Ӕмбырд кӕнынц алы ӕвзӕгтыл дзурӕг адӕм
1 Хуыцауы Ныхас ӕххӕст кӕны! «Алы ӕвзӕгтыл дзурӕг адӕм» ӕмбырд кӕнынц иунӕг ӕцӕг Хуыцауӕн кувынӕн (Зах. 8:23). Иегъовӕйы Ӕвдисӕнтӕ куыд ӕххуыс кӕнынц алы «адӕмты, ӕмӕ алы дзыллӕты ӕмӕ алы ӕвзӕгты» минӕвӕрттӕн, цӕмӕй Иегъовӕйы раз сыгъдӕгӕй ӕрлӕууой ӕмӕ «стыр утӕхсӕны» фервӕзой? (Рар. 7:9, 14, НФ).
2 Хуыцауы организаци архайы. Разамонӕг совет бацархайдта, цӕмӕй библион литературӕ цӕуа иу-380 ӕвзагыл ӕмӕ ӕгас зӕххыл цы адӕм цӕры, уыдонӕн сӕ бон уа хуыздӕр бамбарын, хорз хабар ахсджиаг кӕй у, уый. Уыйбӕрц ӕвзӕгтыл литературӕ цӕттӕ кӕнын ӕмӕ йӕ мыхуыры уадзын у стыр куыст. Уый нысан кӕны фӕлтӕрд тӕлмацгӕнджыты къордтӕ саразын ӕмӕ ӕппӕт уыцы ӕвзӕгтӕм нӕ литературӕ тӕлмац кӕнынӕн цыдӕриддӕр хъӕуы, уымӕй сӕ ифтонг кӕнын, афтӕ ма уыцы ӕрмӕг мыхуыр кӕнын ӕмӕ йӕ ласын. Фӕлӕ сӕйраг хӕслӕвӕрд ӕххӕст кӕнынц Хуыцауы Паддзахады хъусынгӕнджытӕ, Библийы ирвӕзынгӕнӕг хабар адӕмӕн чи хъусын кӕны, уыдон.
3 Зындзинӕдтӕ хынцгӕйӕ. Абон арӕх ис сӕмбӕлӕн ӕндӕр ӕвзӕгтыл чи дзуры, бирӕ ахӕм адӕмыл. Уыдонӕн хорз хабар фехъусын кӕныны тыххӕй Хуыцауы лӕггадгӕнджытӕй бирӕтӕ ахуыр кӕнын райдайынц уыцы адӕмы ӕвзаг. Иннӕтӕ та сахуыр кӕнынц къухӕй амонгӕ ӕвзаг. Иегъовӕйы тыххӕй чи никуы фехъуыста ӕмӕ Библийы тыххӕй чи ницы зоны, уыдон базонынц Хуыцауы Ныхасы ӕцӕгад (Ром. 15:21).
4 Нӕ бон у нӕ территорийы ӕндӕр адӕмыхаттытӕн хорз хабар фылдӕр хъусын кӕнын? (Кол. 1:25). Бирӕ ӕмбырдтӕ хъусын кӕнынц, сӕ территорийы ӕндӕр ӕвзӕгтыл чи дзуры, уыдонӕн. Хъусынгӕнджытӕ уал уыцы ӕвзагыл сахуыр кӕнынц цалдӕр хуымӕтӕг дзырды ныхас райдайынӕн, зӕгъӕм: «Салам. Ацы хорз хабар дӕуӕн у. [Уый фӕстӕ сын радтынц уыцы ӕвзагыл трактат кӕнӕ брошюрӕ.] Хорзӕй баззай». Иегъовӕ ӕцӕгдӕр арфӕ кӕны ахӕм гыццыл хъуыддӕгтӕн дӕр!
5 Хуыцауы Паддзахады тыххӕй хорз хабар у алы ӕвзӕгты адӕмтӕн дӕр. Цӕй уӕдӕ архайӕм, цӕмӕй йӕ фехъусой.