2003 азы облӕстон конгресс «Кадджын кӕнут Хуыцауы»
1 Иегъовӕ йӕ иузӕрдион пехуымпар Исайы уылты загъта: «Байхъусут мӕм, мӕ адӕм; мӕ дзыллӕ, мӕ ныхӕстӕм уӕ хъус ӕрдарут» (Ис. 51:4). Ацы ӕнахуыр уӕззау рӕстӕджыты, фӕстаг бонты, куыд хъӕуы Иегъовӕмӕ хъусын, афтӕ кӕй никуы хъуыди, ууыл разы не стӕм? Иегъовӕйы ныхӕстӕм нӕ «хъус дарын» нӕ бон у, иумӕ ӕмбырд кӕнын нын кӕй фӕдзӕхсы, уый ӕххӕстгӕнгӕйӕ. Ахӕм фадат та нын ноджыдӕр уыдзӕн. Куыд тынг ӕнхъӕлмӕ кӕсӕм нӕ ӕрвылазон облӕстон конгресмӕ! Иегъовӕйы Ӕвдисӕнты Разамонӕг совет та ногӕй спълан кодта, Уӕрӕсейы филиал дзуапп цы территорийӕн дӕтты, уым 2003 азы бирӕ облӕстон конгресстӕ ауадзын.
2 2002 азы 1 июлы «Хъахъхъӕнӕн мӕсыджы» (уыр.) куыд фехъусын кодтой, афтӕмӕй иуӕй-иу горӕтты уыдзӕн ӕхсӕнадӕмон конгресстӕ дӕр ӕмӕ сӕм делегаттӕ ацӕудзӕн дунейы алы бӕстӕтӕй дӕр. Ахӕм конгресстӕ бирӕ кӕй нӕ уыдзысты, уымӕ гӕсгӕ сӕм ацӕудзысты, ӕрмӕстдӕр цы ӕмбырдты фӕхоной, уыдон. Фӕлӕ ӕппӕтдунеон ӕфсымӕрад кӕй стӕм, уый зындзӕн алы облӕстон конгрессы дӕр. Уыдонӕй бирӕтӕм ӕрцӕудзысты миссионертӕ, ӕмӕ нын уыдзӕн фадат сӕ цымыдисаг цаутӕм байхъусынӕн. Цы хъуамӕ саразӕм, цӕмӕй нын нӕ сӕрдыгон конгресстӕ тынгдӕр баххуыс кӕной?
3 Конгрессы алы бон дӕр у. Ӕууӕнкджын ӕмӕ зондджын цагъары къорд нын цы бацӕттӕ кодта, уымӕй цӕмӕй ӕппындӕр мацы ауадзӕм, уый тыххӕй хъуамӕ нӕхицӕн фидарӕй зӕгъӕм, программӕйӕ иу хай дӕр кӕй нӕ фӕцух кӕндзыстӕм (Матф. 24:45). Уый тыххӕй дӕ куыстӕй дӕхи ракурын хъӕуы? Нееми паддзах Артаксерксмӕ бацӕуынмӕ куы хъавыд, цӕмӕй йӕ Иерусалимы систӕ сцалцӕг кӕнынмӕ ауагътаид, уӕд уал «уӕларвон Хуыцаумӕ скуывта» (Неем. 2:4). Иегъовӕмӕ кув, цӕмӕй дӕ ныфс бахӕссай куыстӕй дӕхи конгрессы ӕртӕ бонмӕ дӕр ракурынмӕ. Фӕлӕ дӕ хицау куыстӕй куы нӕ уадза, уӕд та? Бамбарын ын кӕн, нӕ конгрессты нӕ кӕй ахуыр кӕнынц, цӕмӕй уӕм ӕнӕзӕрдӕхудт, зӕрдӕргъӕвд ӕмӕ ӕууӕнкджын кусджытӕ,— уымӕй, чи зоны, фӕфӕлмӕндӕр уа. Ноджы ма: кӕд дӕ бинонтӕй исчи уырнӕг нӕу, уӕд хорз уаид, конгресмӕ цӕуынвӕнд кӕй кӕныс, уый сын, гӕнӕн уӕвгӕйӕ, раздӕр куы зӕгъис.
