Октябры искӕимӕ Библи ахуыр кӕнын райдайдзынӕ?
1. Октябры цы парахат кӕндзыстӕм?
1 Октябры мах парахат кӕндзыстӕм брошюрӕтӕ. Цӕмӕй адӕймаджы фылдӕр базонын бафӕнда, уый тыххӕй йӕм дыккаг хатт куы бацӕуӕм, уӕд-иу ын равдисӕм трактат «Рӕстдзинад базонын дӕ фӕнды?» ӕмӕ бацархайӕм Библи ахуыр кӕнын райдайын. Куыд ис ацы трактаты фӕрцы адӕймагимӕ ныхас райдайӕн?
2. Литературӕ кӕмӕн ныууагътам, уымӕ дыккаг хатт куы бацӕуӕм, уӕд трактат «Рӕстдзинад»-ы фӕрцы нӕ ныхас куыд райдайӕм, цӕмӕй уый фӕстӕ Библи ахуыр кӕнынмӕ рахизӕм?
2 Трактаты фӕрцы ныхас райдайӕн куыд ис? Нӕ бон у зӕгъын: «Айразмӕ дын цы литературӕ ныууагътон, уый у ӕппӕт адӕмӕн дӕр, цыфӕнды диныл хӕст ма уой ӕмӕ цыфӕнды уавӕрты ма цӕрой. Фыст у уый тыххӕй, цӕмӕй Библи хуыздӕр базоной. [Ратт ын трактат «Рӕстдзинад» ӕмӕ йын йе ’ргом раздах, фыццаг фарсыл цы фарстатӕ ис, уыдонмӕ.] Адон сты, бирӕтӕ кӕуыл фӕхъуыды кӕнынц, ахӕм фарстатӕ, ӕмӕ сын ацы трактаты ис Библийӕ бӕлвырд дзуапп. Искӕцыйыл дзы хъуыды кодтай?» Адӕймаг йӕ хъуыды куы зӕгъа, уӕд иумӕ ӕркӕсут, уыцы фарстайӕн трактаты цавӕр дзуапп ис, уымӕ, стӕй дзы бынӕй цы стихтӕ ис, уыдонӕй йын иу бакӕс. Уый фӕстӕ зӕгъ, Библийы ма бирӕ ӕндӕр фарстатӕн дӕр кӕй ис дзуапп. Стӕй йын равдис, адӕмимӕ Библи цы чиныджы ӕххуысӕй ахуыр кӕнӕм, уый, ӕмӕ дзы кӕцы сӕр равзара, уымӕн йӕ фыццаг абзацтыл аныхас кӕн. Кӕнӕ та йын равдис, трактатӕй цы фарстайыл ныхас кодтат, ууыл дзырд бӕстондӕр кӕм цӕуы, уыцы сӕр. Нӕ бон у адӕймагӕн чиныджы равдисын дзуапп, дӕлдӕр цы фарстатӕ ис, уыдонӕн.
● Хуыцау ныл ӕцӕгдӕр тыхсы?
● Хӕстытӕн ӕмӕ хъизӕмӕрттӕн искуы кӕрон уыдзӕн?
● Адӕймагӕн ӕнӕмӕлгӕ уд ис?
● Чи амард, уыдон ма цӕрдзысты?
● Хуыцаумӕ куыд хъӕуы кувын ӕмӕ мын, цымӕ, мӕ куывдтытӕ хъусы?
● Амондджын цӕй фӕрцы уыдзынӕн?
3. Адӕймагимӕ уавӕртӕм гӕсгӕ куыд ныхас кӕнӕм?
3 Кӕд нын фыццаг бацыды рӕстӕг фадат нӕ фӕци, цӕмӕй адӕймагимӕ Библи ахуыр кӕнын райдайӕм кӕнӕ йын равдисӕм, куыд ӕй фӕахуыр кӕнӕм, уый, уӕд ӕм нӕ бон у ногӕй бацӕуын ӕмӕ дарддӕр трактатыл аныхас кӕнын. Хъуамӕ нӕ хъус дарӕм, куыд нӕм хъусы, уымӕ. Чи зоны йӕм цалдӕр хатты бацӕуӕм ӕмӕ, трактаты цы фарстатӕ ис, уыдонӕй цалдӕрыл аныхас кӕнӕм, цалынмӕ чиныгмӕ нӕ рахизӕм, уӕдмӕ. Цӕй уӕдӕ, октябры дӕргъы архайӕм, цӕмӕй ацы замманай трактаты фӕрцы адӕмимӕ Библи ахуыр кӕнын райдайӕм ӕмӕ, рӕстдзинад базонын кӕй фӕнды, уыдонӕн баххуыс кӕнӕм (Иоан. 8:31, 32).