Туджы документ байдзаг кодтай?

Документ «Волеизъявление и доверенность относительно медицинского вмешательства» арӕзт у донаргъуыд Йегъовӕйы Ӕвдисӕнтӕн. «Райсом [ныл] цы ’рцӕудзӕн, уый... [кӕй] нӕ зонӕм», уымӕ гӕсгӕ тынг ахсджиаг у рагацау ахъуыды кӕнын, бахъуаджы рӕстӕг цавӕр хос кӕныны мадзӕлттӕ равзардзыстӕм, ӕмӕ нӕ фӕндон документы фӕнысан кӕнын (Иак. 4:14; Ап. хъ. 15:28, 29).

Уыцы хъуыддаджы нын баххуыс кӕндзӕн киноныв «Медицина без переливания крови: как помочь больному, не нарушая его прав». Бакӕс ӕй, стӕй скув ӕмӕ дӕлдӕр цы фарстатӕ ис, уыдоны руаджы ахъуыды кӕн, цы базыдтай, ууыл. (Фиппаинаг: кинонывы ӕвдисынц операцитӕ куыд кӕнынц, уый, ӕмӕ уымӕ гӕсгӕ ныййарджытӕ хъуамӕ ахъуыды кӕной, сӕ гыццыл сывӕллӕттимӕ йӕм кӕсдзысты ӕви нӕ).

1) Дохтыртӕ туг уадзыны фарстамӕ ӕндӕр цӕстӕй кӕсын цӕмӕн райдыдтой? 2) Цавӕр ӕртӕ уӕззау операцийы скодтой ӕнӕ тугӕй? 3) Ӕгас дунейы цал дохтыры бафӕндыд ӕнӕ тугӕй дзӕбӕх кӕнын? Цӕмӕн сӕ бафӕндыд? 4) Фӕстаг рӕстӕг туг уадзыны тыххӕй дохтыртӕ цы раиртӕстой, уымӕй цы рабӕрӕг? 5) Туг уадзын тӕссаг цӕмӕн у? 6) Цавӕр хъуыдымӕ ӕрцыдысты бирӕ фӕлтӕрдджын дохтыртӕ, туг уадзыны бӕсты цы мадзӕлттӕ ис, уыдоны тыххӕй? 7) Цӕмӕн вӕййы анемийӕ? Адӕймаджы ма цас хъуамӕ баззайа туг, цӕмӕй ма амӕла? Цы туг фесӕфта, уый куыд ис баххӕстгӕнӕн? 8) Эритроцитты нымӕц куыд ис фӕфылдӕр кӕнӕн? 9) Операциты рӕстӕджы куыд ис къаддӕр туг сафӕн? 10) Гыццыл сывӕллӕтты дзӕбӕх кӕнынӕн кӕнӕ, цардӕн тӕссаг куы вӕййы, уӕд, туг уадзыны бӕсты цы мадзӕлттӕ ис, уыдонӕй пайда кӕнӕн ис? 11) Рынчыны дзӕбӕх кӕнгӕйӕ дохтыртӕ сӕ зӕрдыл цы хъуамӕ дарой? 12) Туг уадзыны бӕсты цавӕр мадзӕлттӕ равзардзыстӕм, ууыл рагацау ахъуыды кӕнын цӕмӕн хъӕуы? Ӕмӕ уый куыд саразӕн ис?

Кинонывы цы мадзӕлтты кой цӕуы, уыдонӕй кӕцыйыл сразы уыдзыстӕм, уый нӕ алчидӕр йӕхӕдӕг скъуыддзаг кӕны, Библийӕ цы базыдтам, уымӕ гӕсгӕ. Туг уадзыны бӕсты цы мадзӕлттӕ ис, уыдонӕй дӕхи ӕмӕ дӕ сывӕллӕтты дзӕбӕх кӕнынӕн кӕцытӕ равзардзынӕ, уый аскъуыддзаг кодтай? Уыцы фарстатӕ лӕмбынӕгдӕр ӕвзӕрст цӕуынц 2004 азы 15 июны (уыр.) ӕмӕ 2000 азы 1 ноябры «Хъахъхъӕнӕн мӕсыгы», «Кӕсджыты фарстыты», ӕмӕ 2006 азы ноябры «Нӕ хъусын кӕныны хъуыдджы», статьяйы «Цы цӕстӕй кӕсӕм туджы фракцитӕм ӕмӕ хи тугӕй хос кӕныны мадзӕлттӕм». Туджы документы кӕй нӕмттӕ ныффыстай ӕмӕ дӕ бинонтӕй уырнӕг чи нӕу, уыдонӕн лӕмбынӕг бамбарын кӕн, цы уынаффӕ рахастай ӕмӕ цӕмӕн.