Пайда кӕн брошюрӕйӕ «Хуыцауы Ныхасы цы фыст ис», цӕмӕй адӕймагимӕ ныхас кӕнын райдайай
1. Уацамынды пайда кӕнынӕн нын цавӕр ног мадзал фӕзынд?
1 Регионалон конгрессы «Фыццаджыдӕр агурут Хуыцауы Паддзахад!» райстам брошюрӕ «Хуыцауы Ныхасы цы фыст ис». Ацы ног мадзалӕй нӕ бон куыд у пайда кӕнын, цӕмӕй-иу нӕхи уацамындмӕ бацӕттӕ кӕнӕм? Ацы брошюрӕ конд у, чиныг «Рассуждение» куыд конд у, афтӕ – ис дзы алыхуызон темӕтӕ ӕмӕ дзы алкӕцымӕ дӕр ис цалдӕр стихы. Ӕмӕ нын уацамынды ныхас райдайынӕн у стыр ӕххуыс.
2. Куыд ис брошюрӕйӕ «Хуыцауы Ныхасы цы фыст ис» уацамынды пайда кӕнӕн?
2 Дӕ бон у 8 фарста равзарын ӕмӕ ныхас афтӕ райдайын: «Абон бирӕтӕм ахӕм фарста фӕзыны: „Адӕмы хъизӕмӕртты Хуыцау у аххосджын?“ [Иуӕй-иу территориты хуыздӕр вӕййы фарста адӕймагӕн йӕхицӕн равдисын.] Ды та ацы фарстайӕн цавӕр дзуапп раттис? [Бауадз ӕй йӕ хъуыды зӕгъын.] Библийы ацы фарстайӕн ис бӕлвырд дзуапп». Брошюрӕйы амынд стихтӕй йын Библийӕ иу кӕнӕ цалдӕр бакӕс ӕмӕ сыл аныхас кӕн. Кӕд адӕймаджы фылдӕр базонын бафӕнда, уӕд ын равдис, фыццаг фарсыл цы 20 фарстайы ис, уыдон. Стӕй йын зӕгъ, цӕмӕй равзара, дзуапп ӕй цы фарстайӕн фӕнды базонын, уый, ӕмӕ-иу ыл иннӕ хатт аныхас кӕнут. Кӕнӕ та йын дӕ бон у раттын, адӕмимӕ Библи кӕй фӕрцы фӕахуыр кӕнӕм ӕмӕ, цы фарстайыл аныхас кодтат, уый фӕдыл бӕстондӕр кӕм цӕуы дзырд, ахӕм публикаци.
3. Чырыстон диныл хӕст чи нӕу, ахӕм адӕмимӕ куы ныхас кӕнӕм, уӕд нӕ бон куыд у брошюрӕйӕ «Хуыцауы Ныхасы цы фыст ис» пайда кӕнын?
3 Чырыстон диныл хӕст чи нӕу, ахӕм адӕмимӕ куы ныхас кӕнӕм, уӕд нын уӕлдай стыр ӕххуыс фӕуыдзысты брошюрӕйы 4 ӕмӕ 13–17 фарстатӕ. Зӕгъӕм, 17 фарстайы фӕрцы дӕ бон у ныхас афтӕ райдайын: «Абон ныхас кӕнӕм бинонтимӕ. Ӕвӕццӕгӕн, ды дӕр сразы уыдзынӕ, бинонтӕ бирӕ зындзинӕдтыл кӕй ӕмбӕлынц. [Бауадз ӕй йӕ хъуыды зӕгъын.] Бинонтӕй бирӕтӕн баххуыс кодта мӕнӕ ацы уынаффӕ: „Ус... хъуамӕ йӕ лӕджы нымайа“. [Ацы ныхӕстӕ Ефесӕгтӕм 5:33 стихӕй кӕй сты, уый зӕгъын ӕнӕмӕнг нӕу. Сылгоймагимӕ куы ныхас кӕнай, уӕд-иу уымӕн та зӕгъ, Ефесӕгтӕм 5:28 стихты лӕгтӕн цы уынаффӕ ис, уый тыххӕй.] Куыд дӕм кӕсы, бинонтӕ ацы уынаффӕмӕ гӕсгӕ куы архайой, уӕд сын уый исты ӕххуыс уыдзӕн?»
4. Чырыстон диныл хӕст чи нӕу, ахӕм адӕймагимӕ куы аныхас кӕнай, уӕд ын уый фӕстӕ цы ис зӕгъӕн?
4 Дӕ ныхас куы фӕуай, уӕд-иу адӕймагӕн зӕгъ, иннӕ хатт цавӕр фарстайыл аныхас кӕндзыстут, уый. Иннӕ хатт та аныхас кӕнӕн уыдзӕн, цы фарстайыл ныхас кодтат, уый фӕдыл ӕндӕр стихтыл. Уавӕр куы амона, уӕд-иу адӕймагӕн зӕгъ, уыцы хорз уынаффӕтӕ Библийӕ кӕй сты. Адӕймагимӕ цӕуыл ныхас кодтай ӕмӕ Библимӕ цы цӕстӕй кӕсы, ууыл ахъуыды кӕн, ӕмӕ йын ратт, дӕумӕ гӕсгӕ, йӕ зӕрдӕмӕ чи фӕцӕудзӕн, ахӕм публикаци. (Кӕс, 2013 азы декабры «Нӕ хъусын кӕныны хъуыддаджы» цы уӕлӕмхасӕн сыф уыд, уый.)