Хуынды гӕххӕттытӕй пайда кӕныс?
Иу бон иу 11-аздзыд лӕппу хуынды гӕххӕтт ссардта. Хуыдтой зындоны тыххӕй раныхасмӕ. «Уыцы фарст мӕн тынг цымыдис кодта,– дзырдта уый фӕстӕдӕр,– уымӕн ӕмӕ мӕм афтӕ касти, ӕмӕ ӕдзухдӕр цыдӕр ӕвзӕр аразын, ӕмӕ тарстӕн, мӕлӕты фӕстӕ зындоны арты куы судзон, уымӕй». Лӕппу уыцы раныхасмӕ байхъуыста, Библи ахуыр кӕнын райдыдта ӕмӕ иу-афӕдзы фӕстӕ донаргъуыд райста. Уымӕй райдыдта йӕ чырыстон лӕггад Карл Клейнӕн. Фӕстӕдӕр бирӕ азты дӕргъы уыди Иегъовӕйы Ӕвдисӕнты Разамонӕг Советы уӕнг. Йӕ чырыстон фӕндаг райдыдта хуынды гӕххӕттӕй.
Абон дӕр хуынды гӕххӕтт замманай ӕрмӕг у хъусын кӕнынӕн. Хъусынгӕнджытӕй йӕ бирӕтӕ адӕймагӕн раттынц ӕмӕ сын уый фӕрцы ӕнцондӕр вӕййы ныхас райдайын. Ныййарджытӕн дӕр сӕ бон у сӕ сывӕллӕтты ахуыр кӕнын, цӕмӕй-иу хӕдзарӕй-хӕдзармӕ хъусынгӕнгӕйӕ хуынды гӕххӕтт дӕттой. Фыстӕджыты руаджы чи хъусын кӕны, уыдонӕн дӕр сӕ бон у фыстӕджытимӕ хуынды гӕххӕттытӕ ӕрвитын ӕмӕ сӕ афтӕмӕй ӕмбырдтӕм хонын. Ӕмӕ, кӕй зӕгъын ӕй хъӕуы, хуынды гӕххӕттыты руаджы ӕнцон у, Библи чи ахуыр кӕны ӕмӕ фылдӕр базонын кӕй фӕнды, уыдоны ӕмбырдтӕм хонын.
Дӕ бон у хуынды гӕххӕттытӕй хуыздӕр пайда кӕнын?