Хуыцауӕн лӕггад кӕнын — нӕ сӕйрагдӕр хъуыддаг

¹ Алкӕмӕндӕр нӕ бирӕ хъуыддӕгтӕ ис. Зӕгъӕм, Хуыцауы фӕнды, цӕмӕй алы адӕймаг дӕр йӕ бинонты дара (1 Тим. 5:8). Фӕлӕ уыцы хъуыддаг Паддзахады тыххӕй хорз хабар хъусын кӕнын ӕмӕ ахуыргӕнинӕгтӕ цӕттӕ кӕнынӕй ахсджиагдӕр хъуамӕ ма уа (Матф. 24:14; 28:19, 20).

² Йесо нын равдыста, куыд ис «фыццаджыдӕр агурӕн Хуыцауы Паддзахад» (Матф. 6:33, НФ; 1 Пет. 2:21). Исбонӕй йӕм бирӕ ницы уыд, фӕлӕ стыр разӕнгардӕй архайдта йӕ Фыды фӕндон ӕххӕст кӕныныл (Лук. 4:43; 9:58; Иоан. 4:34). Уый алы уавӕрӕй дӕр пайда кодта Хуыцауы тыххӕй дзурынӕн (Лук. 23:43; 1 Тим. 6:13). Уый йӕ ахуыргӕнинӕгты ахӕм зондыл арӕзта, цӕмӕй уыдон дӕр хуымгӕрдӕны куысты афтӕ зӕрдиагӕй архайдтаиккой (Матф. 9:37, 38).

³ Йесойы фӕзмӕм абон. Мах Йесойы фӕзмӕм, хуымӕтӕг цард куы кӕнӕм ӕмӕ Хуыцауӕн лӕггад кӕнын нӕ царды мидис куы уа. Царды нӕ ӕхсызгонӕй цы хъӕуы, уый нын куы уа, уӕд хорз уаид Библийы уынаффӕмӕ хъусын, зӕгъгӕ, ацы дуне цы хъӕздыгдзинӕдтӕ хъары, уыдон ма ӕмбырд кӕнут (Матф. 6:19, 20; 1 Тим. 6:8). Цас хуыздӕр у хъусын кӕныны хъуыддаджы фылдӕр аразын! Зындзинӕдтыл куы сӕмбӕлӕм, уӕд Йесойау мах дӕр нӕ удӕй арт цӕгъдӕм ӕмӕ царды сагъӕстӕн уый бар ма раттӕм, цӕмӕй нӕ нӕ сӕйраг хъуыддагӕй, Паддзахады тыххӕй хорз хабар хъусын кӕнынӕй, фӕиппӕрд кӕной (Лук. 8:14; 9:59—62).

⁴ Суанг ма бирӕ хӕстӕ кӕмӕн ис, уыдон дӕр хъусын кӕныны хъуыддаг ӕппӕты сӕйрагдӕр хъуыддагыл нымайынц. Иу ӕфсымӕр, стыр бинонтӕ кӕмӕн ис, куысты бӕрнон бынат чи ахсы ӕмӕ чырыстон ӕмбырды хистӕр нӕлгоймагӕй чи лӕггад кӕны, уый дзуры: «Хуыцауӕн кӕй лӕггад кӕнын, уый нымайын ме стырдӕр куыстыл». Иу пионер-хо та дзуры: «Пионерӕй лӕггад кӕнын цыфӕнды кадджын куыстӕй дӕр хуыздӕр у».

⁵ Цӕй уӕдӕ нӕ уавӕртӕм нӕкӕсгӕйӕ, Йесойы фӕзмӕм. Куыд? Хуыцауӕн лӕггад кӕнын нӕ сӕйрагдӕр хъуыддаг скӕнгӕйӕ.