ХУЫЦАУЫ НЫХАСЫ ХӔЗНАТӔ | РАЙДИАН 9–11
«Ӕгас зӕххыл дӕр уыди иу ӕвзаг»
Йегъовӕ Вавилоны ӕгоммӕгӕс адӕмӕн се ’взаг схӕццӕ кодта ӕмӕ сӕ ӕгас зӕххы цъарыл ныххӕлиу кодта. Абон та Хуыцау тынг бирӕ адӕмы ӕмбырд кӕны ӕппӕт адӕмтӕй ӕмӕ ӕвзӕгтӕй ӕмӕ сын дӕтты «сыгъдӕг ӕвзаг», цӕмӕй йӕм «се ’ппӕт дӕр... йӕ номӕй кувой ӕмӕ йын уӕхски-уӕхск лӕггад кӕной» (Сф 3:9; Рар 7:9). «Сыгъдӕг ӕвзаг» у Йегъовӕйы тыххӕй ӕмӕ йӕ фӕндты тыххӕй рӕстдзинад, ӕмӕ йӕ фӕндтӕ та фыст сты Библийы.
Цӕмӕй адӕймаг ӕндӕр ӕвзаг сахуыр кӕна, уый тыххӕй ӕрмӕст ног дзырдтӕ бахъуыды кӕнын фаг нӕу. Хъуамӕ ма сахуыр уа уыцы ӕвзагыл хъуыды кӕнын, ома ӕндӕрхуызон хъуыды кӕнын. Раст афтӕ рӕстдзинады сыгъдӕг ӕвзаг ахуыр кӕнгӕйӕ мах дӕр хъуамӕ нӕ зонд ног кӕнӕм (Ро 12:2). Уый у, ӕдзухдӕр кӕуыл хъӕуы архайын, ахӕм хъуыддаг, ӕмӕ уый фӕрцы Хуыцауы адӕмы ’хсӕн ис иудзинад (1Кр 1:10).