Ӕрымысӕн изӕрмӕ дӕхи цӕттӕ кӕныс?
Хабар уыд н. э. 33 азы 13 нисаны. Йесо зыдта, уыцы изӕр йе ’ввахс ӕмбӕлттимӕ йӕ мӕлӕты размӕ фӕстаг хатт кӕй фембӕлдзӕн. Хъуамӕ семӕ Куадзӕн фӕстаг хатт сбӕрӕг кодтаид ӕмӕ уый фӕстӕ бындур ӕрӕвӕрдтаид ног бӕрӕгбонӕн – Хицауы ӕхсӕвӕрӕн. Уыцы ахсджиаг хабармӕ, кӕй зӕгъын ӕй хъӕуы, алцыдӕр хъуыди бӕстон бацӕттӕ кӕнын. Ӕмӕ уымӕ гӕсгӕ Йесо Петрӕн ӕмӕ Иоаннӕн бахӕс кодта, цӕмӕй, цыдӕриддӕр хъуыди, уый бацӕттӕ кодтаиккой (Лук. 22:7–13). Уӕдӕй фӕстӕмӕ алы аз дӕр, Ӕрымысӕн изӕр сбӕрӕг кӕнын кӕй фӕфӕнды, уыцы чырыстӕттӕ сӕхи уыцы хабармӕ бацӕттӕ кӕнынц (Лук. 22:19). 3 апрелы Ӕрымысӕн изӕр сбӕрӕг кӕнынмӕ нӕхи куыд хъуамӕ бацӕттӕ кӕнӕм?
Хъусынгӕнджытӕ сӕхи куыд хъуамӕ бацӕттӕ кӕной:
Ӕппӕт хъарутӕй бацархайӕнт, Ӕрымысӕн изӕры рӕстӕг цы зиу уыдзӕн, уым.
Ныффыссӕнт, Библи кӕимӕ ахуыр кӕнынц, уыдоны нӕмттӕ, стӕй сӕ хӕстӕджыты, се ’мкъласӕгты кӕнӕ се ’мкусджыты ӕмӕ сӕ зонгӕты нӕмттӕ, ӕмӕ сӕ фӕхонӕнт.
Ӕрымысӕн изӕры рӕстӕг Библийӕ цы скъуыддзӕгтӕ фӕкӕсӕм, уыдон кӕсӕнт ӕмӕ сыл хъуыды кӕнӕнт.
Ӕрымысӕн изӕрмӕ рагацау ӕрбацӕуӕнт, цӕмӕй-иу иннӕтӕн ӕгасцуай зӕгъой ӕмӕ-иу сыл бацин кӕной.