Хуыцауы хъуыддагӕн цы фӕрӕзтӕ лӕвӕрд цӕуы, уыдонӕн аргъ кӕнут
1 Паддзах Иоси кувӕндон цалцӕг кӕныны тыххӕй амындтӕ куы лӕвӕрдта, уӕд раппӕлыд, алыхуызон куыстытӕ кӕнынӕн кӕй сӕвӕрдтой, уыдонӕй, ӕмӕ загъта: «Ма-иу сӕ фӕрсут, цӕуыл хардз кӕнынц, сӕ къухмӕ сын цы ӕхца радтой, уыдон, уымӕн ӕмӕ ӕнӕзӕрдӕхудтӕй кусынц» (4 Пад. 22:3—7). Уыцы нӕлгоймӕгтӕ табуйаг хъуыддӕгтӕн кӕй аргъ кодтой, уый бӕрӕг уыд, цы фӕрӕзтӕ сӕм радтой, уыдонӕй куыд пайда кодтой, уымӕй. Абон мах Хуыцауы хорз хабары сыгъдӕг хъуыддаджы кӕй архайӕм, уымӕ гӕсгӕ мах дӕр хъуамӕ ӕнӕзӕрдӕхудтӕй пайда кӕнӕм, цы нын дӕттынц, уымӕй.
2 Уацамынды. Нӕ чингуыты ӕмӕ нӕ журналты цы ахсджиаг хабар ис ӕмӕ сӕ рауадзыныл бирӕ ӕхца кӕй цӕуы, уый кӕй зонӕм, уый нӕ разӕнгард кӕны, цӕмӕй сын аргъ кӕнӕм. Мах нӕ литературӕ хъуамӕ ӕнӕвгъауӕй ма дӕттӕм, Библийы ӕцӕгадӕн ӕцӕгдӕр чи нӕ аргъ кӕны, уыдонӕн. Адӕймаджы хорз хабар зӕрдиагӕй куы нӕ цымыдис кӕна, уӕд ын ӕрмӕст трактат куы радтӕм, уӕддӕр ын фаг уыдзӕн.
3 Литературӕ афтӕ парахат кӕн, цӕмӕй бӕрӕг уа, аргъ ын кӕй кӕныс. Ӕхсӕнадон бынӕтты йӕ ма уадз, цӕмӕй уый фӕстӕ алы рӕтты калд ма уой. Цӕмӕй паплойгӕнаг ма уӕм, уый тыххӕй уал фыццаг хъуамӕ сбӕрӕг кӕнӕм, хӕдзары нӕм цас литературӕ ис, ӕмӕ ӕрмӕст уый фӕстӕ фылдӕр райсӕм. Кӕд дӕм алы журналӕй дӕр уӕлдай баззайы, уӕд хорз уаид къаддӕр журналтӕ заказ кӕнын.
4 Сӕрмагонд литературӕ. Мах хъуамӕ заказ кӕнӕм, ӕрмӕстдӕр нӕ ӕхсызгонӕй цы хъӕуы, уый. Уӕлдай бонзонгӕ хъуамӕ уӕм куы заказ кӕнӕм ӕндӕр ӕвзагыл литературӕ, Библитӕ, зынаргъ Библитӕ, Библитӕ фиппаинӕгтимӕ, кӕнӕ та ӕндӕр стыр публикацитӕ, зӕгъӕм, «Симфони», «Амонӕн», «Фыстады ӕмбарынад» ӕмӕ чиныг «Хуыцауы Паддзахады хъусынгӕнджытӕ». Ацы чингуытыл цӕуы бирӕ ӕхца.
5 Дӕ сӕрмагонд чингуытыл ӕмӕ дӕ журналтыл дӕ ном ӕмӕ дӕ адрис ныффыссыс? Уый фӕрцы уыдон нӕ сӕфдзысты ӕмӕ сӕ ногтӕй ивын нӕ хъӕудзӕн. Дӕ зарджыты чиныг, дӕ Библи кӕнӕ цы ахуыр кӕнӕм, уый куы фӕсафай, уӕд ӕй, чи зоны, ссарай сӕфт дзаумӕтты ’хсӕн Паддзахады залы кӕнӕ та, конгресс кӕм цӕуа, уым (Лук. 15:8, 9).
6 Уӕдӕ зондджынӕй пайда кӕнӕм нӕ литературӕйӕ. Афтӕмӕй равдисдзыстӕм, ӕнӕзӕрдӕхудтӕй кӕй пайда кӕнӕм, Иегъовӕ нын нӕ бӕрны цы фӕрӕзтӕ бакодта, уыдонӕй (Лук. 16:10).