Парахат кӕнӕм хуынды гӕххӕттытӕ
1. 2014 азы конгресстӕм хуынды гӕххӕттытӕ парахат кӕнын кӕд райдайдзыстӕм?
1 Де ’мбӕлттӕ кӕнӕ дӕ дӕ бинонтимӕ абадын куы фӕнда, уӕд дӕ хъӕудзӕн бирӕ бафыдӕбон кӕнын ӕмӕ хӕрдзтӕ дӕр скӕнын. Кӕй зӕгъын ӕй хъӕуы, хонгӕ дӕр сӕ зӕрдиагӕй кӕндзынӕ. Раст афтӕ бирӕ бафыдӕбон кодтой ӕмӕ алцыдӕр бацӕттӕ кодтой нӕ бӕрӕгбонмӕ – 2014 азы облӕстон ӕмӕ ӕхсӕнадӕмон конгресстӕм. Махмӕ уыцы стыр кад ӕрхауд, цӕмӕй конгрессы размӕ ӕртӕ къуырийы дӕргъы адӕмы хонӕм. Цы нын баххуыс кӕндзӕн хуынды гӕххӕттытӕ зӕрдиагӕй парахат кӕнынӕн?
2. Зиуы нӕ фылдӕр архайынмӕ цы разӕнгард кӕндзӕн?
2 Уыцы зиуы нӕ фылдӕр архайын фӕнддзӕн, Йегъовӕ нын нӕ конгрессты цы ӕрцӕттӕ кӕны, уый нӕхицӕн цы пайда ӕрхӕссы, ууыл куы хъуыды кӕнӕм ӕмӕ дзы бузныг куы уӕм, уӕд (Ис. 65:13, 14). Хъуамӕ ма рох кӕнӕм, ацы зиу алы аз дӕр стыр тыллӕг кӕй ӕрхӕссы. Кӕй фӕхонӕм, уыдонӕй чидӕртӕ конгресмӕ ӕрбацӕудзысты. Уазджытӕ бирӕ куы нӕ уой, уӕддӕр зиуы рӕстӕг зӕрдиагӕй куы архайӕм, уӕд Йегъовӕйы скадджын кӕндзыстӕм ӕмӕ равдисдзыстӕм, куыд рӕдау у, уый (Пс. 145:3, 7; Рарг. 22:17).
3. Хуынды гӕххӕттытӕ куыд парахат кӕндзыстӕм?
3 Хистӕр нӕлгоймӕгты совет аскъуыддзаг кӕндзӕн, се ’мбырд хуынды гӕххӕттытӕ куыд парахат кӕндзӕн, уый. Уымӕ хауы, хӕдзары чи нӕ уа, уыдонӕн хуынды гӕххӕттытӕ ныууадздзысты ӕви нӕ, уый. Стӕй сӕ территорийы бирӕ адӕм кӕм вӕййы, уыцы рӕтты сӕ парахат кӕндзысты ӕви нӕ, уый дӕр. Улӕфгӕ бонты, гӕнӕн куы уа, уӕд-иу хуынды гӕххӕттытимӕ раттын хъӕудзӕн, кӕй парахат кӕнӕм, уыцы брошюрӕтӕ дӕр. Мӕйы фыццаг сабат ӕмӕ зиу иу рӕстӕгмӕ куы ӕрхауой, уӕд фылдӕр архайдзыстӕм, адӕмимӕ Библи ахуыр кӕнын райдайыныл нӕ, фӕлӕ хуынды гӕххӕттытӕ парахат кӕныныл. Зиуы фӕстӕ нын ӕхсызгон уыдзӕн, зӕрдиагӕй дзы кӕй архайдтам, ӕмӕ нӕ бон цас уыди, уыйбӕрц адӕмы кӕй фӕхуыдтам, цӕмӕй Йегъовӕйы куывды немӕ уыдаиккой.