Цӕттӕ дӕ?

Кӕм цӕрыс, уым исты ӕрдзон бӕллӕх куы ’рцӕуа, уӕд цӕттӕ разындзынӕ? Ӕрдзон бӕллӕхтӕ арӕх ӕрцӕуынц ӕнӕнхъӕлӕджы ӕмӕ ӕрхӕссынц стыр зиан. Гӕнӕн ис, зӕххӕнкъуыст ӕрцӕуа, дон раивыла, тыхдымгӕ сыста, хъӕд ссудза кӕнӕ ӕндӕр ӕрдзон бӕллӕх ӕрцӕуа. Уымӕй уӕлдай ма, гӕнӕн ис, кӕмфӕнды дӕр ӕрцӕуой терракттӕ ӕмӕ змӕстытӕ кӕнӕ сыстой фыднизтӕ, ӕмӕ уыцы хабӕрттӕ дӕр ӕрцӕуынц ӕнӕнхъӕлӕджы (Ек 9:11). Хъуамӕ афтӕ ма хъуыды кӕнӕм, махмӕ ахӕм бӕллӕх никуы ӕрцӕудзӕн, зӕгъгӕ.

Алкӕй дӕр нӕ хъӕуы йӕхи ахӕм бӕллӕхтӕм бацӕттӕ кӕнын (Ӕм 22:3). Кӕд нын Йегъовӕйы организаци бӕллӕхты рӕстӕг цӕмӕйдӕрты баххуыс кӕны, уӕддӕр уый ууыл дзурӕг нӕу, ӕмӕ нӕхӕдӕг хъуамӕ мацы аразӕм (Га 6:5).

БАКӔС ВИДЕОРОЛИКМӔ «ӔРДЗОН БӔЛЛӔХТӔМ ЦӔТТӔ ДӔ?» ӔМӔ ДЗУАПП РАТТ АЦЫ ФАРСТАТӔН:

• 

  Нӕ уырнындзинад куы фидар кӕнӕм ӕмӕ Йегъовӕмӕ ӕввахсӕй-ӕввахсдӕр куы кӕнӕм, уӕд нын уый ӕрдзон бӕллӕхты рӕстӕг куыд баххуыс кӕндзӕн?

• 

  Цӕмӕн у ахсджиаг...

  • • рагацау хистӕр нӕлгоймӕгтӕн нӕ телефоны номыр ӕмӕ нӕ адрис раттын, стӕй бӕллӕхы рӕстӕг дӕр ӕмӕ уый фӕстӕ дӕр семӕ ӕмгуыст кӕнын?

  • • бӕллӕхы рӕстӕг нӕ цы бахъӕудзӕн, уыдӕттӕ хызыны ӕвӕрдӕй дарын? (g17.5-U 6)

  • • нӕ территорийы цавӕр ӕрдзон бӕллӕхтӕй у тӕссаг ӕмӕ, исты бӕллӕх куы ’рцӕуа, уӕд куыд хъӕудзӕн архайын, ууыл аныхас кӕнын?

• 

  Ӕрдзон бӕллӕх зиан кӕмӕн ӕрхаста, уыдонӕн нӕ бон цавӕр ӕртӕ хъуыддаджы у баххуыс кӕнын?