Царды нӕ ӕппӕты ахсджиагдӕр хъуыддагмӕ чи цӕттӕ кӕны, уыцы Скъола
1 Адӕймаг ахуырад райсыныл фӕархайы, цӕмӕй йӕ разы цы нысӕнттӕ сӕвӕры, уыдон йӕ къухы бафтой. Фӕлӕ нын цымӕ нӕ Царддӕттӕджы кадджын кӕнынӕй ӕмӕ иннӕтӕн йӕ фӕндтӕ ӕмӕ йӕ фӕндӕгты тыххӕй дзурынӕй ахсджиагдӕр нысан ис? Нӕ. Хуыцауы Ныхас хъусынгӕнджыты скъолайы мах ахуыр кӕнӕм, адӕмӕн Библийы зонындзинӕдтӕ куыд дзурын хъӕуы, ууыл. Уымӕ гӕсгӕ алы къуыри дӕр Скъоламӕ цӕугӕйӕ мах ахуыр кӕнӕм, абон ӕппӕты ахсджиагдӕр хъуыддаг ӕххӕст кӕнынӕн цы курдиӕттӕ хъӕуы, уыдоныл.
2 Октябры мӕйы «Нӕ паддзахадон лӕггаддзинад»-ы номыры лӕвӕрд уыдис «Хуыцауы Ныхас хъусынгӕнджыты Скъолайы программӕ 2003 азӕн». Уым лӕмбынӕг дзырдӕуы, Скъола куыд цӕудзӕн, уый тыххӕй. Хорз уаид, уыцы программӕ куы бавӕриккат уӕ ахуыргӕнӕн чиныджы, «Хуыцауы Ныхас хъусынгӕнджыты скъола — стыр ӕххуыс дӕуӕн», зӕгъгӕ, уымӕн ӕмӕ йӕ алы хатт дӕр хъӕудзӕн хӕссын уыцы фембӕлдмӕ. Ӕркӕсӕм 2003 азы Скъолайы ахуыры иуӕй-иу хицӕндзинӕдтӕм.
3 Дзырдарӕхстдзинад. Январӕй Скъола райдайдзӕн 5-минутон раныхасӕй, ӕмӕ дзы дзырд цӕудзӕн дзырдарӕхстдзинады, кӕсыны, ахуыр кӕныны кӕнӕ амоныны мадзӕлттӕй искӕцыйыл. Ацы раныхас бацӕттӕ кӕндзӕн кӕнӕ Скъолайы цӕстдарӕг, кӕнӕ та йӕ уый кӕмӕн бахӕс кӕна, уыцы фӕлтӕрд хистӕр нӕлгоймаг. Раныхас цы ӕфсымӕрӕн уа, уый бацамондзӕн уыцы хӕслӕвӕрдмӕ цы хауы, уый, стӕй ма ахсджиаг цӕмӕн у, уый дӕр. Стӕй йӕ лӕмбынӕгдӕр равзардзӕн, Библийӕ цӕвиттонтӕ хӕсгӕйӕ ӕмӕ равдисдзӕн, царды дзы куыд ис спайда кӕнӕн, уый; афтӕ ма бахахх кӕндзӕн, куыд нын ӕххуыс кӕны хуыздӕр хъусын кӕнынӕн, уый дӕр.
4 1-аг хӕслӕвӕрд. Зондамонӕн раныхӕстӕ кӕмӕн вӕййы, уыцы ӕфсымӕртӕ хъуамӕ «ӕрмӕст ӕрмӕг радзурыныл ма архайой, фӕлӕ ма хъуамӕ банысан кӕной, уыцы ӕрмӕгӕй царды куыд ис спайдагӕнӕн». Уый та нысан кӕны, ӕмбырдӕн бацамонын, цы базыдтой, уый куыд ӕххӕст кӕнын хъӕуы. Ацы хӕслӕвӕрд дӕ куы хъӕуа цӕттӕ кӕнын, уӕд ӕркӕс ахуыргӕнӕн чиныг «Хъусынгӕнджыты скъола»-йы 48 ӕмӕ 49 фӕрстыл лӕвӕрд уынаффӕтӕм ӕмӕ ахуыргӕнӕн чиныджы «Амонӕн»-ы фиппаинӕгтӕм, «Царды сӕ куыд ис спайдагӕнӕн».
5 Библи кӕсыны программӕ. Кӕд раздӕр дӕ бон нӕ уыд Библи программӕмӕ гӕсгӕ кӕсын, уӕд хорз нӕ уаид бацархайын, цӕмӕй дын ацы аз бантыса? Уӕд Чырыстон Грекъаг Фыстытӕ ӕнӕхъӕнӕй бакӕсын дӕ бон суыдзӕн иу азмӕ. Библи Чырыстон Грекъаг Фыстытӕй райдайын кӕсын хорз цӕмӕн у, уый базонӕн ис ахуыргӕнӕн чиныг «Хъусынгӕнджыты скъола»-йы 10 фарсыл 5 абзацӕй.
