Паддзахады залы чиныгдоны тыххӕй ног фӕтк
Бирӕ ӕзты дӕргъы ӕппӕт дунейы ӕмбырдтӕн дӕр стыр ахъаз уыди сӕ Паддзахады залы чиныгдон, уый хуынди Хуыцауы Ныхас хъусынгӕнджыты скъолайы чиныгдон. Раздӕр, алы ӕмбырдӕн дӕр уыдис йӕхи чиныгдон. Фӕлӕ абон иу Паддзахады залы фембӕлдтӕ уадзынц цалдӕр ӕмбырды, уыдонӕй иуӕй-иутӕ сты ӕндӕр ӕвзӕгтыл, ӕмӕ уымӕ гӕсгӕ хуыздӕр уыдзӕн, цӕмӕй алы Паддзахады залы дӕр уа иу ӕххӕст чиныгдон, алы ӕвзагыл дӕр. Агъуысты иу залӕй фылдӕр куы уа, уӕд алы залы дӕр хъуамӕ уа иу чиныгдон, фембӕлдтӕ дзы цы ӕвзагыл цӕуой, уыцы ӕвзӕгтыл.
Ацы ног фӕтк нын баххуыс кӕндзӕн, цӕмӕй нын Паддзахады залы фылдӕр бынат уа ӕмӕ не ’хцайыл фӕстауӕрц кӕнӕм. Уымӕй уӕлдай ма дыууӕ кӕнӕ фылдӕр ӕмбырды чиныгдонтӕ куы баиу кӕной, уӕд сӕ хуыздӕр чиныгдонтӕ рауайдзӕн. Цы литературӕ дзы баззайа, уыдон уыдзӕн бафснайӕн ӕмӕ дзы фӕстӕдӕр сӕ чиныгдонты спайда кӕндзысты, ног Паддзахады залтӕ чи сараза, уыдон. Паддзахады залы компьютер ӕмӕ «Хъахъхъӕнӕн мӕсыджы уагъд литературӕ» компакт дискыл куы уа, уӕд хъусынгӕнджытӕн уыцы кусӕнгарз стыр ӕххуыс уыдзӕн Библи иртасынӕн.
Алы Паддзахады залы дӕр иу ӕфсымӕр йӕ хъус дардзӕн чиныгдонмӕ, хуыздӕр уыдзӕн, уый Скъолайы цӕстдарӕг куы уа. Уый афоныл хъуамӕ чиныгдоны ӕвӕра ног литературӕ, хъуамӕ сын сӕ фыццаг фарсыл мидӕгӕй аив фысса, Паддзахады залы чиныгдоны кӕй сты, уый. Ӕппынкъаддӕр афӕдз иу хатт, уый хъуамӕ бӕлвырд кӕна, мыхуыр ӕрмӕгӕй исты фӕцух ӕви нӕ ӕмӕ цавӕр уавӕры ис, уый. Чиныгдоны чингуытӕ ӕмӕ ӕндӕр мыхуыр ӕрмӕг Паддзахады залӕй ӕддӕмӕ хӕссӕн нӕй.
Паддзахады залты чиныгдонтӕ дарддӕр дӕр ахъаз уыдзысты ӕмбырдӕй алкӕмӕндӕр. Цӕй уӕдӕ сын аргъ кӕнӕм, ӕмӕ сӕ куы пайда кӕнӕм, уӕд «Хуыцауы тыххӕй раст зонындзинӕдтӕ» агурӕм (Ӕмб. 2:5).