«Фӕстаг бонтӕн» сӕ фӕстаг бонтӕм цӕттӕ дӕ?

«Фӕстаг бонтӕн» сӕ фӕстаг бонты кӕй цӕрӕм, уымӕ гӕсгӕ йӕ зонӕм, цард уӕззауӕй-уӕззаудӕр кӕй кӕндзӕн (2Тм 3:1; уӕлӕмхасӕн ӕрмӕг Мф 24:8 стихмӕ, nwtsty). Исты ӕрдзон бӕллӕх куы ӕрцӕуы, уӕд нын Йегъовӕйы организаци, куыд бакӕнын хъӕуы, уый фӕдыл уайтагъд разамынд ратты. Уӕд фервӕздзыстӕм ӕви нӕ, уый кӕнгӕ у, ныр коммӕгӕс стӕм ӕви нӕ, уымӕй. Уӕдӕ дӕ цы хъӕуы аразын? Дӕхи бацӕттӕ кӕн ӕмӕ дӕ уырнындзинад фидар кӕн (Лк 16:10).

• Дӕ уырнындзинад фидар кӕн. Алы бон дӕр Библи кӕс ӕмӕ йӕ иртас. Алыхуызон мадзӕлтты фӕрцы хъусын кӕн. Хотӕ ӕмӕ ӕфсымӕртимӕ цасдӕр рӕстӕг дӕ бон фембӕлын куы нӕ уа, уӕд-иу ууыл ӕгӕр ма тыхс (Ис 30:15). Дӕ зӕрдыл дар: Йегъовӕйӕ ӕмӕ дӕ Йесойӕ ничи ӕмӕ ницы фӕхицӕн кӕндзӕн (od 176 ф., 15–17 абз.).

• Дӕхи бацӕттӕ кӕн. Бӕллӕхы рӕстӕг дӕ цы бахъӕудзӕн, уыдӕттӕ хъуамӕ хызыны ӕвӕрдӕй дарай. Уымӕй уӕлдай ма дӕм хӕдзары хъуамӕ уа фаг хӕринаг, дон, хостӕ ӕмӕ ӕндӕр хъӕугӕ дзауматӕ, цӕмӕй, цасдӕр рӕстӕг дӕ бон хӕдзарӕй рацӕуын куы нӕ уа, уӕд ма фӕтыхсай (Ӕм 22:3; g17.5-U 4, 6).

БАКӔС ВИДЕОРОЛИКМӔ «ӔРДЗОН БӔЛЛӔХТӔМ ЦӔТТӔ ДӔ?» ӔМӔ ДЗУАПП РАТТ АЦЫ ФАРСТАТӔН:

• 

  Нӕ бон куыд у нӕ уырнындзинад фидар кӕнын ӕмӕ нын уый ӕрдзон бӕллӕхы рӕстӕг куыд баххуыс кӕндзӕн?

• 

  Ахсджиаг цӕмӕн у:

  • хистӕр нӕлгоймӕгтӕн нӕ телефоны номыр ӕмӕ нӕ адрис раттын?

  • бӕллӕхы рӕстӕг нӕ цы бахъӕудзӕн, уыдӕттӕ хызыны ӕвӕрдӕй дарын?

  • нӕ территорийы цавӕр ӕрдзон бӕллӕхтӕй у тӕссаг ӕмӕ, исты бӕллӕх куы ’рцӕуа, уӕд куыд хъӕудзӕн архайын, ууыл аныхас кӕнын?

• 

  Ӕрдзон бӕллӕх зиан кӕмӕн ӕрхаста, уыдонӕн нӕ бон цавӕр ӕртӕ хъуыддаджы у баххуыс кӕнын?

АХЪУЫДЫ КӔН: «Коронавирусы хабарӕй куыд рабӕрӕг, ахсджиаг кӕй у, цӕмӕй бӕллӕхтӕм нӕхи рагацау цӕттӕ кӕнӕм?»