6 Ахсджиаг хъуыдытӕ Библийӕ. Цӕмӕй хъусджытӕн, Библийы цы бакастысты, уый фӕдыл сӕ бон уа сӕ хъуыдытӕ зӕгъын, уый тыххӕй ацы хӕслӕвӕрды рӕстӕг фӕфылдӕр 10 минуты онг. Ацы хӕслӕвӕрд-иу кӕмӕн уа, уыдон-иу хъуамӕ нысангонд рӕстӕгӕй фылдӕр ма дзурой. Ахсджиаг хъуыдытыл ныхас цӕудзӕн алы къуыри дӕр, уыимӕ ма дзургӕ фӕлхат куы уа, уӕд дӕр. Амынд сӕртӕ кӕсгӕйӕ дӕхицӕн нысан кӕн, бинонтимӕ Библи ахуыргӕнгӕйӕ, хъусынгӕнгӕйӕ кӕнӕ та ӕндӕр искуы кӕмӕй спайда кӕнис, ахӕм хъуыдытӕ. Цавӕр миниуджытӕ равдыста Иегъовӕ хицӕн адӕймӕгтӕ кӕнӕ та ӕнӕхъӕн дзыллӕтӕм? Цы бакастӕ, уый дын дӕ уырнындзинад куыд бафидар кодта ӕмӕ Иегъовӕйӕ тынгдӕр куыд фӕбузныг дӕ? Дӕ бон у сӕрибарӕй ӕрдзурын амынд сӕртӕй кӕцыфӕнды стихыл дӕр, уыимӕ ма 2-аг хӕслӕвӕрды цы стихтӕ ӕмбӕлы, уыдоныл дӕр, уымӕн ӕмӕ уыцы хӕслӕвӕрд цы ’фсымӕрӕн уыдзӕн, уый текстыл нӕ дзурдзӕн.
7 2-аг хӕслӕвӕрд. Алы къуыри дӕр фыццаг ахуыргӕнӕн хӕслӕвӕрд уыдзӕн хъӕрӕй кӕсын. Фылдӕр хатт ӕрмӕг бындуриуӕг кӕндзӕн Библийы ӕрвылкъуырион кӕсыны программӕйыл, фӕлӕ мӕйы фӕстаг къуыри кӕсыны ӕрмӕг ист цӕудзӕн «Хъахъхъӕнӕн мӕсыг»-ӕй. Ахуыргӕнинаг амынд ӕрмӕг хъуамӕ бакӕса, ӕнӕ разныхас ӕмӕ ӕнӕ кӕронбӕттӕн ныхӕстӕй. Афтӕмӕй уый фылдӕр йӕ хъус дардзӕн, хуыздӕр кӕсын куыд хъӕуы, уымӕ (1 Тим. 4:13).
8 3-аг ӕмӕ 4-ӕм хӕслӕвӕрдтӕ. Ацы хӕслӕвӕрдтӕй иуӕй-иутӕн амынд ис фылдӕр ӕрмӕг, иннӕтӕн та къаддӕр, ӕртыккӕгтӕн та амынд у ӕрмӕст йӕ темӕ. Йӕ хӕслӕвӕрды бирӕ ӕрмӕг кӕмӕн нӕ уа кӕнӕ ӕрмӕст йӕ темӕ амынд кӕмӕн уа, уыдонӕн уыдзӕн фадат, цӕмӕй чырыстон публикацитӕ иртасгӕйӕ сӕхӕдӕг ӕрмӕг ссарой. Афтӕмӕй хойӕн ӕнцондӕр уыдзӕн ссарын, йӕ ныхасӕмбалӕн чи сбӕздзӕн, ахӕм ӕрмӕг.
