Уацамынды нӕ ныхас куыд райдайӕм
Ноябры фыццаг сабаты куыд ис искӕимӕ Библи ахуыр кӕнын райдайӕн
«Махӕй бирӕты фӕнды, цӕмӕй нын хорз хицауад уа. Куыд дӕм кӕсы, цавӕр хицауадӕн бауыдзӕн йӕ бон адӕмы сӕ зындзинӕдтӕй ссӕрибар кӕнын? [Бауадз ӕй йӕ хъуыды зӕгъын.] Ӕркӕс-ма, ам цы фыст ис, уымӕ». Адӕймагмӕ ратт брошюрӕ «Хуыцауы цӕмӕй бафӕрсис?» ӕмӕ иумӕ бакӕсут ӕмӕ аныхас кӕнут 16 фарсыл фыццаг дӕлсӕргондыл ӕмӕ йын иу стих бакӕс. Зӕгъ ын, ӕндӕр хатт ӕм кӕй бацӕудзынӕ, цӕмӕй иннӕ фарстайыл аныхас кӕнат.
Брошюрӕ «Хуыцауы цӕмӕй бафӕрсис?». «Зӕгъ-ма, дӕ бон куы уаид Хуыцаумӕ иу фарста раттын, уӕд ӕй цӕмӕй бафӕрсис? [Бауадз ӕй йӕ хъуыды зӕгъын.] Чырысти растыл нымадта, чи нӕ тыхсын кӕны, уыцы фарстатӕн дзуапп кӕй агурӕм, уый. [Бакӕс Матфейы 7:7.] Ацы брошюрӕйӕ базондзынӕ дзуапп ацы ӕртӕ ахсджиаг фарстайӕн». Равдис ын, брошюрӕйы 3 фарсыл бынӕй цы фарстатӕ ис, уыдон.