Бирӕ адӕм кӕм вӕййы, ахӕм рӕтты хъусын кӕнынӕн диссаджы ног мадзал
1. Бирӕ адӕм кӕм вӕййы, ахӕм территориты чи фӕхъусын кӕны, уыцы ӕмбырдтӕн цавӕр уынаффӕ лӕвӕрд ӕрцыд?
1 Бирӕ адӕм кӕм вӕййы, ахӕм территориты чи фӕхъусын кӕны, уыцы ӕмбырдтӕн уынаффӕ лӕвӕрд ӕрцыд, цӕмӕй пайда кӕной, стъӕлттыл кӕй сӕвӕрынц, ахӕм стендтӕй кӕнӕ цӕлхытыл арӕзт стендтӕй. Ӕмбырд цӕлхытыл арӕзт стендимӕ кӕнӕ стъолимӕ куы хъусын кӕна, уӕд уым хъуамӕ лӕууа кӕнӕ бада ӕппынкъаддӕр иу хъусынгӕнӕг. Ахӕм рӕтты чи хъусын кӕна, уыдон-иу хъуамӕ адӕмимӕ фӕлмӕнӕй ӕмӕ хӕларзӕрдӕйӕ ныхас кӕной. Адӕймаг стендмӕ куы кӕса, уӕд хъусынгӕнӕгӕн йӕ бон у афтӕ зӕгъын: «Ацы фарстайы фӕдыл Библи цы дзуры, ууыл искуы хъуыды кодтай?» Уырдӕм хӕстӕг иу кӕнӕ та дыууӕ хъусынгӕнӕгӕн сӕ бон у хъусын кӕнын, фадат-иу сын куы фӕзына, уӕд.
2. Стендимӕ хъусын кӕнын хорз мадзал кӕй у, уый цавӕр хабарӕй у бӕрӕг?
2 Ӕмбырдтӕ ахӕм мадзалы фӕрцы кӕй фӕхъусын кӕнынц, уый фӕрцы бирӕтимӕ райдыдтой Библи ахуыр кӕнын. Зӕгъӕм, колледжы чи ахуыр кодта, иу ахӕм чызг хъуамӕ Йегъовӕйы Ӕвдисӕнты тыххӕй статья ныффыстаид, фӕлӕ йӕ бон Паддзахады зал ссарын нӕ уыд. Иннӕ къуыри колледжы раз Йегъовӕйы Ӕвдисӕнты федта стъолыл ӕвӕрд стендимӕ лӕугӕ. Йемӕ райдыдтой Библи ахуыр кӕнын, ӕмӕ уый фӕстӕ донаргъуыд райста. Ӕмӕ ныр йӕхӕдӕг дӕр хъусын кӕнгӕйӕ уыцы мадзалӕй фӕпайда кӕны.
3. Хъусын кӕнынӕн цы ног мадзал фӕзынд, уый тыххӕй иуӕй-иутӕ цы хъуыды кӕнынц?
3 Иу хойӕн йӕ зӕрдӕмӕ тынг цӕуы ацы мадзалӕй пайда кӕнын, ӕмӕ мӕнӕ цы загъта: «Иуӕй-иутӕ стенды раз ӕрлӕууынц, цӕмӕй-иу ног журналтӕ райсой. Чидӕртӕ та Йегъовӕйы Ӕвдисӕнты тыххӕй хъусгӕ дӕр никуы фӕкодтой. Ӕмӕ мӕ бон зӕгъын у, ацы мадзалы фӕрцы бирӕты зӕрдӕтӕм кӕй ис фӕндаг ссарӕн». Иннӕ хо та афтӕ загъта: «Ацы ног мадзал диссаг у, уымӕн ӕмӕ дӕм адӕм сӕхӕдӕг бацӕуынц ӕмӕ дӕ фырцымыдисӕй истӕмӕй уӕддӕр бафӕрсынц».
4. Хорз цӕмӕн уаид, ӕмбырд-иу стенд алы къуыри дӕр уыцы иу рӕстӕг ӕмӕ уыцы иу ран куы сӕвӕрид, уӕд?
4 Хорз уаид, ӕмбырд-иу стенд алы къуыри дӕр уыцы иу бонты, уыцы иу рӕстӕг ӕмӕ уыцы иу ран куы сӕвӕрид. Афтӕмӕй адӕм стендыл сахуыр уыдзысты ӕмӕ-иу сын ӕнцондӕр уыдзӕн бацӕуын, цӕмӕй-иу фарста раттой кӕнӕ та литературӕ райсой. Уе ’мбырд, бирӕ адӕм кӕм вӕййы, ахӕм рӕтты стендтимӕ фӕхъусын кӕны? Кӕд о, уӕд, чи зоны, дӕуӕн дӕр дӕ бон суа «Хуыцауы паддзахады тыххӕй алкӕмдӕр хъусын кӕнынӕн» ацы мадзалӕй пайда кӕнын (Лук. 9:60). Уый дын циндзинад хӕсдзӕн ӕмӕ дын хъусын кӕныны хъуыддаджы бирӕ бантысдзӕн.