Архайӕм арӕхстджындӕрӕй хъусын кӕныныл. Ныхас кӕнӕм, алы мӕй брошюрӕтӕ кӕмӕн фӕхӕссӕм, уыдонимӕ

Уый ахсджиаг цӕмӕн у. Кӕд бирӕтӕ нӕ брошюрӕтӕ зӕрдиагӕй фӕкӕсынц, уӕддӕр сӕ Библи ахуыр кӕнын нӕ фӕфӕнды. Чи зоны, сӕ диныл ӕнувыд сты кӕнӕ та сӕм афтӕ кӕсы, ӕмӕ сын Библи ахуыр кӕнынӕн рӕстӕг нӕй. Фӕлӕ нын нӕ брошюрӕтӕ арӕх куы кӕсой, уӕд, чи зоны, искуы сӕ зӕрдӕ Хуыцауы Ныхас ӕрцагура (1 Пет. 2:2). Гӕнӕн ис, ӕмӕ сӕм кӕцыдӕр статья уӕлдай тынгдӕр бахъара кӕнӕ та сӕ уавӕртӕ фӕивой. Арӕх-иу сӕ куы абӕрӕг кӕнӕм, уӕд сын немӕ ӕнцондӕр уыдзӕн ныхас кӕнын, ӕмӕ уый фӕрцы базондзыстӕм, цы уарзынц кӕнӕ сӕ цы тыхсын кӕны, уый. Ӕмӕ уӕд, чи зоны, сразы уой Библи ахуыр кӕныныл.