Буклетты фӕрцы ныхас райдайӕн куыд ис?

2018 азы январӕй фӕстӕмӕ «Нӕ цард ӕмӕ нӕ лӕггад. Кусӕн тетрад»-ы фыццаг фарсыл вӕййы, адӕмимӕ куыд ис аныхас кӕнӕн, уымӕн цӕвиттонтӕ. Уыцы цӕвиттонтӕ нын ӕххуыс кӕнынц, цӕмӕй адӕмимӕ ныхас кӕнӕм, публикацитӕ сын ӕнӕуи ма дӕттӕм, фӕлӕ. Цӕмӕй хъусынгӕнджытӕн адӕмимӕ ныхас кӕнын ӕнцондӕр уа, уый тыххӕй бацӕттӕ кӕнынц видеороликтӕ. Ӕвдыст дзы вӕййы, куыд ис ӕрмӕст Библийы фӕрцы адӕймагимӕ ныхас кӕнын райдайӕн. Фӕлӕ цымӕ уый ууыл дзурӕг у, ӕмӕ хӕдзарӕй-хӕдзармӕ хъусын кӕнгӕйӕ хъуамӕ публикацитӕй ӕппындӕр ма пайда кӕнӕм, зӕгъӕм, электронон публикацитӕй? Кӕй зӕгъын ӕй хъӕуы, нӕ. Зӕгъӕм, нӕ бон у адӕймагимӕ ныхас кӕнын райдайын буклеты фӕрцы. Кӕцыфӕнды буклет ма равзарӕм, уӕддӕр нӕ бон у ацы амындтӕм гӕсгӕ архайын:

1. Адӕймагмӕ ратт, буклеты фыццаг фарсыл цы фарста ис, уый ӕмӕ дзы цы дзуаппытӕ ис, уыдон ын бакӕс.

2. Библийы уыцы фарстайӕн цы дзуапп ис, уый йын буклеты дыккаг фарсыл бакӕс. Рӕстӕг куы амона, уӕд ын бакӕс, буклеты 2 ӕмӕ 3 фӕрстыл цы хъуыдытӕ ис фыст, уыдонӕй иуӕй-иутӕ ӕмӕ сыл аныхас кӕн.

3. Ацӕуыны размӕ йын йӕ хъус ӕрдар, фӕстаг фарсыл цы фарста ис, уымӕ (дӕлсӕргонды «Куыд хъуыды кӕныс?») ӕмӕ йын зӕгъ, иннӕ хатт ын Библийы дзуапп кӕй равдисдзынӕ.

Дыккаг хатт ӕм куы бацӕуай, уӕд аныхас кӕн, фарстайӕн Библийы цы дзуапп ис, ууыл ӕмӕ йын зӕгъ, иннӕ хатт цы фарстайыл аныхас кӕндзыстут, уый. Хорз фарстатӕ ссарӕн ис нӕ сайты кӕнӕ, буклеты фӕстаг фарсыл цы публикаци амынд ис, уым. Уавӕр куы амона, уӕд ын йӕ хъус ӕрдар брошюрӕмӕ «Хорз хабар Хуыцауӕй» кӕнӕ нӕм иннӕты ахуыр кӕнынӕн цы публикацитӕ ис, уыдонӕй искӕцымӕ.