбырды секретары бацагурдзысты.
7 Цӕрӕнуатон хайад архайы, мах цавӕр бынӕттӕ ныззаказ кӕнӕм, ахӕмтӕ ссарыныл. Кӕд, облӕстон конгресс кӕм цӕудзӕн, уыцы горӕты цӕрыс, ӕмӕ дӕ искӕй суазӕг кӕнын фӕнды, уӕд дын ӕмбырды секретарь ратдзӕн бланк «Фатертӕ» (СО-4) ӕмӕ дзы банысан кӕн иуӕй-иу ахсджиаг хъуыддӕгтӕ, зӕгъӕм: гыццыл сывӕллӕттӕ дын ис ӕви нӕ, хуыссӕны цъӕрттӕ, хӕринаг, цӕрӕгойтӕ дӕм ис ӕви нӕ ӕмӕ а.д.
8 Ӕндӕр конгресмӕ куы цӕуай. Гӕнӕн ис, ӕмӕ де ’мбырд цы конгресмӕ у нысангонд, уырдӕм нӕ, фӕлӕ ӕндӕр конгресмӕ цӕуай. Ӕндӕр конгрессы тыххӕй дӕ исты базонын куы фӕнда, уӕд, дӕ хорзӕхӕй, бафӕрс де ’мбырды секретары. «Ӕххуыс кӕй хъӕуы, уыдонӕн бынат скӕнын курдиат»-ы иннӕ фарсыл фыст ис, конгресстӕ кӕм ӕмӕ кӕд цӕудзысты, афтӕ ма цӕрӕнуатон хайӕдты адристӕ дӕр. Дӕ курдиат арвит раст адрисыл ӕмӕ йын йемӕ нывӕр къонверт маркӕтимӕ ӕмӕ дӕ адрисимӕ. Цы горӕтмӕ цӕуай, уым цалдӕр конгрессы куы уа, уӕд ӕнӕмӕнг фӕнысан кӕн, конгресстӕй кӕцыйы уыдзӕнӕ, уый. Уыцы горӕты цӕрӕнуатон хайад дын рарвитдзӕн уыцы конгрессы делегаттӕн арӕзт цӕрӕнбынӕтты номхыгъдтӕй фӕстаг.
9 2 500 мин азы размӕ Иегъовӕйы адӕмӕн цы фембӕлд уыд, уым Ездрӕ ӕмӕ иннӕ левиттӕ ӕрӕмбырдуӕвджытӕн кастысты ӕмӕ ӕмбарын кодтой Хуыцауы Ныхас. Дарддӕр цы уыд? Неемийы 8:12 дзырдӕуы, зӕгъгӕ, «адӕм иууылдӕр ацыдысты... стыр циндзинадимӕ, уымӕн ӕмӕ бамбӕрстой, цы ныхӕстӕ сын загътой, уыдон». Цымӕ мах бузныг не стӕм, Ездрӕ ӕмӕ левиттау, сӕрст чырыстӕттӕ дӕр Хуыцауы Ныхасӕй кӕй пайда кӕнынц, кӕй йӕ ӕмбарын кӕнынц ӕмӕ уымӕ гӕсгӕ цӕрын куыд хъӕуы, уый нын кӕй ӕвдисынц, уый тыххӕй? Ӕппӕт уыцы хъуыддӕгты зыны, Иегъовӕ йӕ адӕмы сыгъдӕгзӕрдӕйӕ кӕй уарзы ӕмӕ сыл кӕй ауды. Уӕдӕ бацархай, цӕмӕй иу бон дӕр ма рауадзай облӕстон конгрессӕй «Цӕут Хуыцауимӕ»!
[Рамкӕ 3 фарсыл]
Конгрессы рӕстӕг
Майрӕмбон ӕмӕ сабаты
9.30 — 17.10 онг
Хуыцаубоны
9.30— 16.05 онг
[Рамкӕ 4 фарсыл]
Цӕрӕнуатон хайадимӕ ӕмгуыст кӕн
◼ Ӕрбынат кӕн, ӕрмӕстдӕр «Цӕрӕнбынӕтты номхыгъд»-ы цы уазӕгдзӕрӕнтӕ ис, уым. Номхыгъды цы уазӕгдзӕрӕнтӕ нӕй, уыдонмӕ телефонӕй ма дзур.
◼ Номхыгъды цы уазӕгдзӕрӕнтӕ ис амынд, уыдонӕй алкӕцымӕ дӕр куы фӕдзурай, ӕмӕ сӕм бынӕттӕ куы нӕ уа, кӕнӕ та кӕцыдӕр уазӕгдзӕрӕны, номхыгъды цы ӕргътӕ ис, уымӕй дзы фылдӕр ӕргътӕ куы уа, уӕд уый тыххӕй фехъусын кӕн де ’мбырды секретарӕн. Уый хъуамӕ фӕдзура уыцы конгрессы цӕрӕнуатон хайадмӕ, номхыгъды уӕлейӕ цы информаци ис, уымӕй пайдагӕнгӕйӕ. Номхыгъды цы уазӕгдзӕрӕн нӕй амынд, уырдӕм дзурыны бӕсты уал, хуыздӕр уаид банхъӕлмӕ кӕсын, цалынмӕ, дӕу цы конгресмӕ фӕнды цӕуын, уый цӕрӕнуатон хайад уазӕгдзӕрӕнты фӕстаг номхыгъд нӕ ӕрӕрвита, уӕдмӕ.
◼ Ныззаказ кӕн, ӕцӕгдӕр дӕ цал бынаты бахъӕудзӕн, ӕрмӕстдӕр уал.
◼ Дӕ фыццаг заказ ма аив.
◼ Чиныгахуыры цӕстдарджытӕн сӕ бон у сӕ къордтӕн уыцы хыгъды къопитӕ скӕнын, ӕрмӕстдӕр, уе ’мбырд цы облӕстон конгресмӕ снысан кодтой, уый тыххӕй фыстӕг цы къуыри хъуамӕ бакӕсой, уыцы къуыри уӕм районон конгресс куы уа, уӕд. Фӕлӕ уӕд дӕр хицӕн хъусынгӕнджытӕн «Цӕрӕнбынӕтты номхыгъд»-ы сӕрмагонд къопитӕ кӕнӕн нӕй.
[Рамкӕ 4 фарсыл]
Куыд хъӕуы уазӕгдзӕрӕны бынат заказ кӕнын
1. Уазӕгдзӕрӕнтӕм фӕдзур кусгӕ сахатты, «Цӕрӕнбынӕтты номхыгъд»-ы амынд телефоны номыртӕй.
2. Уазӕгдзӕрӕны кусджытӕн зӕгъ, Иегъовӕйы Ӕвдисӕнты конгресмӕ кӕй цӕуыс.
3. Зӕгъ, уазӕгдзӕрӕны цы бонты уыдзынӕ, уый.
4. Уазӕгдзӕрӕны бынӕттӕ куы нал уа, уӕд номхыгъды амынд уазӕгдзӕрӕнтӕй фӕдзур ӕндӕрмӕ.
5. Базон, «Цӕрӕнбынӕтты номхыгъд»-ы цы ӕргътӕ ис амынд, уыдонмӕ гӕсгӕ кӕй фидыс бынатӕн. Фылдӕр ма бафид.
6. Бынат ныззаказ кӕн ӕмӕ сын зӕгъ, цӕмӕй дын разыйы дзуаппы тыххӕй фехъусын кӕной.
7. Бынат заказгӕнгӕйӕ, цӕрӕнуатон хайады амындтӕ ӕххӕст кӕн.