Хуыцауы Ныхас хъусынгӕнджыты скъола 2004 азы
1 Иегъовӕ ӕххуыс кӕны хуымӕтӕг адӕмӕн ӕппӕты ахсджиагдӕр хъуыддаг ӕххӕст кӕнынӕн. Уый тыххӕй сын дӕтты алцыдӕр, зӕгъӕм, алы къуыри дӕр сӕ ахуыр кӕны Хуыцауы Ныхас хъусынгӕнджыты скъолайы. Дӕ хъаруты ӕмбӕрц дзы архайыс? Январӕй Скъолайы ӕрцӕудзӕн ивындзинӕдтӕ, цӕмӕй дзы ахуыргӕнинӕгтӕ фылдӕр пайда райсой.
2 Уынаффӕтӕ, зондамонӕн раныхӕстимӕ чи рацӕуа, уыдонӕн. Зондамонӕн раныхӕстимӕ ӕмӕ Библийӕ ахсджиаг хъуыдытимӕ цы ӕфсымӕртӕ рацӕуы, уыдон аргъ кӕнынц уынаффӕдӕттӕг ӕфсымӕры амындтӕн. Фӕлтӕрд хистӕр нӕлгоймӕгтӕ фаг цы ӕмбырдты ис, уым уынаффӕтӕ дӕттын алы аз дӕр бабар кӕнӕн ис ӕндӕр ӕмӕ ӕндӕр хистӕр нӕлгоймагӕн. Афтӕмӕй куыст ӕфсымӕртыл ӕмхуызон дих цӕудзӕн. Фӕлӕ ахсджиагдӕр у, хистӕр нӕлгоймӕгтӕ ӕмӕ арӕхстджын кӕстӕриуӕггӕнӕг ӕфсымӕртӕ уынаффӕтӕ кӕй исдзысты алыхуызон ӕфсымӕртӕй — фӕлтӕрд дзурджытӕ ӕмӕ ахуыргӕнджытӕй.
3 Дзургӕ фӕлхат. Дзургӕ фӕлхаты къуыри уе ’мбырдӕн районон конгресс куы уа, уӕд дзургӕ фӕлхат (ӕмӕ программӕйы иннӕ хӕйттӕ дӕр) ахӕссын хъӕуы иу къуыри фӕстӕдӕр, ӕмӕ иннӕ къуырийы Скъолайы программӕ та — иу къуыри раздӕр. Фӕлӕ дзургӕ фӕлхат районон цӕстдарӕджы ӕрцыдимӕ куы баиу уа, уӕд Скъолайы программӕ ӕнӕхъӕнӕй ивын нӕ хъӕуы. Ахӕм уавӕры ӕмбырд райдайдзӕн, куыд райдайы, афтӕ: зарӕг, дзырдарӕхстдзинад ӕмӕ ахсджиаг хъуыдытӕ Библийӕ. Зондамонӕн раныхас (райдайы дзырдарӕхстдзинады фӕстӕ) райсын хъӕуы Скъолайы программӕйӕ иннӕ къуырийӕн. Ахсджиаг хъуыдыты фӕстӕ ӕрдӕгсахат цӕудзӕн Хъусын кӕныны фембӕлд: кӕнӕ ӕртӕ раныхасы фӕйнӕ 10 минуты, кӕнӕ дыууӕ — фӕйнӕ 15 минуты. (Хъусинӕгтӕ айсын хъӕуы.) Зарӕджы фӕстӕ районон цӕстдарӕг рацӕудзӕн 30-минутон раныхасимӕ. Иннӕ къуыри ӕмбырд райдайдзӕн программӕмӕ гӕсгӕ дзырдардарӕхстдзинад ӕмӕ Библийӕ ист ахсджиаг хъуыдытӕй, уый фӕстӕ уыдзӕн дзургӕ фӕлхат.
4 Алы фадатӕй дӕр пайда кӕн монон ӕгъдауӕй рӕзынӕн. Хуыцауы Ныхас хъусынгӕнджыты скъола дын ахъаз куыд кӕна, афтӕ ды фидар кӕндзынӕ де ’мбырд, дӕуыл ӕххӕст кӕндзӕн Библийы пехуымпарад ӕмӕ кад хӕсдзынӕ, цы хорз хабар хъуамӕ хъусын кӕнӕм, уый кӕмӕй цӕуы, Уымӕн (Ис. 32:3, 4; Рарг. 9:19).