Архайӕм арӕхстджындӕрӕй хъусын кӕныныл. Уавӕртӕм гӕсгӕ архай

УЫЙ АХСДЖИАГ ЦӔМӔН У. Сӕрст чырыстӕттӕ ӕмӕ ӕндӕр фыстӕ алыхуызон адӕмы хонынц, цӕмӕй «царды дон лӕвар» айсой (Рар 22:17). «Царды дон» амоны, Йегъовӕ коммӕгӕс адӕмы тӕригъӕд ӕмӕ мӕлӕтӕй фервӕзын кӕныны тыххӕй цыдӕриддӕр аразы, уымӕ. Адӕм сты алыхуызон ӕгъдӕуттыл ӕмӕ динтыл хӕст. Уымӕ гӕсгӕ «ӕнусон хорз хабар» хъусын кӕнгӕйӕ хъуамӕ архайӕм алкӕй зӕрдӕмӕ дӕр фӕндаг ссарыныл (Рар 14:6).

УЫЙ КУЫД ИС АРАЗӔН:

• Равзар-иу, уӕ территорийы цӕрӕг адӕмы зӕрдӕтӕ кӕй фӕрцы ис бацагайӕн, ахӕм темӕ ӕмӕ стих. Дӕ бон у, «Кусӕн тетрад»-ы 1 фарсыл цы цӕвиттонтӕ вӕййы, уыдонӕй искӕцыйӕ спайда кӕнын кӕнӕ та, уӕ территорийы цӕрӕг адӕмы арӕхдӕр чи бацымыдис кӕны, ахӕм темӕ равзарын. Ӕхсызгондӕрӕй цавӕр темӕтыл ӕмӕ стихтыл фӕныхас кӕнынц? Мыййаг, уӕ территорийы ахӕм хабар ӕрцыд, ӕмӕ йыл бирӕтӕ хъуыды кӕнынц ӕмӕ йыл дзурынц? Цӕуыл ис нӕлгоймӕгтимӕ аныхас кӕнӕн? Сылгоймӕгтимӕ та?

• Адӕймагӕн салам дӕтгӕйӕ ӕмӕ йемӕ ныхас кӕнгӕйӕ дӕ зӕрдыл дар, уӕ территорийы цӕрӕг адӕм кӕрӕдзийӕн салам куыд фӕдӕттынц ӕмӕ кӕрӕдзиимӕ куыд фӕныхас кӕнынц, уый (2Кр 6:3, 4).

• Бацархай, цӕмӕй хорз зонай, иннӕты ахуыр кӕнынӕн чи сты, уыцы публикациты ӕмӕ видеороликты цӕй кой цӕуы, уый. Уый фӕрцы сӕ дӕ бон уыдзӕн, фылдӕр базонын кӕй фӕнда, уыдонӕн ӕвдисын.

• Уӕ территорийы адӕм цы ’взӕгтыл дзурынц, уыцы ’взӕгтыл публикацитӕ ӕмӕ видеороликтӕ рафысс.

• Дӕ ныхас-иу уавӕрмӕ гӕсгӕ фӕив (1Кр 9:19–23). Зӕгъӕм, куы базонай, адӕймагӕн ӕрӕджы чидӕр кӕй фӕзиан, уӕд ын цы ис зӕгъӕн?

БАКӔС ВИДЕОРОЛИКМӔ ӔМӔ ДЗУАПП РАТТ АЦЫ ФАРСТАТӔН:

• Хъусынгӕнӕг нӕлгоймагимӕ цавӕр темӕйыл райдыдта ныхас кӕнын?

• Нӕлгоймагыл цавӕр хабар ӕрцыд?

• Ахӕм уавӕры хуыздӕр цавӕр стих уыд бакӕсын ӕмӕ цӕмӕн?

• Хъусын кӕнгӕйӕ дӕ ныхас куыд фӕивыс, цӕмӕй-иу адӕймаджы зӕрдӕмӕ фӕндаг ссарай?