4 Бынат равзарынӕн спайда кӕн «Цӕрӕнбынӕтты номхыгъд»-ӕй. Фӕстаг мӕйты дӕргъы цӕрӕнуатон хайад, облӕстон конгресмӕ чи ’рцӕудзӕн, уыдонӕн агуырдта цӕрӕнбынӕттӕ. Уе ’мбырд тагъд райсдзӕн «Цӕрӕнбынӕтты номхыгъд» ӕмӕ йӕ ссарӕн уыдзӕн хъусинӕгты фӕйнӕгыл. Чиныгахуыры цӕстдарджытӕн сӕ бон у сӕ къордтӕн уыцы хыгъды къопитӕ скӕнын, ӕрмӕстдӕр, уе ’мбырд цы облӕстон конгресмӕ снысан кодтой, уый тыххӕй фыстӕг цы къуыри хъуамӕ бакӕсой, уыцы къуыри уӕм районон конгресс куы уа, уӕд. Фӕлӕ уӕд дӕр хицӕн хъусынгӕнджытӕн «Цӕрӕнбынӕтты номхыгъд»-ы сӕрмагонд къопитӕ кӕнӕн нӕй.
5 Бынат заказ кӕн, 4-ӕм фарсыл фӕлгӕты цы амындтӕ ис, уыдонмӕ гӕсгӕ. Хъусынгӕнджытӕй йӕ къух кӕй нӕ амоны, уыдоны тыххӕй цӕрӕнуатон хайад баныхас кӕны асламдӕр бынӕттыл ӕмдзӕрӕнты ӕмӕ ӕндӕр агъуыстыты. Ахӕм бынӕттӕ вӕййынц аслам, фӕлӕ дзы, арӕхдӕр, хорз уавӕртӕ нӕ вӕййы цӕрынӕн ӕмӕ дзӕбӕх баулӕфынӕн.
6 Уымӕ гӕсгӕ бирӕ бинонтӕ ӕмӕ ӕмбырды хицӕн уӕнгтӕ-иу афӕдзы дӕргъы алы мӕй дӕр се ’хцайӕ иу цасдӕр рахицӕн кӕнынц, цӕмӕй конгрессы бонты уазӕгдзӕрӕны цӕрой. Афтӕмӕй сын ӕхца алцӕмӕндӕр сфаг вӕййы ӕмӕ сӕ бон вӕййы бафидын уазӕгдзӕрӕнӕн дӕр, уым та конгрессы программӕйы фӕстӕ ис хорз баулӕфӕн. Цы уавӕрты цӕрӕм, уый тынг ӕндавы, конгрессы монон хӕринагӕй нӕхи хорз ӕфсадӕм ӕви нӕ ӕмӕ нӕ хотӕ, не ’фсымӕртимӕ куыд ныхас кӕнӕм, ууыл.
7 Цӕрӕнуатон хайад архайы, цӕмӕй, мах цавӕр бынӕттӕ ныззаказ кӕнӕм, ахӕмтӕ ссарой. Уыцы хъуыддаджы стыр ӕххуыс бакӕнынц, хӕларзӕрдӕйӕ се ’муырнджыты чи суазӕг кӕны, уыцы ӕфсымӕртӕ ӕмӕ хотӕ. Кӕд, облӕстон конгресс кӕм цӕудзӕн, уыцы горӕты цӕрыс ӕмӕ дӕ искӕй суазӕг кӕнын фӕнды, уӕд дын ӕмбырды секретарь бланк «Фатертӕ» (СО-4) ратдзӕн, ӕмӕ-иу дзы банысан кӕн иуӕй-иу ахсджиаг хъуыддӕгтӕ, зӕгъӕм: ис дӕм ӕви нӕ хуыссӕны цъӕрттӕ, хӕринаг ӕмӕ а.д.
8 Ӕххуыс, уӕлдай тынгдӕр фӕкӕсын кӕмӕ хъӕуы, уыдонӕн. Конгресмӕ ацӕуынӕн ӕххуыс кӕй хъӕуы, ахӕмтӕ уе ’мбырды ис? Ацӕргӕтӕ, рынчынтӕ ӕмӕ ӕххӕстрӕстӕг лӕггадгӕнджытыл сӕйраджыдӕр хъуамӕ аудой сӕ чырыстон хӕстӕджытӕ, фӕлӕ сын сӕ уавӕртӕ хистӕр нӕлгоймӕгтӕ ӕмӕ иннӕ хъусынгӕнджытӕ куы зоной, уӕд уыдонӕн дӕр сӕ бон у хъӕугӕ ӕххуыс бакӕнын.
