Иудадзыг журналтӕ хӕсгӕйӕ, адӕмӕн фылдӕр базонынӕн ӕххуыс кӕнӕм
1. Иудадзыг журналтӕ хӕсгӕйӕ нӕ бон куыд у адӕмӕн фылдӕр базонынӕн ӕххуыс кӕнын?
1 Хъусын кӕнгӕйӕ цы адӕмыл ӕмбӕлӕм, уыдонӕй бирӕтӕн ӕхсызгон вӕййы не ’рбацыд, стӕй нын нӕ литературӕ дӕр зӕрдиагӕй кӕсынц, фӕлӕ Библи ахуыр кӕныныл нӕ разы кӕнынц. Фылдӕр базонынӕн сын баххуыс кӕндзыстӕм иудадзыг журналтӕ хӕсгӕйӕ. Журналтӕ куы раттыс, уӕд-иу ныффысс адӕймаджы ном ӕмӕ адрис, кӕд ӕм уыдтӕ, цы литературӕ йын радтай, ӕмӕ цы стихыл ныхас кодтат, уый. Стӕй ма, адӕймаджы цы цымыдис кӕны, уый дӕр. Ног журналтӕ куы райсыс, уӕд сӕ кӕмӕн фӕхӕссыс, уыдоны чи бацымыдис кӕна, ахӕм хъуыдытӕ-иу равзар ӕмӕ сӕм иннӕ хатт куы бацӕуай, уӕд-иу сыл ӕрныхас кӕн (1 Кор. 9:19–23). Цасдӕры фӕстӕ нӕ литературӕ, гӕнӕн ис, сӕ зӕрдӕмӕ тынгдӕр цӕуын райдайа ӕмӕ сӕ фылдӕр базонын бафӕнда.
2. Абон адӕмы Иегъовӕйы ӕвӕстиатӕй агурын цӕмӕн хъӕуы, ӕмӕ ма сын нӕ бон куыд у баххуыс кӕнын?
2 Мах зонӕм, адӕмӕн сӕ фылдӕр ӕрмӕст журналтӕ кӕсгӕйӕ, Иегъовӕйӕн лӕггад кӕнын кӕй нӕ райдайдзысты. Абон адӕмы Иегъовӕйы ӕвӕстиатӕй агурын кӕй хъӕуы, уымӕ гӕсгӕ ма сын нӕ бон куыд у фылдӕр базонынӕн баххуыс кӕнын? (Соф. 2:2, 3; Рарг. 14:6, 7). Уый нӕ къухы бафтдзӕн, журналтӕ раттыны размӕ-иу лӕмбынӕг куы ахъуыды кӕнӕм, Библийӕ цавӕр стих бакӕсдзыстӕм, ууыл.
3. а) Нӕ бон куыд у алы бацыдӕн дӕр иу стихыл ныхас кӕнын? ӕ) Кӕм цӕрыс, уым адӕмы тынгдӕр цы тыхсын кӕны?
3 Алы бацыдӕн дӕр иу стихыл ныхас кӕн. Иудадзыг журналтӕ кӕмӕн хӕссыс, уыдоныл хъуыды кӕн. Сӕ уавӕртӕ сын хынц ӕмӕ семӕ ныхас кӕнынӕн цӕттӕ кӕн фӕйнӕ иу стих (Фил. 2:4). Зӕгъӕм, зианджын адӕймагимӕ цалдӕр бацыдӕн аныхас кӕнӕн ис, мӕрдтӕ цы уавӕры сты ӕмӕ сын райгасы ныфс кӕй ис, уый тыххӕй Библи цы дзуры, ууыл. Спайда кӕн брошюрӕ «Куы амӕлы дӕ зӕрдиаг адӕймаг». Алы бацыдӕн дӕр-иу ӕрныхас кӕн иу стихыл. Дӕ бон ма у бацӕттӕ кӕнын ӕмӕ аныхас кӕнын, низтӕ, зӕронддзинад ӕмӕ мӕлӕт бынтондӕр кӕй фесӕфдзысты, ууыл. Уымӕн дын баххуыс кӕндзӕн, адӕймаджы цы цымыдис кӕны, уый куы базонай ӕмӕ йын ӕй Библийӕ дзӕбӕх куы бамбарын кӕнай.
4. Библийӕ стих куы бакӕсӕм, уӕд ӕй адӕймагӕн цӕмӕн хъуамӕ ӕмбарын кӕнӕм, ӕмӕ уый нӕ бон куыд у аразын?
4 Адӕмӕн ӕххуыс кӕнӕм ӕмбарын. Хуыздӕр уыдзӕн, цӕмӕй нӕ ныхас хуымӕтӕг ӕмӕ цыбыр уа. Фӕлӕ цы стихтӕ равзӕрстай, уыдон ӕрмӕст кӕсгӕ бакӕнай, уый фаг нӕу. Сайтан адӕмы зӕндтӕ бакуырм кодта ӕмӕ хорз хабармӕ нӕ хъусынц (2 Кор. 4:3, 4). Библи хорз чи зоны, уыдоны дӕр ӕххуыс хъӕуы, цӕмӕй йӕ бамбарой (Ап. к. 8:30, 31). Хъусынгӕнджыты скъолайы дӕ хӕслӕвӕрд радзурынӕн цас рӕстӕг бахъӕуы, уыйбӕрц рӕстӕг рахицӕн кӕн стих бамбарын кӕнынӕн дӕр (Ап. к. 17:3). Адӕймагӕн равдис, Хуыцауы Ныхас ын царды цы ’ххуыс у, уый.
5. Иудадзыг журналтӕ кӕмӕн хӕссӕм, уыдонимӕ Библи ахуыр кӕнын райдайӕн куыд ис?
5 Адӕймаг цы базоны, уый йӕ зӕрдӕмӕ куы цӕуа, уӕд дӕ бон у, цадӕггай, алы бацыдӕн дӕр Библийӕ дыууӕ кӕнӕ ӕртӕ стихыл ныхас кӕнын. Бацархай раттын брошюрӕ «Цы домы?» кӕнӕ чиныг «Базонынад». Афтӕмӕй, иудадзыг журналтӕ кӕмӕн хӕссӕм, уыдонимӕ, чи зоны, Библи ахуыр кӕнын дӕр райдайӕм.