Ӕрымысӕн изӕр. Зиу райдайдзӕн 1 мартъийы
1. Ӕрымысӕн изӕрмӕ хонын кӕд райдайдзыстӕм ӕмӕ ацы аз зиу фылдӕр рӕстӕг цӕмӕн уыдзӕн?
1 Майрӕмбоны, 1 мартъийы райдайдзӕн, алы аз дӕр нын чи вӕййы, уыцы зиу – адӕмы хондзыстӕм Ӕрымысӕн изӕрмӕ. Ӕрымысӕн изӕр уыдзӕн 26 мартъийы, уымӕ гӕсгӕ ацы аз зиу гыццыл фылдӕр ахӕсдзӕн. Уый фӕрцы фылдӕр адӕмӕн уыдзӕн хуынды гӕххӕттытӕ байуарӕн. Стыр территоритӕ цы ӕмбырдтӕн ис, уыдон дӕр фылдӕр адӕмы фӕхондзысты.
2. Хуынды гӕххӕттытӕ цас уыдзӕн райсӕн ӕмӕ нӕ территорийы адӕмы куыд хондзыстӕм?
2 Нӕхи бацӕттӕ кӕнӕм. Хистӕр нӕлгоймӕгтӕ нын зӕгъдзысты, нӕ территорийы адӕмы куыд хондзыстӕм, ӕмӕ-иу хӕдзары чи нӕ уа, уыдонӕн-иу хуынды гӕххӕтт ныууадздзыстӕм ӕви нӕ. Хӕдзарӕй-хӕдзармӕ хуынды гӕххӕттытӕ куы байуарӕм, уӕд сӕ уый фӕстӕ уарӕн уыдзӕн уынгты ӕмӕ, адӕм кӕмдӕриддӕр уа, уым. Уацамындӕн дзуапдӕттӕг цӕстдарӕг сбӕлвырд кӕндзӕн, хъусынгӕнджытӕ литературӕ кӕцӕй фӕисынц, уым фаг хуынды гӕххӕттытӕ кӕй ис, фӕлӕ сӕ иууылдӕр иу ӕвӕрд ма ӕркӕнут. Хуынды гӕххӕттытыл хъуамӕ фыст уа, Ӕрымысӕн изӕр кӕм ӕмӕ цафон уыдзӕн, уый. Хуынды гӕххӕттытӕ-иу райсдзыстӕм ӕрмӕстдӕр иу къуырийы фаг.
3. Хуынды гӕххӕттытӕ уаргӕйӕ нӕ зӕрдыл цы хъуамӕ дарӕм?
3 Цы зӕгъдзыстӕм? Хуыздӕр уыдзӕн цыбыртӕй дзурын, цӕмӕй фылдӕр адӕмыл аххӕссӕм. 4 фарсыл ис цӕвиттон ӕмӕ йӕ ивӕн уыдзӕн уӕ уавӕртӕм гӕсгӕ. Кӕй зӕгъын ӕй хъӕуы, уый ууыл дзурӕг нӕу, ӕмӕ нӕм адӕймаг хорз куы байхъуса кӕнӕ нӕм фарстатӕ куы дӕтта, уӕд ӕй дзургӕ фӕуадзӕм ӕмӕ дарддӕр ацӕуӕм. Хуынды гӕххӕттытӕ улӕфгӕ бонты куы уарӕм, уӕд ма дӕттӕн уыдзӕн, уыцы мӕй кӕй парахат кӕнӕм, уыцы брошюрӕтӕ дӕр. 2 мартъийы нын сӕйрагдӕр уыдзӕн, адӕмӕн Библи ахуыр кӕныны тыххӕй дзурын нӕ, фӕлӕ хуынды гӕххӕттытӕ парахат кӕнын.
4. Зиуы рӕстӕг зӕрдиагӕй цӕмӕн хъуамӕ балӕггад кӕнӕм?
4 Ныфс нӕ ис, Ӕрымысӕн изӕрмӕ бирӕтӕ кӕй ӕрбацӕудзысты. Раныхасы нын бамбарын кӕндзысты, Йесо ӕцӕгдӕр чи у, уый (1 Кор. 11:26). Базонӕн дзы уыдзӕн, кӕй амард, уый нын цы пайда хӕссы (Ром. 6:23). Стӕй ма дзы дзырд цӕудзӕн, ахсджиаг цӕмӕн у, цӕмӕй йӕ нӕ зӕрдыл дарӕм (Иоан. 17:3). Цӕй уӕдӕ зиуы рӕстӕг зӕрдиагӕй балӕггад кӕнӕм!