Уацамынды нӕ ныхас куыд райдайӕм
Январы фыццаг сабаты куыд ис искӕимӕ Библи ахуыр кӕнын райдайӕн.
«Хуыцау цыхуызӕн у, уый адӕмӕй бирӕтӕ сӕхирдыгонау ӕмбарынц. Иутӕ хъуыды кӕнынц, зӕгъгӕ йӕ базонӕн нӕй. Иннӕтӕ та йӕ нымайынц сӕ уарзӕгой уӕларвон Фыдыл. Дӕумӕ та куыд кӕсы, Хуыцау цыхуызӕн у?» Бауадз ӕй йӕ хъуыды зӕгъын. Равдис ын январы брошюрӕйы «Чи амард, уыдонӕн ницыуал ныфс ис?» фӕстаг фарс. Аныхас кӕнут фыццаг фарстайыл ӕмӕ дзы цы стихтӕ ис, уыдонӕй йын, ӕппынкъаддӕр, иу бакӕс. Брошюрӕ йӕм ратт ӕмӕ йын зӕгъ, ӕндӕр хатт ӕм кӕй бацӕудзынӕ, цӕмӕй иннӕ фарстайыл аныхас кӕнат.
Брошюрӕ «Чи амард, уыдонӕн ницыуал ныфс ис?».
«Абон ныхас кӕнӕм, алы адӕймагмӕ дӕр чи хауы, ахӕм фарстайыл – адӕймагӕн йӕ хиуӕттӕй исчи куы фӕзиан вӕййы, ууыл. Адӕймагӕн царды уымӕй зындӕр ницы вӕййы, йӕ хиуӕттӕй кӕнӕ йе ’ввахс адӕмӕй исчи куы амӕлы. Афтӕ нӕу? [Бауадз ӕй йӕ хъуыды зӕгъын.] Бирӕтӕн баххуыс кодтой Библийӕ мӕнӕ ацы ныхӕстӕ. [Бакӕс Исайы 25:8.] Ацы брошюрӕйӕ базондзынӕ, Хуыцау мӕлӕтӕн кӕрон кӕй скӕндзӕн ӕмӕ нын чи фӕзиан, уыдоны фӕстӕмӕ цардмӕ кӕй раздахдзӕн, уый».