Паддзахады залтӕ аразыны программӕ ӕххӕст цӕуы
1 1983 азы Иугонд Штатты облӕстон конгресс «Паддзахады иудзинад»-ы фехъусын кодтой, арӕзт кӕй ӕрцыд сӕрмагонд фонд Иугонд Штатты ӕмӕ Канадӕйы Паддзахады залтӕ аразынӕн кӕнӕ сӕ ногӕй рацаразынӕн. Уӕд махӕй хъуыды дӕр ничи акодта, уыцы гыццыл хъуыддаг цы арфӕдзинӕдтӕ ӕрхӕсдзӕн, ууыл. Мах тынгдӕр цы банкъардтам, уый хорз фыст у Псалом 91:5: «Уымӕн ӕмӕ Ды мӕн схъӕлдзӕг кодтай, Хицау, Дӕ сфӕлдыстадӕй; ӕз Дӕ къухты хъуыддӕгтыл фырдис кӕнын».
2 Мах абон тынг цин кӕнӕм уыцы хъуыддагыл. Абон ӕппӕт дунейы дӕр ӕххӕст цӕуы Паддзахады залтӕ цыбыр рӕстӕгмӕ аразыны программӕ. Махӕй алкӕмӕндӕр ис фадат уыцы куысты архайынӕн. Уый аразын нӕ бон у нӕ уавӕртӕм гӕсгӕ ӕхцайӕ ӕххуысгӕнгӕйӕ, цӕмӕй ӕппӕт дунейы дӕр фембӕлдтӕ уадзынӕн фылдӕр бынӕттӕ саразӕм. Ӕфсымӕртӕй бирӕтӕ ахӕм куыстытӕн радтынц сӕ кусӕнгӕрзтӕ, хардз сыл кӕнынц сӕ рӕстӕг, сӕ курдиӕттӕ ӕмӕ сӕ зонындзинӕдтӕ. Уыцы программӕ царды ӕнтыстджынӕй уагъд цӕуы, Иегъовӕ йын разамынд кӕй дӕтты, кӕй йын ӕххуыс кӕны ӕмӕ нын нӕ ӕмвӕнд архайдӕн рӕдауӕй кӕй арфӕ кӕны, уый фӕрцы (Пс. 126:1).
3 Иугонд Штатты ӕмбырдты цы фӕтк сфидар кодтой, уымӕ гӕсгӕ архайын райдыдтой бирӕ ӕндӕр филиалтӕ дӕр. Бирӕ бӕстӕты Паддзахады залты сӕвӕрдтой асыччытӕ, ӕмӕ дзы хъусынгӕнджытӕн сӕ бон у мысайнӕгтӕ ӕппарын Паддзахады залты Фондӕн. Иугонд Штаттӕн уагъд «Нӕ паддзахадон лӕггаддзинад»-ы, 1997 аз, мартъийы номыры фыст уыд, уыцы программӕйы цы ивындзинад ӕрцыд, уый тыххӕй. Уым дзырдӕуыд: «1983 азы Ӕхсӕнады Паддзахады залты Фонд арӕзт кӕй ӕрцыд ӕмӕ ӕфсымӕртӕ рӕдауӕй мысайнӕгтӕ кӕй лӕвӕрдтой, уый фӕрцы фадат фӕзынд Паддзахады залты арӕзтадӕн ӕфстау ӕхца дӕттынӕн. Абоны онг нӕ бӕстӕйы уый баххуыс кодта 2 700 ӕмбырдӕн. Ӕнӕ уымӕй бирӕ ӕмбырдтӕн сӕ бон не суыдаид ног Паддзахады зал саразын кӕнӕ цалцӕгкӕнинаг агъуыст сцалцӕг кӕнын. Ныр та тынг ӕхсызгонӕй хъӕуы уыцы Фонды фӕрӕзтӕй ӕфстау дӕттын, экономикон уавӕр ӕвзӕр цы бӕстӕты у, уым цы ӕмбырдтӕ ис, уыдонӕн. Уыцы хъуыддагӕн кӕй ӕххуыс кӕнут, уый тыххӕй уӕ стыр бузныг сты Ӕхсӕнад ӕмӕ уӕ мысайнӕгтӕ кӕмӕн ӕххуыс кӕнынц, уыцы ӕмбырдтӕ».