9 Уавӕртӕ. 45-ӕм фарсыл куыд амынд у, афтӕмӕй ныхасӕн уавӕр йӕ бон нысан кӕнын у Скъолайы цӕстдарӕгӕн. Кӕд ӕй нӕ фӕнысан кӕна, уӕд хотӕн сӕхицӕн сӕ бон у уавӕр равзарын 82-аг фарсыл амынд хыгъдӕй. Хо ныхасы алы дыууӕ мӕй дӕр куы цӕуа, уӕд дзы цы ӕртын уавӕры ис, уыдон ын сфаг уыдзысты фондз азӕн. Хотӕ 30-ӕм уавӕр куы равзарой («Хъусын кӕныс, кӕм цӕрыс, уым чи сбӕздзӕн, ӕндӕр ахӕм уавӕры»), уӕд сӕ бланкыл (S-89) бынӕй кӕнӕ та йӕ иннӕ фарсыл хъуамӕ афыссой сӕ уавӕр. Ахуыргӕнинагӕн йӕ раныхасы фӕстӕ Скъолайы цӕстдарӕг йӕ ахуыргӕнӕн чиныджы 82-аг фарсыл ныффысдзӕн, цы уавӕрӕй спайда кодта, уый фарсмӕ, хӕслӕвӕрд цы бон сарӕзта, уый. Цӕстдарӕгӕн уый йӕ бон саразын у, ахуыргӕнинаджы уынаффӕты сыф куы дзаг кӕна, уӕд.
10 Уынаффӕты сыф. Уынаффӕты сыф ис ахуыргӕнӕн чиныджы 79—81 фӕрстыл. Уымӕ гӕсгӕ-иу хъуамӕ алы хӕслӕвӕрды фӕстӕ дӕр дӕ чиныг радтай Скъолайы цӕстдарӕгмӕ. Уый хъуамӕ фысса, ахуыргӕнинӕгтӕ цавӕр уроктыл кусынц, уый.
11 Дзургӕ фӕлхат. Скъолайы рацыд ӕрмӕг фӕлхат цӕудзӕн дзургӕйӕ. Уый уыдзӕн дыууӕ мӕй иу хатт ӕмӕ цӕудзӕн 30 минуты бӕрц. Фӕлхаты фарстытӕ, раздӕрау, мыхуыр цӕудзысты «Нӕ паддзахадон лӕггаддзинад»-ы. Дзургӕ фӕлхат уадзыны къуыри уе ’мбырдӕн конгресс куы уа кӕнӕ уӕм районон цӕстдарӕг куы ӕрцӕуа, уӕд уый фӕстӕ къуыри цы раныхӕстӕ уа, уыдон рахӕссын хъӕудзӕн иу къуыри раздӕр, дзургӕ фӕлхат та — иу къуыри фӕстӕдӕр.
12 Уӕлӕмхасӕн кълӕстӕ. Скъолайы 50 адӕймагӕй фылдӕр фыст куы уа, уӕд хистӕр нӕлгоймӕгтӕн сӕ бон у бакӕнын уӕлӕмхасӕн кълӕстӕ. «Кълӕстӕ бакӕнӕн ис кӕнӕ ахуыргӕнӕн хӕслӕвӕрдтӕн се ’ппӕтӕн дӕр, кӕнӕ та фӕстаг дыууӕйӕн» («Хъусынгӕнджыты скъола», 285 ф.). Ацы уынаффӕ хауы, бирӕ хотӕ кӕм ис, фӕлӕ кӕсыны хӕслӕвӕрд ӕххӕст кӕнынӕн ӕфсымӕртӕ кӕм нӕ фаг кӕны, ахӕм ӕмбырдтӕм. Хистӕр нӕлгоймӕгтӕ хъуамӕ равзарой фӕлтӕрд ӕфсымӕрты, цӕмӕй уыцы кълӕсты ахуыр уадзой.
13 Уынаффӕтӕ, зондамонӕн раныхас кӕмӕн уа, уыдонӕн. Скъолайы программӕйы куыд уыд амынд, афтӕмӕй хистӕр нӕлгоймӕгты совет хъуамӕ снысан кӕна, хибарӕй уынаффӕтӕ чи дӕтдзӕн, Библийӕ ахсджиаг хъуыдытӕ ӕмӕ зондамонӕн раныхӕстӕ кӕмӕн уа, уыцы хистӕр нӕлгоймӕгтӕ ӕмӕ кӕстӕриуӕггӕнӕг ӕфсымӕртӕн. Уый хъуамӕ уа, иннӕ хистӕр нӕлгоймӕгтӕ дӕр кӕмӕ байхъусдзысты, ахӕм фӕлтӕрд хистӕр нӕлгоймаг. Йӕ уынаффӕтӕ хъуамӕ ӕххуыс кӕной дарддӕры рӕзтӕн: йӕ бон у ӕфсымӕрӕй раппӕлын ӕмӕ зӕгъын, йӕ ныхасы хорзӕй цы уыди, афтӕ ма йӕ бакусын цӕуыл хъӕуы, уымӕн иу кӕнӕ дыууӕ цӕвиттоны дӕр ӕрхӕссын. Раныхӕстӕ арӕх цы ӕфсымӕрӕн вӕййы, уымӕн алы хатт уынаффӕтӕ дӕттын нӕ хъӕуы, фӕлӕ уынаффӕтӕ чи дӕтта, уый хъуамӕ арфуынӕг уа ӕмӕ ӕмбара, суанг ма «Хъахъхъӕнӕн мӕсыджы» ахуыры размӕ раныхас кӕмӕн вӕййы, уыдонӕн дӕр кӕй ис баххуыс кӕнӕн, цӕмӕй хуыздӕр дзурой (1 Тим. 4:15).