9 Ӕмбырды комитет лӕмбынӕг ӕркӕсдзӕн, хъусынгӕнджытӕ кӕй балӕвӕрдтой, уыцы курдиӕттӕм — «Ӕххуыс кӕй хъӕуы, уыдонӕн бынат скӕныны курдиӕттӕ». Бланкы амындтӕ хынцгӕйӕ ӕмбырды комитет хъуамӕ сбӕлвырд кӕна, ӕмбырдӕн йӕхицӕн ӕцӕгдӕр кӕй нӕу йӕ бон уыцы курдиӕттӕ сӕххӕст кӕнын. Ахӕм курдиӕттӕ сӕ бон байдзаг кӕнын у фӕзминаг чырыстӕттӕн, ӕмӕ сын кӕд сывӕллӕттӕ ис, уӕд уыдон дӕр хъуамӕ уой ӕгъдауджын. Цӕрӕнуатон хайады кусӕг ӕфсымӕртӕм курдиаты фыст домӕнты тыххӕй исты фарстытӕ куы фӕзына, уӕд ӕмбырды секретары бацагурдзысты.
10 Ӕндӕр конгресмӕ куы цӕуай. Де ’мбырд цы конгресмӕ у нысангонд, уырдӕм нӕ, фӕлӕ ӕндӕр конгресмӕ куы цӕуай ӕмӕ дӕ рагацау уазӕгдзӕрӕны бынат скӕнын куы фӕнда, уӕд, дӕ хорзӕхӕй, уый тыххӕй зӕгъ де ’мбырды секретарӕн. Ӕмбырды секретарь дын ратдзӕн конгрессы бюройы адрис, уый ис «Ӕххуыс кӕй хъӕуы, уыдонӕн бынат скӕныны курдиат»-ы бланкы иннӕ фарсыл. Дӕ курдиат арвит раст адрисыл ӕмӕ йын йемӕ нывӕр, маркӕтӕ кӕуыл уа, ахӕм къонверт дӕ адрисимӕ. Цы горӕтмӕ цӕуай, уым цалдӕр конгрессы куы уа, уӕд ӕнӕмӕнг фӕнысан кӕн, конгресстӕй кӕцыйы уыдзынӕ, уый. Уыцы горӕты цӕрӕнуатон хайад дын рарвитдзӕн уыцы конгрессы делегаттӕн арӕзт цӕрӕнбынӕтты номхыгъдтӕй фӕстаг.
11 Циркмӕ кӕсӕгау нӕм кӕсынц. Иегъовӕйы Ӕвдисӕнтӕ иннӕтӕй кӕй хицӕн кӕнынц, уый цымӕ адӕм уынынц? Кӕй зӕгъын ӕй хъӕуы! Иу горӕты уазӕгдзӕрӕнты администратортӕ загътой: «Махмӕ арӕх ӕрлӕууынц алыхуызон съездтӕ ӕмӕ конгрессты делегаттӕ, фӕлӕ уӕ хуызӕн уӕздан ӕмӕ хӕларзӕрдӕ адӕмыл мах нырма никуы сӕмбӕлдыстӕм». «Ай размӕ къуыри нӕм цардысты ӕндӕр уырнджытӕ. Фӕлӕ арв ӕмӕ зӕххау кӕрӕдзийӕ хицӕн кӕнут». «Мах ӕй зонӕм, ӕууӕндӕн уыл кӕй ис ӕмӕ ӕнӕзивӕгӕй адӕймаджы уавӕры кӕй бацӕут». Бузныг не стӕм, «уӕлейӕ ӕрцӕугӕ зонды» фӕрцы хуыздӕрырдӕм кӕй ивӕм, уымӕй? (Иак. 3:17). Дуне нӕм «циркмӕ кӕсӕгау» кӕй кӕсы, уымӕ гӕсгӕ нӕ уагахастӕй хъуамӕ кӕддӕриддӕр бӕрӕг уа, нӕ Хуыцау Иегъовӕ уаз ӕмӕ кадджын кӕй у, уый (1 Кор. 4:9, НД).
