Архайӕм арӕхстджындӕрӕй хъусын кӕныныл. Кӕм цӕрӕм, уым хорз хабар алкӕмӕн дӕр фехъусын кӕнӕм

АХСДЖИАГ ЦӔМӔН У: пехуымпар Захари загъта, алы ӕвзӕгтыл дзурӕг адӕмтӕ хорз хабар сӕ зӕрдӕмӕ кӕй айсдзысты (Зх 8:23). Фӕлӕ сӕ чи хъуамӕ ахуыр кӕна? (Ро 10:13–15). Махмӕ ӕрхауд стыр кад ӕмӕ нӕ хӕс дӕр у, цӕмӕй, кӕм цӕрӕм, уым алкӕмӕн дӕр хорз хабар фехъусын кӕнӕм (od 83, 84 фф., 10, 11 абз.).

УЫЙ КУЫД ИС АРАЗӔН:

• Цӕттӕ кӕн. Ӕндӕр ӕвзагыл чи дзуры, ахӕм адӕмыл амбӕлыс? Уӕд уыцы ӕвзагыл сахуыр кӕн, ныхас хуымӕтӕгӕй райдайӕн куыд ис, уый. Йе та-иу адӕймагӕн равдис, йӕ телефон кӕнӕ планшеты фӕрцы йӕ бон куыд у йе ’взагыл фылдӕр ӕрмӕг ссарын.

• Лӕмбынӕг у. Хӕдзарӕй-хӕдзармӕ куы хъусын кӕнай, уӕд-иу, фӕндагыл кӕуыл амбӕлай кӕнӕ машинӕйы кӕмӕдӕр чи ӕнхъӕлмӕ кӕса, уыдонимӕ дӕр аныхас кӕн. Бирӕ адӕм кӕм вӕййы, уым куы хъусын кӕнай, уӕд-иу дӕ зӕрдыл дар, дӕ нысан кӕй у адӕмимӕ ныхас кӕнын.

• Ӕнӕзивӕг у. Фыццаг хатт хӕдзары кӕй нӕ баййӕфтай, уыдонмӕ-иу ногӕй бацу. Архай, цӕмӕй-иу алы хӕдзары дӕр искӕимӕ аныхас кӕнай, кӕд ныртӕккӕйы уавӕрты уый ӕмбӕлы, уӕд. Уый тыххӕй сӕм, чи зоны, ӕндӕр рӕстӕг кӕнӕ ӕндӕр бон бацӕуын бахъӕуа. Кӕмӕдӕрты дзы, чи зоны, ис писмо ныффыссӕн, телефонӕй бадзурӕн кӕнӕ та семӕ уынджы аныхас кӕнӕн.

• Ногӕй-иу сӕ абӕрӕг кӕн. Иу гыццыл дӕр дӕм чи байхъуса, уыдоны-иу, гӕнӕн ӕмӕ амалӕй, тагъддӕр абӕрӕг кӕн. Адӕймаг ӕндӕр ӕвзагыл куы дзура, уӕд-иу ссар, уыцы ӕвзаг чи зоны, ахӕм хъусынгӕнӕджы, цӕмӕй йын уый ӕххуыс кӕна. Цалынмӕ йӕ, йе ’взагыл чи дзуры, ахӕм хъусынгӕнӕг нӕ бабӕрӕг кӕна, уӕдмӕ йӕм хъуамӕ дӕхӕдӕг цӕуай (od 94 ф., 39, 40 абз.).

БАКӔСУТ ВИДЕОРОЛИКМӔ «ХЪУСЫН КӔНӔМ „СУАНГ ЗӔХХЫ КӔРӔТТӔМ ДӔР“» ӔМӔ АНЫХАС КӔНУТ АЦЫ ФАРСТАТЫЛ:

• 

  Хотӕ ӕмӕ ӕфсымӕртӕ цы сарӕзтой, цӕмӕй, дард рӕтты чи цӕры, уыдонӕн хорз хабар фехъусын кодтаиккой? (1Кр 9:22, 23).

• 

  Цавӕр зындзинӕдтыл сӕмбӕлдысты?

• 

  Цавӕр арфӕдзинӕдтӕй схайджын сты?

• Дӕ бон цы у аразын, цӕмӕй, кӕм цӕрыс, уым фылдӕр адӕмӕн хъусын кӕнай?