4 Уыцы хъусинаг адӕммӕ сидти Паддзахады залтӕ цыбыр рӕстӕгмӕ аразыны программӕйы архайынмӕ. Паддзахады залты Фонд дарддӕр ӕфстау ӕхца лӕвӕрдтаид АИШ-ы ӕмбырдтӕн Паддзахады залтӕ аразынӕн, фӕлӕ йӕ уыимӕ хъуыди фестырдӕр кӕнын, цӕмӕй баххуыс кодтаид не ’фсымӕртӕн ӕндӕр бӕстӕты. Фӕстӕдӕр, 1997 азы августы «Нӕ паддзахадон лӕггаддзинад»-ы (уыр.) дзырдӕуыд: «Ӕппӕт дунейы дӕр бонӕй-бонмӕ хъӕуы фылдӕр Паддзахады залтӕ аразын. Ӕрмӕст фӕстаг лӕггаддзинады азы фӕзынд 3 288 ног ӕмбырды. Уыцы ӕмбырдтӕй бирӕтӕ сты Африкӕйы, Азийы, Централон ӕмӕ Хуссар Америкӕйы, ӕмӕ Скӕсӕн Европӕйы».
5 Уӕдӕй нырмӕ нын цы бантыст? 2001 азы «Ӕрвылазон чиныджы» (уыр.) дзырдӕуы: «Уыцы программӕмӕ гӕсгӕ 30 бӕстӕйы сарӕзтой 453 Паддзахады залы ӕмӕ ма арӕзт цӕуы ноджыдӕр 727 агъуысты. Ӕфсымӕртӕ алы бӕстӕйӕн дӕр Паддзахады залтӕн ахӕм проекттӕ саразынц, цӕмӕй сӕ куы аразой, уӕд сӕ бон уа спайда кӕнын бынӕттон арӕзтадон ӕрмӕгӕй ӕмӕ уыцы бӕстӕйы арӕзтадон мадзӕлттӕй. Зӕгъӕм, Кенийы аразынц дуртӕй, Тогойы — агуыридуртӕй, Камеруны та — бетонӕй арӕзт блоктӕй ӕмӕ къултӕ уый фӕстӕ байсӕрдынц. Афтӕмӕй бынӕттон ӕфсымӕртӕ тагъддӕр фӕцалх вӕййынц ахӕм куыстытыл, цӕмӕй сӕ бӕстӕйы Залтӕ аразой».
6 Иегъовӕ уыцы хъуыддагӕн кӕй арфӕ кӕны, уый бӕрӕг у Африкӕйы стыр континентыл. Паддзахады залты къамтӕм куы ӕркӕсай, уӕд ма ахъуыды кӕн, ахӕм арӕзтад Иегъовӕйы Ӕвдисӕнты архайдыл куыд фӕзынд! Уый ахъаз фӕци ӕртӕ хъуыддаджы: ӕппӕтдунеон ӕфсымӕрады иудзинад тыхджындӕр кӕны, бынӕттон адӕмы ахаст хуыздӕр кӕны ӕмӕ ӕмбырды фембӕлдтӕм фылдӕр адӕм цӕуын райдыдта. Ацы уӕлӕмхасӕн сыфы ӕвдыст сты, Африкӕйы цы Паддзахады залтӕ сарӕзтой, уыдон, «Нӕ паддзахадон лӕггаддзинад»-ы иннӕ номырты та дзырд цӕудзӕн, Паддзахады залта аразыны программӕ ӕххӕст куыд цӕуы дунейы ӕндӕр рӕтты, ууыл.
[Нывтӕ 3 фарсыл]
ЦЕНТРАЛОН-АФРИКАГ РЕСПУБЛИКӔ
Бимбо (Банги)
Бегуа (Банги)
[Нывтӕ 4 фарсыл]
Уконгӕ (Танзани)
[Ныв 4 фарсыл]
Аккрӕ (Ганӕ)
[Ныв 4 фарсыл]
Салалӕ (Либери)
[Ныв 4 фарсыл]
Карои (Зимбабве)
[Нывтӕ 4, 5 фарсыл]
Алладӕ (Бенин): зӕронд Паддзахады зал
Алладӕ (Бенин): ног Паддзахады зал
[Ныв 5 фарсыл]
Кпеме (Того)
[Ныв 5 фарсыл]
Сокоде (Того)
[Нывтӕ 4, 5 фарсыл]
Фиджрос (Бенин)
[Ныв 6 фарсыл]
Ленгӕ, (Замби): зӕронд Паддзахады зал
[Ныв 6 фарсыл]
Ленгӕ, (Замби): ног Паддзахады зал
[Ныв 6 фарсыл]
Киншасӕ (Конго)
[Ныв 6 фарсыл]
Мусамбирӕ (Руандӕ)