Теократон лӕггаддзинады скъола 2002 азӕн
1 Адӕймагӕн дзурыны курдиат кӕй ис, уый адӕмӕн сӕ фылдӕр диссагыл нӕ нымайынц. Афтӕмӕй та дзурыны курдиат у Иегъовӕйы лӕвар. Уыцы лӕвар нын фадат дӕтты иннӕтимӕ ныхас кӕнынӕн, нӕ хъуыдытӕ ӕмӕ нӕ ӕнкъарӕнтӕ ӕргом кӕнынӕн. Уымӕй уӕлдай ма, уый фӕрцы нӕ бон у нӕ Хуыцауы кадджын кӕнын (Пс. 21:23; 1 Кор. 1:4—7).
2 Нӕлгоймӕгтӕ, сылоймӕгтӕ ӕмӕ сывӕллӕттӕ Теократон лӕггаддзинады скъолайы ахуыр кӕнынц Иегъовӕйы ном хъусын кӕнын (Пс. 148:12, 13). 2002-ӕм азы Скъолайы программӕйы ис, нӕхицӕн дӕр ахъаз чи у ӕмӕ уацамынды дӕр спайда кӕнӕн кӕмӕй ис, бирӕ ахӕм библион темӕтӕ. Скъоламӕ нӕхи кӕй цӕттӕ кӕнӕм ӕмӕ дзы кӕй архайӕм, уый руаджы, Хуыцауы Ныхас амонджытӕн куыд ӕмбӕлы, афтӕ нӕ зонындзинӕдтӕ фылдӕр кӕнӕм ӕмӕ арӕхстджындӕрӕй амонӕм (Пс. 44:2).
3 Алы бон дӕр кӕс Библи. Библи немӕ куы хӕссӕм, уӕд ӕй нӕ бон уыдзӕн кӕсын, сӕрибар рӕстӕг-иу нын куы фӕзына, уӕд. Нӕ фылдӕрӕн боны мидӕг цалдӕр сӕрибар минуты уӕддӕр вӕййы уымӕн. Куыд хорз уаид, алы бон дӕр иу фарс уӕддӕр куы кӕсиккам, цӕмӕй, Скъолайы программӕйы Библи кӕсынӕн цы график ис, уымӕй ма фӕстиат кӕнӕм! (Пс. 1:1—3).
4 Библи хорз кӕсын куы зонӕм, уӕд нын уый ӕххуыс кӕндзӕн, цӕмӕй нӕм уацамынды чи хъуса, уыдонӕн сӕ зӕрдӕтӕ бацагайӕм ӕмӕ сӕ Иегъовӕйы кадджын кӕнынмӕ сразӕнгард кӕнӕм. Скъолайы 2-аг хӕслӕвӕрд кӕмӕн уа, уыцы ӕфсымӕртӕ хъуамӕ кӕсой, кӕсой ӕмӕ кӕсой сӕ хӕслӕвӕрд хъӕрӕй. Скъолайы цӕстдарӕг сӕ раппӕлдзӕн ӕмӕ сын уынаффӕтӕ ратдзӕн, цӕмӕй хуыздӕр кӕсой.
5 3-аг хӕслӕвӕрд бындуриуӕг кӕны чиныг «Ӕппӕты номдзыддӕр адӕймаг»-ыл, 4-ӕм та «Базонынад» ӕмӕ «Библион радзырдты» чингуытыл. Хорз уаид, хотӕ-иу сӕ равдысты куы спайда кӕниккой, уӕ территорийы чи сбӕзза, ахӕм уавӕрӕй. Скъолайы цӕстдарӕг хъуамӕ йӕ хъус сӕйраджыдӕр дара, куыд амонынц ӕмӕ Фыстадӕй куыд пайда кӕнынц, уымӕ.
6 Уадз ӕмӕ нӕ алкӕмӕндӕр Теократон лӕггаддзинады скъола ӕххуыс кӕнӕд, цӕмӕй Хуыцауӕй лӕвӕрд дзурыны курдиатӕй дарддӕр дӕр пайда кӕнӕм хорз уацхъуыд хъусын кӕнынӕн ӕмӕ не стыр Хуыцау Иегъовӕйы кадджын кӕнынӕн! (Пс. 33:2; Еф. 6:19).