Ӕрымысӕн изӕры тыххӕй зӕрдылдаринӕгтӕ

Ӕрымысӕн изӕр ацы аз уыдзӕн 16 апрелы, ӕртыццӕджы. Хистӕр нӕлгоймӕгтӕ хъуамӕ сӕ хъус ӕрдарой ацы хъуыддӕгтӕм:

◼ Фембӕлды рӕстӕг афтӕ снысан кӕнын хъӕуы, цӕмӕй нысӕнттӕ адӕттой ӕрмӕстдӕр хурныгуылды фӕстӕ.

◼ Иууылдӕр, уыимӕ ныхасы рацӕуӕг дӕр, хъуамӕ бӕлвырд зоной, Ӕрымысӕн изӕр цал сахатыл ӕмӕ кӕм уыдзӕн, уый.

◼ Хъӕуы ӕрцӕттӕ кӕнын донгонд дзул ӕмӕ сыгъдӕг сӕн. (Кӕс «Хъахъхъӕнӕн мӕсыг», 1985 аз, 15 февраль, 17 ф., уыр.; 2003 аз, 1 мартъи, 10, 11 фф.)

◼ Рагацау залмӕ ӕрбахӕссын хъӕуы тӕбӕгътӕ, агуывзӕтӕ, стъол ӕмӕ стъолӕмбӕрзӕн.

◼ Паддзахады зал кӕнӕ, фембӕлд цы агъуысты уа, уый хъӕуы рагацау хорз бафснайын.

◼ Рагацау хъӕуы снысан кӕнын уагдарты ӕмӕ, нысӕнттӕ чи хӕсдзӕн, уыдоны, ӕмӕ сын хъӕудзӕн бамбарын кӕнын сӕ хӕслӕвӕрдтӕ ӕмӕ, фембӕлд куыд цӕудзӕн, уый; афтӕ ма сыгъдӕг ӕмӕ аив уӕлӕдарӕсы ӕрбацӕуын кӕй хъӕудзӕн, уый дӕр.

◼ Сӕрстытӕй искӕмӕн бӕрӕгбонмӕ йӕ бон куы нӕ уа ӕрбацӕуын, йӕ ӕнӕниздзинады аххосӕй, уӕд ын хъӕуы баххуыс кӕнын, цӕмӕй йӕ хӕдзары сбӕрӕг кӕна.

◼ Паддзахады залы цалдӕр ӕмбырды фембӕлдтӕ куы уадзой, уӕд хорз уаид, ӕмбырдтӕ куы баныхас кӕниккой, цӕмӕй вестибюлы, бацӕуӕнты ӕмӕ уынджы адӕм ма ӕмбырд кӕной ӕмӕ машинӕты лӕууӕндӕтты та машинӕтӕ кӕрӕдзи ма хъыгдарой. Гӕнӕн кӕм уа, уым хорз уаид, фембӕлдты ӕхсӕн 45 минуты куы уаид.