14 Уынаффӕтӕдӕттӕг йӕ хъус цӕмӕ хъуамӕ дара. Раныхасы уӕлдай тынгдӕр хъус ӕрдарын цӕмӕ хъӕуы, уыцы хъуыддажы уынаффӕтӕдӕттӕгӕн ахъаз цы уыдзӕн? Номыртӕ цы 53 урокыл ис, уыдонӕн сӕ фылдӕры ӕртыккаг фӕлгӕтты ис, раныхасы рӕстӕджы хъус цӕмӕ хъӕуы дарын, уый тыххӕй цыбыр зӕрдылдаринӕгтӕ. Раныхасӕн саргъ кӕныны тыххӕй ма Скъолайы цӕстдарӕг хъуамӕ бафиппайа, ӕрмӕг куыд хорз цӕттӕ уыди ӕмӕ хъуыдытӕ кӕрӕдзиуыл куыд баст уыдысты, уый тыххӕй чиныджы цы зӕрдылдаринӕгтӕ кӕнӕ уынаффӕтӕ ис, уыдон дӕр. Зӕгъӕм, уыдон гӕнӕн ис уой 55 фарсыл уӕлейӕ лӕвӕрд фарстытӕ ӕмӕ 163 фарсыл фӕстаг абзацӕй иуӕй-иу хъуыдытӕ.
15 Сӕрмагонд фиппаинӕгтӕ. Ахуыргӕнӕн чиныджы барӕй ӕрцыд уагъд бирӕ сӕрибар бынат, цӕмӕй, дӕхӕдӕг Библи куы ахуыр кӕнай, кӕнӕ та Скъолайы куы уай, уӕд дзы дӕ бон уа истытӕ фыссын (Кӕс 77, 92, 165, 243, 246 ӕмӕ 250 фф.). Дӕ чиныг алы хатт дӕр хӕсс демӕ. Фыццаг раныхас куы уа, уӕд ӕм хъус дӕ чиныгмӕ кӕсгӕйӕ. Цалынмӕ Скъола цӕуа, уӕдмӕ дӕ чиныг ма сӕхгӕн. Скъолайы цӕстдарӕг цы уынаффӕтӕ дӕтты, уыдон фысс. Дӕ хъус дар, ахуыргӕнинӕгтӕ цавӕр ахуыр кӕныны мадзӕлттӕй, фарстытӕй, цӕстуынгӕ цӕвиттонтӕй, царды хабӕрттӕй, фӕсномыг ныхӕстӕй, цӕстуынгӕ ӕрмӕг ӕмӕ ныхмӕвӕрдтӕй пайда кӕнынц, уымӕ. Алцыдӕр лӕмбынӕг куы фыссай, уӕд Скъолайы цы хорз хъуыдытӕ фехъуыстай, уыдонӕй бирӕ цыдӕртӕ бамбардзынӕ ӕмӕ сӕ царды спайда кӕндзынӕ.
16 Йесо Чырысти зыдта, Хуыцауы Паддзахады тыххӕй хорз хабар хъусын кӕнын кӕй у ӕвӕджиауы кад. Адӕмӕн уымӕй кадджындӕр хъуыддаг сӕ бӕрны никуы уыд. Зӕхмӕ сӕйраджыдӕр уый тыххӕй ӕрцыд (Маркы 1:38). Уый загъта: «Хъуамӕ хъусын кӕнон Хуыцауы Паддзахад, уымӕн ӕмӕ уый тыххӕй ӕрвыст дӕн Ӕз» (Лук. 4:43). Мах дӕр Йесойы цӕвиттон фӕзмгӕйӕ тынг ӕнӕвдӕлон стӕм хорз хабар хъусын кӕныны хъуыддаджы ӕмӕ ӕппынӕдзух хуыздӕр кӕнӕм нӕ «ӕппӕлды нывонд» (Дзут. 13:15). Цӕмӕй нын уый бантыса, уый тыххӕй фӕндфидарӕй иудадзыг архайӕм Хуыцауы Ныхас хъусынгӕнджыты скъолайы — царды нӕ ӕппӕты ахсджиагдӕр хъуыддагмӕ чи бацӕттӕ кӕндзӕн, уыцы Скъолайы.