Хуыцауы Ныхас хъусынгӕнджыты скъола нын цы ӕххуыс у
1 Иегъовӕйы адӕммӕ ӕрхауд стыр кад – йӕхӕдӕг сӕ ахуыр кӕны (Ис. 54:13; Иоан. 6:45). Фӕлӕ нын уыцы ахуыр цас феххуыс уыдзӕн, уый аразгӕ у нӕхицӕй – нӕ зӕрдӕ ахуырмӕ куыд раттӕм, уымӕй. Хъусынгӕнджыты скъола дӕ лӕггад ӕмӕ дӕ уырнындзинадыл куыд фӕзынд, уый хатыс?
2 Ӕппӕлынц дзы. Скъолайы цӕстарджытӕй бирӕтӕ бафиппайдтой: дзырдарӕхстдзинады фарстатӕ бӕстон-биноныг кӕй ӕвзарӕм, уый фӕрцы ӕмбырдты хъусын кӕныны хъуыддаг бӕрӕг фӕхуыздӕр. Сӕ иуы ныхасмӕ гӕсгӕ ма, Библийӕ ахсджиаг хъуыдытӕ ӕвзаргӕйӕ, хъусджытӕн уыцы сӕрты сӕ зӕрдӕмӕ цы фӕцыд, уый зӕгъыны фадат кӕй ис, уый руаджы Библи пъланмӕ гӕсгӕ кӕсын фылдӕрӕн ӕнтысы. Дыккаг хӕслӕвӕрды разныхас ӕмӕ кӕронбӕттӕн кӕй нал хъӕуы цӕттӕ кӕнын, уымӕй бирӕ ӕфсымӕртӕ фӕбузныг сты. Уыцы хӕслӕвӕрд кӕмӕн вӕййы, уыдон сӕ хъус лӕмбынӕгдӕр ӕрдарынц, кӕсын куыд хъӕуы, уымӕ (1 Тим. 4:13).
3 Алкӕмӕндӕр у ӕххуыс. Ӕмбырды дзуапп дӕттын алкӕмӕн дӕр ӕхсызгон у (Ӕмб. 15:23). Дзургӕ фӕлхаты фарстытӕ рагацау кӕй райсӕм, уымӕ гӕсгӕ сӕм нӕ бон вӕййы развӕлгъау ӕркӕсын ӕмӕ стӕй фӕлхаты рӕстӕджы дзуапп кӕнын. Уымӕй уӕлдай ма, 2004 азы 1 январӕй «Хъахъхъӕнӕн мӕсыг»-ы мыхуыр цӕуынц ахсджиаг хъуыдытӕ Библийы чингуытӕй. Уыдон дӕр рацӕуынц, Хъусынгӕнджыты скъолайы уыцы чингуытӕ кӕд фӕкӕсӕм, раст уыцы рӕстӕгмӕ. Статьятӕ стыр ӕххуыс сты хорз дзуаппытӕ дӕттынӕн, Библийӕ ахсджиаг хъуыдытыл куы фӕныхас кӕнӕм, уӕд.
4 Скъолайы фыст чи у, уыдонӕн уӕлдай ахъаз у, хӕслӕвӕрдтӕ кӕй фӕцӕттӕ кӕнынц ӕмӕ сӕ сценӕйӕ кӕй радзурынц, уый. Скъолайы цӕстдарӕг алы хӕслӕвӕрды фӕстӕ дӕр фӕзӕгъы, хорзӕй дзы цы бафиппайдта, ӕмӕ дзы махӕй алкӕмӕндӕр йӕ бон вӕййы зондӕн цыдӕр райсын. Стыр ӕххуыс ма сты, фӕсӕмбырд цӕстдарӕг хицӕнӕй цы уынаффӕтӕ ратты, уыдон. Дзырдарӕхстдзинад фӕхуыздӕр кӕнынӕн ма ахъаз сты, нӕ чиныджы, «Хуыцауы Ныхасы хъусынгӕнджыты скъола – стыр ӕххуыс дӕуӕн», алы сӕры кӕроны дӕр цы фӕлтӕрӕнтӕ ис, уыдон.
5 Скъолайы рӕстӕджы ӕмӕ уый фӕстӕ цы дзӕбӕх уынаффӕтӕ фехъусыс ӕмӕ Библийӕ цы хорз хъуыдытӕ бафиппайыс, уыдон-иу дӕ чиныджы сыфты кӕрӕттыл афысс. Цы базоныс, уый ма рох кӕн ӕмӕ-иу ахъуыды кӕн, Хуыцау дӕ ацы Скъолайы цӕуыл ахуыр кӕны, уый дӕ уырнындзинадыл куыд зыны, дӕ лӕггад дын куыд хуыздӕр кӕны.