12 «Ацы дунейы фӕлгонц» фӕцӕуы ӕмӕ нӕ уымӕ гӕсгӕ ӕнӕмӕнгдӕр хъӕуы, цӕмӕй нын облӕстон конгресстӕ баххуыс кӕной монон хъуыддӕгтыл тынгдӕр хӕцынӕн (1 Кор. 7:31). Конгрессы ӕртӕ бонмӕ ацӕуыны тыххӕй куыдфӕнды ма бафыдӕбон кӕнӕм, уӕддӕр фӕсмойнаг нӕ фӕуыдзыстӕм. Ацы азы облӕстон конгресс, «Кадджын кӕнут Хуыцауы», зӕгъгӕ, афтӕ арӕзт у, цӕмӕй нӕ бафидар кӕна, Иегъовӕ Сайтаны дунейыл йӕ тӕрхон куы сӕххӕст кӕна, уымӕ ӕнхъӕлмӕ кӕсгӕйӕ. Уӕдӕ нӕ ӕппындӕр мацы бахъыгдарӕд, Иегъовӕ нын цы амындтӕ бацӕттӕ кодта, уыдонмӕ хъусын! (Ис. 51:4, 5).
[Рамкӕ 3 фарсыл]
Конгрессы рӕстӕг
Майрӕмбон ӕмӕ сабаты
9.30—17.00
Хуыцаубоны
9.30—16.05
[Рамкӕ 4 фарсыл]
Куыд хъӕуы уазӕгдзӕрӕны бынат заказ кӕнын
1. Уазӕгдзӕрӕнмӕ фӕдзур кусгӕ сахатты, цас тагъддӕр, уыйас хуыздӕр. «Цӕрӕнбынӕтты номхыгъд»-ы бланкыл цы телефоны номыртӕ ис, уыдонӕй фӕдзур.
2. Уазӕгдзӕрӕны кусджытӕн зӕгъ, Иегъовӕйы Ӕвдисӕнты конгресмӕ кӕй цӕуыс.
3. Зӕгъ, уазӕгдзӕрӕны цы бонты уыдзынӕ, уый.
4. Базон, «Цӕрӕнбынӕтты номхыгъд»-ы цы ӕргътӕ ис амынд, уыдонмӕ гӕсгӕ кӕй фидыс бынатӕн. Фылдӕр ма бафид.
Курӕг дӕ стӕм,
ӕрбынат кӕн, ӕрмӕстдӕр «Цӕрӕнбынӕтты номхыгъд»-ы цы уазӕгдзӕрӕнтӕ ис, уым;
ныззаказ кӕн, ӕцӕгдӕр дӕ цал бынаты бахъӕудзӕн, ӕрмӕстдӕр уал;
дӕ фыццаг заказ ма аив;
дӕ зӕрдыл дар, алцӕмӕндӕр дӕ дӕхи кӕй хъӕудзӕн ӕхца фидын;
ӕргъты тыххӕй кӕс «Амынд агъуыстыты номхыгъд»-мӕ.
Ӕххуыс кӕй хъӕуы, уыдонӕн бынат скӕныны тыххӕй курдиат бадӕттын куыд хъӕуы
1. Ацы курдиат нӕй бадӕттӕн, ӕнӕуи фыстӕг ныффысгӕйӕ, телефонӕй фӕдзургӕйӕ ӕмӕ а. д.
2. Раст байдзаг кӕн бланк «Ӕххуыс кӕй хъӕуы, уыдонӕн бынат скӕныны курдиат».
3. Курдиат бадӕтт, куыддӕриддӕр ӕмбырды фехъусын кӕной, «Цӕрӕнбынӕтты номхыгъд» кӕй райстой, уый тыххӕй.
4. Цы агъуысты цӕрдзынӕ, уый хицауимӕ ӕмгуыст кӕн, цы боныфӕтк дзы ис, уымӕ гӕсгӕ архай, дӕ фӕстӕ ӕфснай ӕмӕ а. д.